عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
سه‌رپێچیكردنی ڕاسپارده‌ی خودا 
1
فه‌ریسی و هه‌ندێك له‌ مامۆستایانی ته‌ورات كه‌ له‌ ئۆرشه‌لیمه‌وه‌ هاتبوون له‌لای عیسا كۆبوونه‌وه‌.
2
بینییان هه‌ندێك له‌ قوتابییه‌كانی به‌ ده‌ستی پیس نان ده‌خۆن، واته‌ بێ ده‌ست شوشتن،
3
چونكه‌ فه‌ریسی و هه‌موو جوله‌كه‌ نان ناخۆن ئه‌گه‌ر به‌ باشی ده‌ستیان نه‌شۆن، په‌یوه‌ست بوون به‌ نه‌ریتی پیران،
4
هه‌روه‌ها كاتێك له‌ بازاڕ دێنه‌وه‌ نان ناخۆن هه‌تا خۆیان نه‌شۆن. زۆر دابونه‌ریتی دیكه‌ش هه‌یه‌ كه‌ جێبه‌جێی ده‌كه‌ن، وه‌كو شوشتنی كاسه‌ و چاپه‌ست و دۆلكه‌ی مس.
5
فه‌ریسی و مامۆستایانی ته‌وراتیش لێیان پرسی: «بۆچی قوتابییه‌كانت له‌سه‌ر نه‌ریتی پیران ناڕۆن و به‌ ده‌ستی پیس نان ده‌خۆن؟»
6
ئه‌ویش پێی فه‌رموون: «دووڕووه‌كان، سه‌باره‌ت به‌ ئێوه‌ ئیشایای پێغه‌مبه‌ر پێشبینی باشی كردووه‌، وه‌ك نووسراوه‌:
«{ئه‌م گه‌له‌ به‌سه‌ر لێوان ڕێزم لێ ده‌گرێت،
به‌ڵام دڵی لێم دووره‌.
7
به‌خۆڕایی ده‌مپه‌رستن،
ته‌نها ڕاسپارده‌ی مرۆڤانه‌ فێری خه‌ڵك ده‌كه‌ن.}[a]
8
ئێوه‌ ڕاسپارده‌ی خوداتان پشتگوێ خستووه‌ و ده‌ستتان به‌ نه‌ریتی مرۆڤه‌وه‌ گرتووه‌.»
9
دیسان پێی فه‌رموون: «باش ڕاسپارده‌ی خودا ڕه‌ت ده‌كه‌نه‌وه‌، بۆ ئه‌وه‌ی پارێزگاری له‌ نه‌ریتی خۆتان بكه‌ن.
10
بۆ نموونه‌، موسا گوتوویه‌تی: {ڕێزی دایك و باوكتان بگرن}[b] ، {ئه‌وه‌ی نه‌فره‌ت له‌ باوكی یان دایكی بكات، ده‌بێت بكوژرێت.}[c]
11
به‌ڵام ئێوه‌ ده‌ڵێن: ”ئه‌گه‌ر یه‌كێك به‌ دایك یان باوكی بڵێت: ئه‌وه‌ی له‌ منه‌وه‌ سوودت لێی وه‌رده‌گرت، ده‌یكه‌مه‌ قوربانی،“ به‌ واتای دیاری بۆ خودا،
12
ئیتر نایه‌ڵن شتێكی بۆ دایك یان باوكی بكات.
13
به‌و نه‌ریته‌تان كه‌ له‌ یه‌كتری وه‌رده‌گرن، ده‌سه‌ڵاتی ڕاسپارده‌ی خودا ڕه‌ت ده‌كه‌نه‌وه‌. زۆر شتی دیكه‌ی وه‌ك ئه‌مه‌ ده‌كه‌ن.»
ئه‌وه‌ی مرۆڤ گڵاو ده‌كات 
14
دیسان خه‌ڵكه‌كه‌ی بانگكرد و پێی فه‌رموون: «هه‌موو گوێم لێ بگرن و تێبگه‌ن.
15
شت نییه‌ له‌ ده‌ره‌وه‌ی مرۆڤه‌وه‌ بێته‌ ناوی و گڵاوی بكات. به‌ڵام ئه‌وه‌ی له‌ مرۆڤه‌وه‌ دێته‌ ده‌ره‌وه‌، ئه‌وه‌ مرۆڤ گڵاو ده‌كات.
16
⌟ئه‌وه‌ی گوێی هه‌یه‌ بۆ بیستن با گوێ بگرێت.⌞»
17
كاتێك خه‌ڵكه‌كه‌ی به‌جێهێشت و هاته‌ ماڵه‌وه‌، قوتابییه‌كانی بۆ نموونه‌كه‌ پرسیاریان لێكرد.
18
پێی فه‌رموون: «ئێوه‌ش ئاوا تێنه‌گه‌یشتوون؟ ئایا تێناگه‌ن كه‌ هه‌رچی له‌ ده‌ره‌وه‌ی مرۆڤه‌وه‌ دێته‌ ناویه‌وه‌ ناتوانێت گڵاوی بكات؟
19
چونكه‌ ناچێته‌ دڵییه‌وه‌، به‌ڵكو سكی، ده‌چێته‌ ده‌ره‌وه‌ش بۆ ئاوده‌ست.» به‌مه‌ش ڕایگه‌یاند كه‌ هه‌موو خواردنێك پاكه‌.
20
ئینجا فه‌رمووی: «ئه‌وه‌ی له‌ مرۆڤ ده‌رده‌چێت، ئه‌وه‌یه‌ مرۆڤ گڵاو ده‌كات،
21
چونكه‌ له‌ ناوه‌وه‌، له‌ دڵی مرۆڤه‌وه‌، بیری خراپ ده‌رده‌چێت: به‌دڕه‌وشتی، دزی، كوشتن،
22
داوێنپیسی، چاوچنۆكی، خراپه‌كاری، هه‌ڵخه‌ڵه‌تاندن، به‌ڕه‌ڵایی، چاوپیسی، كفر، لووتبه‌رزی، گێلی.
23
هه‌موو ئه‌م خراپانه‌ له‌ ناخی مرۆڤه‌وه‌ ده‌رده‌چن و گڵاوی ده‌كه‌ن.»
باوه‌ڕی ژنێكی كه‌نعانی 
24
عیسا ئه‌وێی به‌جێهێشت، چوو بۆ هه‌رێمی سور. چووه‌ ماڵێك و نه‌یویست كه‌س بزانێت، هه‌رچه‌نده‌ نه‌یتوانی خۆی بشارێته‌وه‌.
25
له‌به‌ر ئه‌وه‌ی ژنێك كچه‌كه‌ی ڕۆحی پیسی تێدابوو، كاتێك هه‌واڵی ئه‌وی بیست یه‌كسه‌ر هات و له‌به‌رپێی كه‌وت.
26
ژنه‌كه‌ش یۆنانی بوو، له‌ ڕه‌گه‌زی فینیكیای سوریا بوو، داوای لێكرد ڕۆحه‌ پیسه‌كه‌ له‌ كچه‌كه‌ی ده‌ربكات.
27
ئه‌ویش پێی فه‌رموو: «جارێ با منداڵان تێر بن، چونكه‌ ناشێت نانی منداڵان ببڕدرێت و فڕێبدرێت بۆ سه‌گ.»
28
به‌ڵام وه‌ڵامی دایه‌وه‌: «گه‌وره‌م! سه‌گیش له‌ژێر خواندا له‌ پاشماوه‌ی منداڵان ده‌خوات.»
29
پێی فه‌رموو: «له‌به‌ر ئه‌م قسه‌یه‌، بڕۆ، ڕۆحه‌ پیسه‌كه‌ له‌ كچه‌كه‌ت ده‌رچوو.»
30
گه‌ڕایه‌وه‌ ماڵه‌كه‌ی، بینی منداڵه‌كه‌ له‌سه‌ر جێگاكه‌ی پاڵكه‌وتووه‌ و ڕۆحه‌ پیسه‌كه‌ ده‌رچووبوو.
چاكبوونه‌وه‌ی كه‌ڕولاڵێك 
31
ئینجا عیسا هه‌رێمی سوری به‌جێهێشت و به‌ سه‌یدا دا به‌ره‌و ده‌ریاچه‌ی جه‌لیل هات، به‌ هه‌رێمی ده‌ شاره‌كه‌دا.
32
كه‌ڕێكی لاڵوپته‌یان بۆ هێنا، لێی پاڕانه‌وه‌ ده‌ستی له‌سه‌ر دابنێت.
33
عیسا بردییه‌ لایه‌كه‌وه‌، دوور له‌ خه‌ڵكه‌كه‌، په‌نجه‌كانی خسته‌ ناو گوێی كابراوه‌ و تفی كرد به‌ ده‌ستی خۆیدا و ده‌ستی له‌ زمانی دا.
34
چاوی به‌ره‌و ئاسمان هه‌ڵبڕی و هه‌ناسه‌یه‌كی هه‌ڵكێشا و پێی فه‌رموو: «ئێففه‌سا!» واته‌ بكرێوه‌.
35
ده‌ستبه‌جێ گوێیه‌كانی كرانه‌وه‌ و گرێی زمانی شلبووه‌وه‌ و به‌ ڕه‌وانی قسه‌ی كرد.
36
ئینجا ڕایسپاردن به‌ كه‌س نه‌ڵێن، به‌ڵام چه‌ند ڕایده‌سپارد ئه‌وان زیاتر بڵاویان ده‌كرده‌وه‌.
37
زۆر سه‌رسام بوون و ده‌یانگوت: «هه‌موو شتێكی به‌ باشی كردووه‌! وا ده‌كات كه‌ڕ ببیستێت و لاڵ قسه‌ بكات.»
  1. a. 7‏:7 \+xt ئیشایا 29‏:13.‏\+xt*‏
  2. b. 7‏:10 \+xt ده‌رچوون 30‏:12 و دواوتار 5‏:16.‏\+xt*‏
  3. c. 7‏:10 \+xt ده‌رچوون 21‏:17 و لێڤییه‌كان 20‏:9.‏\+xt*‏