عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
چاكبوونه‌وه‌ی ئیفلیجێك 
1
له‌ كاتی نوێژی كاتژمێر سێی[a] پاش نیوه‌ڕۆ په‌ترۆس و یۆحه‌نا سه‌ركه‌وتن بۆ په‌رستگا.
2
له‌به‌رده‌م ده‌رگای په‌رستگادا كه‌ پێی ده‌گوترا ده‌رگای جوان، پیاوێك به‌ زگماك ئیفلیج دانیشتبوو، هه‌موو ڕۆژێك هه‌ڵیانده‌گرت‏ و له‌وێ دایانده‌نا تاكو سواڵ بكات له‌وانه‌ی ده‌هاتنه‌ حه‌وشه‌كانی په‌رستگاكه‌وه‌.
3
په‌ترۆس و یۆحه‌نای بینی به‌ نیازن بێنه‌ ناو په‌رستگا، داوای خێری لێكردن.
4
په‌ترۆس له‌گه‌ڵ یۆحه‌نا تێیڕووانی، گوتی: «سه‌یرمان بكه‌!»
5
ئه‌ویش چاوی تێبڕین و چاوه‌ڕێی ده‌كرد شتێكیان لێ وه‌رگرێت.
6
په‌ترۆس گوتی: «زێڕ و زیوم نییه‌، به‌ڵام ئه‌وه‌ی هه‌مه‌ ده‌تده‌مێ. به‌ ناوی عیسای مه‌سیحی ناسیره‌ییه‌وه‌، هه‌سته‌ و بڕۆ!»
7
ئینجا به‌ ده‌ستی ڕاستی گرتی و هه‌ڵیستاند، ده‌ستبه‌جێ هێز كه‌وته‌ پێ و پاژنه‌كانی.
8
ئیتر هه‌ڵبه‌زییه‌وه‌ و ڕاوه‌ستا و ده‌ستی به‌ ڕۆیشتن كرد، له‌گه‌ڵیان چووه‌ ناو حه‌وشه‌كانی په‌رستگا، ده‌ڕۆیشت و هه‌ڵده‌به‌زییه‌وه‌ و ستایشی خودای ده‌كرد.
9
هه‌موو خه‌ڵك بینییان ده‌ڕوات و ستایشی خودا ده‌كات.
10
جا خه‌ڵكه‌كه‌ ناسییانه‌وه‌ كه‌ ئه‌وه‌یه‌ بۆ سواڵكردن له‌لای ده‌رگای په‌رستگا داده‌نیشت، ئه‌وه‌ی كه‌ پێی ده‌گوترا جوان، سه‌رسامی و حه‌په‌ساویش دایگرتن له‌وه‌ی به‌سه‌ری هات.
وتاری په‌ترۆس له‌ په‌رستگا 
11
كاتێك پیاوه‌كه‌ خۆی به‌ په‌ترۆس و یۆحه‌ناوه‌ هه‌ڵواسی بوو، هه‌موو خه‌ڵكه‌كه‌ به‌ سه‌رسامییه‌وه‌ ڕایانكرده‌ لایان بۆ ئه‌و ڕێڕه‌وه‌ی كه‌ پێی ده‌گوترا ڕێڕه‌وی سلێمان، كه‌ هه‌ردوو لای به‌ كۆڵه‌كه‌ گیرابوو.
12
په‌ترۆس ئه‌مه‌ی بینی، پێی گوتن: «پیاوانی ئیسرائیل، بۆچی له‌مه‌ سه‌رسامن؟ بۆچی چاوتان تێبڕیوین وه‌ك ئه‌وه‌ی به‌ توانا یان به‌ له‌خواترسیمان وامان كردووه‌ بڕوات؟
13
خودای ئیبراهیم و ئیسحاق و یاقوب، خودای باوكانمان، عیسای خزمه‌تكاری خۆی شكۆدار كرد، ئه‌وه‌ی به‌ گرتنتان دا و له‌به‌رده‌م پیلاتۆس نكۆڵیتان لێكرد، كه‌ بڕیاری دابوو به‌ریبدات.
14
ئێوه‌ نكۆڵیتان له‌ پیرۆز و ڕاستودروسته‌كه‌[b] كرد و داوای وه‌رگرتنه‌وه‌ی بكوژێكتان كرد.
15
سه‌رۆكی ژیانتان كوشت، به‌ڵام خودا له‌نێو مردووان هه‌ڵیستانده‌وه‌ و ئێمه‌ شایه‌تین بۆ ئه‌مه‌.
16
ئه‌م پیاوه‌ی ئێوه‌ ده‌یبینن ‏و ده‌یناسن،‏ باوه‌ڕی به‌ناوی عیسا هه‌بوو، بۆیه‌ هێز و توانای بۆ گه‌ڕایه‌وه‌. به‌ ناوی عیسا و ئه‌و باوه‌ڕه‌ی به‌هۆیه‌وه‌ دێت، له‌‏به‌رچاوی هه‌مووتان ئه‌م ته‌ندروستییه‌ ته‌واوه‌ی پێ به‌خشی.
17
«ئێستاش برایان ده‌زانم به‌ نه‌زانی ئه‌وه‌تان كرد، هه‌روه‌ك ڕابه‌ره‌كانیشتان.
18
به‌ڵام خودا ئه‌وه‌ی پێشتر له‌سه‌ر زمانی هه‌موو پێغه‌مبه‌رانه‌وه‌ ڕایگه‌یاند، كه‌ مه‌سیحه‌كه‌ی خۆی ئازار ده‌چێژێت، ئاوا هێنایه‌ دی.
19
كه‌واته‌ تۆبه‌ بكه‌ن و بگه‌ڕێنه‌وه‌ بۆ لای خودا تاكو گوناهه‌كانتان بسڕێنه‌وه‌، تاكو له‌لای یه‌زدانه‌وه‌ كاتی حه‌سانه‌وه‌تان بێت و
20
مه‌سیحتان بۆ بنێرێته‌وه‌، ئه‌و عیسایه‌ی كه‌ پێشتر بۆتانی دیاری كردبوو.
21
ئه‌وه‌ی ده‌بێت له‌ ئاسمان بیهێڵێته‌وه‌، هه‌تا كاتی چاككردنه‌وه‌ی هه‌موو شتێك[c] ، ئه‌وه‌ی له‌ كۆنه‌وه‌ خودا له‌سه‌ر زاری پێغه‌مبه‌ره‌ پیرۆزه‌كانییه‌وه‌ باسی كردووه‌.
22
موساش گوتی: {یه‌زدانی په‌روه‌ردگارتان له‌نێو برایانتاندا پێغه‌مبه‌رێكی وه‌ك منتان بۆ داده‌نێت، له‌ هه‌موو ئه‌وه‌ی پێتانی ده‌ڵێت گوێی لێ بگرن.
23
جا هه‌ركه‌سێك گوێ له‌م پێغه‌مبه‌ره‌ نه‌گرێت له‌نێو گه‌ل ده‌بڕدرێته‌وه‌.}[d]
24
«هه‌موو پێغه‌مبه‌رانیش، له‌ ساموئێل به‌دواوه‌، هه‌موو ئه‌وانه‌ی قسه‌یان كردووه‌، باسی ئه‌م ڕۆژانه‌یان كردووه‌.
25
ئێوه‌ش كوڕی پێغه‌مبه‌ران و ئه‌و په‌یمانه‌ن كه‌ خودا له‌گه‌ڵ باوكانتاندا به‌ستی، به‌ ئیبراهیمی فه‌رموو: {له‌ ڕێگه‌ی نه‌وه‌ی تۆوه‌ هه‌موو نه‌ته‌وه‌كانی سه‌ر زه‌وی به‌ره‌كه‌تدار ده‌بن.}[e]
26
كاتێك خودا خزمه‌تكاری خۆی هه‌ستانده‌وه‌، یه‌كه‌م جار بۆ ئێوه‌ی نارد، بۆ ئه‌وه‌ی به‌ره‌كه‌تدارتان بكات به‌ گه‌ڕانه‌وه‌ی هه‌ریه‌كه‌تان له‌ خراپه‌كانی.»
  1. a. 3‏:1 یۆنانی: كاتژمێری نۆیه‌م.
  2. b. 3‏:14 مه‌به‌ست له‌ مه‌سیحه‌.
  3. c. 3‏:21 گه‌ڕانه‌وه‌ی مه‌سیح، بڕوانه‌ \+xt ئاشكراكردن 21‏\+xt*‏.
  4. d. 3‏:23 \+xt دواوتار 18‏:15‏،18‏،19.‏\+xt*‏
  5. e. 3‏:25 \+xt په‌یدابوون 22‏:18؛ 26‏:4.‏\+xt*‏