عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- هاریكاریا هەژاران
- 1
- هشیار بن ئایینداریا خۆ ل پێش چاڤێن خەلكی نەكەن داكو ژ لایێ وان ڤە بهێنە دیتن، چنكو هنگی هەوە ل نك بابێ خۆ یێ ل ئەسمانان پاداشت نابیت.
- 2
- لەوما هەر دەمێ تۆ خێرەكێ دكەی، دەنگی ژێ نەئینە[a] ، هەروەكو مرۆڤێن دووڕوی ل جادە و كنیشتەیان دكەن، دا ژ لایێ مرۆڤان ڤە بهێنە مەزن كرن. ب راستی دبێژمە هەوە: وان پاداشتێ خۆ وەرگرتییە.
- 3
- لێ دەمێ تۆ خێرەكێ دكەی، نەهێلە دەستێ تە یێ چەپێ بزانیت كا دەستێ تە یێ راستێ چ دكەت،
- 4
- داكو خێرا تە یا نەپەنی بیت و بابێ تە، ئەوێ نەپەنیان دبینیت، دێ پاداشتێ تە دەتە تە.
- نڤێژكرن
- 5
- دەمێ هوین نڤێژێ دكەن، وەكو مرۆڤێن دووڕوی نەبن، ئەوێن حەز دكەن ل كنیشتەیان و دووڕیانێن جادەیان بڕاوەستن و نڤێژان بكەن داكو مرۆڤ وان ببینن. ب راستی دبێژمە هەوە: وان پاداشتێ خۆ وەرگرتییە.
- 6
- لێ دەمێ تۆ نڤێژێ دكەی، هەڕە د ژۆرا خۆ ڤە و دەرگەهی بگرە و بۆ بابێ خۆ، ئەوێ نەبەرچاڤ، نڤێژان بكە و بابێ تە، ئەوێ نەپەنیان دبینیت، دێ پاداشتێ تە دەتە تە.
- 7
- دەمێ هوین نڤێژان دكەن، وەكو پووتپەرێسان[b] دپڕبێژ نەبن، چنكو یا ژ وان ڤە چەند زێدە بئاخڤن دێ پتر هێنە بهیستن.
- 8
- ئەڤجا وەكو وان نەبن، چنكو بابێ هەوە دزانیت كا هەوە چ دڤێت بەری هوین داخوازێ ژێ بكەن.
- 9
- ئەڤجا هوین نڤێژان هۆسا بكەن:
بابێ مە یێ ل ئەسمانان،
بلا ناڤێ تە پیرۆز بیت،[c] - 10
- بلا پاشایەتیا تە بهێت،
بلا حەزا تە ب جهـ بهێت،
كا چەوا ل ئەسمانی،
هەروەسا ل سەر ئەردی ژی. - 11
- نانی تێرا مە، ئەڤرۆ بدە مە.
- 12
- ل قەرێن مە ببورە[d] ، هەروەكو ئەم ل قەردارێن خۆ دبورین.
- 13
- مە نەئێخە د تاقیكرنێ دا، لێ مە ژ خرابكاری[e] قورتال بكە، چنكو پاشایەتی و هێز و مەزناهی هەروهەر یێن تەنە.
ئامین.[f] - 14
- ئەگەر هوین ل گونەهێن خەلكی یێن د دەرهەقا هەوە دا دهێنە كرن ببورن، بابێ هەوە یێ ئەسمانی ژی دێ ل گونەهێن هەوە بوریت،
- 15
- لێ ئەگەر هوین ل گونەهێن خەلكی نەبورن، بابێ هەوە ژی ل گونەهێن هەوە نابوریت.
- رۆژیگرتن
- 16
- دەمێ هوین رۆژیان دگرن، ناڤ چاڤێن خۆ تێك نەدەن، هەروەكو دووڕوی دكەن، چنكو ئەو ناڤ چاڤێن خۆ تێك ددەن دا بۆ خەلكی دیار بكەن كو ئەو ب رۆژینە. ب راستی دبێژمە هەوە: وان پاداشتێ خۆ وەرگرتیە.
- 17
- لێ دەمێ تۆ رۆژیێ دگری، دێمێ خۆ بشوو و سەرێ خۆ چەور بكە،
- 18
- دا نە بۆ خەلكی، لێ بۆ بابێ تە یێ نەهێتە دیتن، دیار ببیت كو تۆ یێ ب رۆژی. ئەڤجا بابێ تە، ئەوێ نەپەنیان دبینیت، دێ پاداشتێ تە دەتە تە.
- گەنجینەیێن ل ئەسمانی
- 19
- گەنجینەیان بۆ خۆ ل سەر ئەردی كۆم نەكەن، ل وی جهێ دێ ژەنگ و خویرك پویچ كەن و دێ دزیكەر كونكەن و دزن.
- 20
- لێ گەنجینەیان بۆ خۆ ل ئەسمانی كۆم كەن، ل وی جهێ نە ژەنگ و خویرك پویچ دكەن و نە دزیكەر كون دكەن و ددزن.
- 21
- چنكو گەنجینەیا تە ل كیرێ بیت، دلێ تە ژی دێ ل وێرێ بیت!
- چرایێ لەشی
- 22
- چرایێ لەشی چاڤە. ئەڤجا ئەگەر چاڤێ تە یێ ساخلەم بیت، لەشێ تە هەمی دێ یێ ب رۆناهی بیت.
- 23
- ئەگەر چاڤێ تە یێ خراب بیت، لەشێ تە هەمی دێ یێ تاری بیت. ئەگەر ئەو رۆناهیا د ناڤ تە دا تاریاتی بیت، تاریاتیەكا چەندا دژوارە!
- دوو خودان
- 24
- كەس نەشێت خزمەتا دوو خودانان بكەت، چنكو یان دێ كەرب ژ ئێكی ڤەبن و حەز ژ یێ دی كەت، یان ژی دێ گەهیتە ئێك ژ وان و یێ دی پشت گوهـ ڤە هاڤێت. هوین نەشێن خزمەتا خودێ و پارەی بكەن.
- خودێ چاڤێ خۆ ل مە دكەت
- 25
- ژ بەر ڤی ئەگەری ئەز دبێژمە هەوە: خەما ژیانا خۆ هەلنەگرن كا دێ چ خۆن و چ ڤەخۆن، یان لەشێ خۆ كا دێ چ كەنە بەر خۆ. ما ژیان ب تنێ خوارنە؟ و لەش ژی ب تنێ جل و بەرگە؟
- 26
- بەرێ خۆ بدەنە باڵندەیێن ئەسمانی: ئەو نە دچینن و نە ددروین و نە ژی د عومباران دا كۆم دكەن و بابێ هەوە یێ ئەسمانی خوارنێ ددەتێ. ئەرێ ما هوین گەلەك ژ وان ب بهاتر نینن؟
- 27
- ما كی ژ هەوە ب خەمخوارنێ دشێت دەمژمێرەكا ب تنێ ل سەر ژیێ خۆ زێدە بكەت؟
- 28
- هەروەسا بۆچی ژ بەر جلكان هوین خەمان دخۆن؟ بەرێ خۆ بدەنە سیسنێن ئاقاری چەوا وەرارێ دكەن، نە خۆ دوەستینن و نە رستنێ دكەن،
- 29
- لێ ئەز دبێژمە هەوە: خۆ سلێمانی ژی، د هەمی مەزناهیا خۆ دا، وەكو ئێك ژ ڤان جلێن جوان ل بەر خۆ نەكرینە!
- 30
- ئەگەر خودێ گول و گیایێ ئاقاری، ئەوێ ئەڤرۆ هەی و سوبەهی دهاڤێژنە د تەنویرێ دا، هۆسا ب جلك بئێخیت، ئەرێ گەلی كێمباوەران، ما نە گەلەك مسۆگەرترە ئەو هەوە ب جلك بئێخیت؟
- 31
- ئەڤجا خەمێ نەخۆن و بێژن: ‹ئەم دێ چ خۆین؟› یان ‹ئەم دێ چ ڤەخۆین؟› یان ‹ئەم دێ چ كەینە بەر خۆ؟›.
- 32
- مللەتێن پووتپەرێس بزاڤێ بۆ ڤان هەمیان دكەن. بابێ هەوە یێ ئەسمانی دزانیت كو هەوە پێدڤی یا ب ڤان هەمیان هەی.
- 33
- لێ هوین ل پێشیێ بزاڤێ بۆ پاشایەتیا خودێ و راستداریا وی بكەن، ئەڤە هەمی ژی بۆ هەوە دێ هێنە دان.
- 34
- ژ بەر ڤێ چەندێ خەما سوبەهی نەخۆن، چنكو سوبەهی دێ خەمێ ژ خۆ خۆت. دەردێن هەر رۆژەكێ تێرا وێ هەنە!
- a. 6:2 ئانكو رانەگەهینە. دەق و دەق: ‹ل پێشیا خۆ بۆڕیزانێ لێ نەدە.›
- b. 6:7
q پووتپەرێس: صەنەمپەرێس - c. 6:9 ئانكو بلا ژ لایێ ئافراندیان ڤە رێز ل ناڤێ تە یێ پیرۆز بهێتە گرتن.
- d. 6:12 ئانكو ل گونەهێن مە ببورە.
- e. 6:13 مەبەست پێ ئبلیسە.
- f. 6:13 د هندەك دەستنڤیسێن كەڤن دا، ئەڤ پارچەیا ئایەتێ نینە: «چنكو پاشایەتی و هێز و مەزناهی هەروهەر یێن تەنە، ئامین».
