عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ئه‌ویندار 
1
من گوڵاڵه‌ سووره‌ی شارۆن و
سه‌وسه‌نی دۆڵانم.
دڵدار 
2
وه‌ك گوڵی سه‌وسه‌ن له‌ناو دڕكوداڵ
یاره‌كه‌م ئاوایه‌ له‌ناو كچان.
ئه‌ویندار 
3
وه‌ك دار سێو له‌نێو داره‌كانی دارستان
دڵداره‌كه‌م ئاوایه‌ له‌ناو كوڕان.
حه‌زم له‌ دانیشتنه‌ له‌ سێبه‌ره‌كه‌ی
مێوه‌كه‌شی بۆ ده‌مم شیرینه‌.
4
با بمباته‌ هۆڵی خوانه‌كه‌،
خۆشه‌ویستییه‌كه‌ی وه‌ك ئاڵا له‌سه‌ر سه‌رم بشه‌كێته‌وه‌.
5
به‌ كشمیش گڕوتینم پێ ببه‌خشن،
به‌ سێو بمگه‌شێننه‌وه‌،
چونكه‌ من به‌ شه‌یدای خۆشه‌ویستی ئه‌وم.
6
ده‌ستی چه‌پی له‌ژێر سه‌رمه‌ و
ده‌ستی ڕاستی له‌ ئامێزم ده‌گرێت.
7
ئه‌ی كچانی ئۆرشه‌لیم، سوێندتان ده‌ده‌م،
به‌ مامز یان مێینه‌ی ئاسكی ده‌شتوده‌ر،
كه‌ خۆشه‌ویستی هه‌ڵنه‌ستێنن و به‌ ئاگای نه‌هێنن
هه‌تا خۆی حه‌ز ده‌كات.
8
گوێ بگره‌! ئه‌وه‌ ده‌نگی دڵداره‌كه‌مه‌!
ته‌ماشا بكه‌! وا دێت،
له‌سه‌ر چیاكان هه‌ڵده‌به‌زێته‌وه‌،
به‌سه‌ر گرده‌كاندا باز ده‌دات.
9
دڵداره‌كه‌م وه‌ك ئاسك یان وه‌ك كارمامزه‌،
وا له‌ پشت دیواره‌كه‌مان ڕاوه‌ستاوه‌،
له‌ ده‌لاقه‌وه‌ سه‌یر ده‌كات،
له‌ كڵاوڕۆژنه‌وه‌[a] ته‌ماشا ده‌كات.
10
دڵداره‌كه‌م قسه‌ی كرد، پێی گوتم:
«یاره‌كه‌م، هه‌سته‌،
شیرینه‌كه‌م، وه‌ره‌.
11
ته‌ماشا بكه‌، زستان تێپه‌ڕی،
باران به‌سه‌رچوو و نه‌ما.
12
گوڵ له‌سه‌ر زه‌وی ده‌ركه‌وت،
ئێستا كاتی گۆرانییه‌؛
خوێندنی كوكوختی
له‌ خاكی ئێمه‌ ده‌بیسترێت.
13
هه‌نجیر به‌ری گرتووه‌،
بۆنی په‌سیره‌ی[b] مێو بڵاو بووه‌ته‌وه‌.
یاره‌كه‌م، هه‌سته‌،
شیرینه‌كه‌م، وه‌ره‌.»
دڵدار 
14
ئه‌ی كۆتره‌كه‌م له‌ناو كه‌له‌به‌ری هه‌ڵدێره‌كان،
له‌ په‌ناگای بناره‌كان،
با ڕوخسارت ببینم،
با ده‌نگت ببیستم،
چونكه‌ ده‌نگت ناسكه‌ و
ڕوخسارت شیرینه‌!
15
ڕێوییه‌كانمان بۆ ڕاو بكه‌ن،
ئه‌و تووله‌ ڕێوییانه‌ی
ڕه‌زه‌كانمان تێكده‌ده‌ن،
چونكه‌ ڕه‌زه‌كانمان په‌سیره‌یان گرتووه‌.
ئه‌ویندار 
16
دڵداره‌كه‌م بۆ منه‌ و منیش بۆ ئه‌وم،
له‌ناو گوڵه‌ سه‌وسه‌نه‌كان ده‌له‌وه‌ڕێت.
17
به‌ر له‌وه‌ی ڕۆژ هه‌ڵبێت و
تاریكی بڕه‌وێته‌وه‌،
ئه‌ی دڵداره‌كه‌م، بگه‌ڕێوه‌،
وه‌ك ئاسك به‌،
یان كارمامز
له‌سه‌ر چیا فره‌ لووتكه‌كان.
  1. a. 2‏:9 وه‌ك په‌نجه‌ره‌یه‌، ده‌لاقه‌یه‌كه‌ بۆ هاتوچۆی هه‌وا و گه‌ڕانه‌وه‌ی تیشكی خۆر.
  2. b. 2‏:13 به‌رسیله‌.