عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
گۆرانی گۆرانییه‌كانی سلێمان.
ئه‌ویندار [a]  
2
با به‌ ماچه‌كانی ده‌می ماچم بكات،
چونكه‌ ئه‌وینی تۆ له‌ شه‌راب خۆشتره‌.
3
بۆنی عه‌تره‌كه‌ت خۆشه‌؛
ناوت عه‌تری پرژاوه‌،
مایه‌ی سه‌رسوڕمانی نییه‌ كه‌ پاكیزه‌كان تۆیان خۆشده‌وێ.
4
په‌لم بگره‌ و با پێكه‌وه‌ بڕۆین!
با پاشا بمهێنێته‌ ناو ژووره‌كه‌ی خۆی.
شاد و دڵخۆش ده‌بین پێت،
له‌ شه‌راب زیاتر یادی ئه‌وینی تۆ ده‌كه‌ینه‌وه‌.
به‌ڕاستی تۆیان خۆشده‌وێ.
ئه‌ویندار 
5
ئه‌ی كچانی ئۆرشه‌لیم،
من ئه‌سمه‌رێكی جوانم،
وه‌ك ڕه‌شماڵه‌كانی قێدار،
وه‌ك نێوبه‌ندی ڕه‌شماڵه‌كانی سلێمان.
6
ته‌ماشام مه‌كه‌ن كه‌ من ئه‌سمه‌رم،
ئه‌وه‌ خۆر لێیداوم.
كوڕانی دایكم له‌ من تووڕه‌ بوون،
منیان كرده‌ چاودێری ڕه‌زه‌مێو،
له‌به‌ر ئه‌وه‌ی ناچار كرام، چاودێری ڕه‌زه‌مێوه‌كه‌م نه‌كرد.
7
ئه‌ی خۆشه‌ویستی گیانم، پێم بڵێ،
له‌كوێ مێگه‌لی خۆت ده‌ڵه‌وه‌ڕێنیت،
كاتی نیوه‌ڕۆش پشتیری مه‌ڕه‌كانت له‌كوێیه‌؟
بۆچی وه‌ك په‌چه‌كراوێك بم،
له‌لای مێگه‌لی هاوڕێیه‌كانت؟
ده‌سته‌خوشكه‌كان 
8
ئه‌ی جوانترینی نێو ئافره‌تان، ئه‌گه‌ر نازانیت
به‌ شوێن پێی مه‌ڕاندا بڕۆ و
كاره‌بزنه‌كانت بله‌وه‌ڕێنه‌
له‌لای نشینگه‌ی شوانه‌كان.
دڵدار[b]  
9
یاره‌كه‌م، به‌ ئه‌سپێك له‌ گالیسكه‌كانی فیرعه‌ون
لێكم چوواندی،
10
گۆنات به‌ خشڵه‌وه‌ جوانه‌،
گه‌ردنت به‌ گه‌ردانه‌وه‌.
11
خشڵی زێڕت بۆ ده‌كه‌ین،
له‌گه‌ڵ نقێمی زیو.
ئه‌ویندار 
12
هه‌تا پاشا له‌ كۆڕی خۆیه‌تی،
ناردینی من بۆنی خۆی بڵاو ده‌كاته‌وه‌.
13
دڵداره‌كه‌م چه‌پكێك موڕه‌
كه‌ له‌نێو مه‌مكه‌كانم شه‌و به‌سه‌رده‌بات.
14
دڵداره‌كه‌م هێشووی خه‌نه‌یه‌
له‌ناو ڕه‌زه‌مێوه‌كانی كانی گه‌دی.
دڵدار 
15
ئه‌ی یاره‌كه‌م، تۆ چه‌ند جوانیت،
چه‌ند جوانیت!
چاوه‌كانت كۆترن.
ئه‌ویندار 
16
ئه‌ی دڵداره‌كه‌م، تۆش چه‌ند قۆزیت،
چه‌ند شیرینیت!
جێگاكه‌مان سه‌وزه‌.
دڵدار 
17
كاریته‌ی خانووه‌كه‌مان له‌ داری ئورزه‌،
ته‌خته‌داره‌كانی سه‌روون.
  1. a. 1‏:1 وشه‌ی ئه‌ویندار بۆ كچ به‌كارهاتووه‌.
  2. b. 1‏:8 وشه‌ی دڵدار بۆ كوڕ به‌كارهاتووه‌.