عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
وێرانكردنی عه‌راد 
1
كاتێك كه‌نعانییه‌كه‌ی پاشای عه‌راد كه‌ له‌ نه‌قه‌ب نیشته‌جێ بوو بیستی نه‌وه‌ی ئیسرائیل له‌ ڕێگای ئه‌تاریمه‌وه‌ هاتووه‌، شه‌ڕی له‌گه‌ڵ ئیسرائیلییه‌كاندا كرد و هه‌ندێكی لێیان به‌ دیل گرت.
2
نه‌وه‌ی ئیسرائیلیش نه‌زرێكیان بۆ یه‌زدان كرد و گوتیان، «ئه‌گه‌ر ئه‌و نه‌ته‌وه‌یه‌ بخه‌یته‌ ژێر ده‌ستمان، ئه‌وا شاره‌كانی به‌ ته‌واوی وێران ده‌كه‌ین[a]
3
یه‌زدانیش گوێی له‌ هاواری ئیسرائیل گرت و كه‌نعانییه‌كانی دایه‌ ده‌ست و خۆیان و شارۆچكه‌كانیان به‌ ته‌واوی وێران كردن، ئیتر ئه‌و شوێنه‌ ناونرا حۆرما.[b]
موسا مارێك له‌ بڕۆنز دروستده‌كات 
4
ئینجا له‌ كێوی هۆره‌وه‌ به‌ ڕێگای ده‌ریای سوور كۆچیان كرد هه‌تا به‌ خاكی ئه‌دۆمدا بسوڕێنه‌وه‌، جا گه‌ل له‌ ڕێگادا ئارامییان لێ بڕا.
5
گه‌ل له‌ دژی خودا و موسا قسه‌یان كرد و گوتیان: «بۆچی له‌ میسر ده‌رتانهێناین هه‌تا له‌ چۆڵه‌وانی بمرین؟ چونكه‌ نه‌ نان هه‌یه‌ و نه‌ ئاو! ئه‌م خواردنه‌ بێ تامه‌مان له‌به‌رچاو كه‌وتووه‌.»
6
یه‌زدانیش ماری ژه‌هراوی بۆ سه‌ر گه‌ل نارد و به‌ گه‌لیانه‌وه‌ دا و خه‌ڵكێكی زۆر له‌ ئیسرائیل مردن.
7
ئینجا گه‌ل هاتنه‌ لای موسا و گوتیان: «گوناهمان كرد له‌ دژی یه‌زدان و له‌ دژی تۆش قسه‌مان كرد. له‌به‌ر ئه‌وه‌ نزا بۆ یه‌زدان بكه‌ هه‌تا ئه‌و مارانه‌مان له‌سه‌ر هه‌ڵبگرێت.» موساش له‌ پێناوی گه‌ل نزای كرد.
8
یه‌زدانیش به‌ موسای فه‌رموو: «مارێكی ژه‌هراوی دروستبكه‌ و له‌سه‌ر ستوونێك هه‌ڵیبواسه‌، جا هه‌ر یه‌كێك پێیه‌وه‌درا و ته‌ماشای كرد ده‌ژیێت.»
9
موساش مارێكی له‌ بڕۆنز دروستكرد و له‌سه‌ر ستوونێك هه‌ڵیواسی، ئه‌وه‌ بوو هه‌ر كاتێك یه‌كێك مار پێوه‌ی ده‌دا و ته‌ماشای ماره‌ بڕۆنزییه‌كه‌ی ده‌كرد ده‌ژیا.
به‌ره‌و مۆئاب 
10
ئینجا نه‌وه‌ی ئیسرائیل كۆچیان كرد و له‌ ئۆڤۆت چادریان هه‌ڵدا،
11
له‌ ئۆڤۆته‌وه‌ش كۆچیان كرد و له‌ عییی عه‌ڤاریم له‌ چۆڵه‌وانی به‌رامبه‌ر مۆئاب ڕووه‌و خۆر هه‌ڵاتن چادریان هه‌ڵدا.
12
له‌وێشه‌وه‌ كۆچیان كرد و له‌ دۆڵی زه‌ره‌د چادریان هه‌ڵدا،
13
له‌وێشه‌وه‌ كۆچیان كرد و له‌ قه‌راغی باكووری ڕووباری ئه‌رنۆن چادریان هه‌ڵدا كه‌ له‌ چۆڵه‌وانییه‌ له‌ ده‌ره‌وه‌ی سنووری ئه‌مورییه‌كانه‌، چونكه‌ ئه‌رنۆن سنووری مۆئابه‌ له‌نێوان مۆئاب و ئه‌مورییه‌كان،
14
له‌به‌ر ئه‌وه‌ په‌ڕتووكی جه‌نگه‌كانی یه‌زدان ده‌ڵێت:
«شاری واهێڤ له‌ سوفه‌ و شیوه‌كانی،
ئه‌رنۆن و
15
نشێوی شیوه‌كان،
ئه‌وه‌ی هه‌تا نشینگه‌ی عار شۆڕ بووه‌ته‌وه‌،
پشتی به‌ سنووری مۆئابه‌وه‌ داوه‌.»
16
له‌وێشه‌وه‌ بۆ بئێر به‌رده‌وام بوون، ئه‌وه‌ش ئه‌و بیره‌یه‌ كه‌ له‌وێ یه‌زدان به‌ موسای فه‌رموو، «گه‌ل كۆبكه‌ره‌وه‌ ئاویان ده‌ده‌مێ.»
17
ئه‌وسا ئیسرائیل ئه‌م گۆرانییه‌یان چڕی:
«ئه‌ی بیر هه‌ڵبقوڵێ،
گۆرانی له‌ باره‌وه‌ بڵێن،
18
بیرێك میره‌كان لێیان داوه‌،
پیاوماقوڵانی گه‌ل هه‌ڵیانكه‌ندووه‌،
ئه‌و پیاوماقوڵانه‌ به‌ دارده‌ست و گۆچانه‌كانیان.»
له‌ چۆڵه‌وانییه‌وه‌ هه‌تا مه‌تانه‌ چوون،
19
له‌ مه‌تانه‌وه‌ هه‌تا نه‌حه‌لیێل و له‌ نه‌حه‌لیێله‌وه‌ هه‌تا بامۆت[c] ،
20
له‌ بامۆته‌وه‌ هه‌تا دۆڵێك كه‌ له‌ مۆئابه‌ و له‌ لووتكه‌ی چیای پسگه‌ كه‌ ده‌ڕوانێته‌ سه‌ر ڕووی چۆڵه‌وانی.
شكاندنی سیحۆن و عۆگ 
21
ئینجا ئیسرائیل نێردراوی بۆ سیحۆنی پاشای ئه‌مورییه‌كان نارد و گوتی:
22
«ڕێمان بده‌ به‌ خاكه‌كه‌تدا تێپه‌ڕین، نه‌ به‌لای كێڵگه‌یه‌ك و نه‌ به‌لای ڕه‌زه‌ مێوێك لاناده‌ین و ئاو له‌ بیر ناخۆینه‌وه‌، هه‌تا له‌ خاكه‌كه‌ت ده‌چینه‌ ده‌ره‌وه‌ به‌ شاڕێگادا ده‌ڕۆین.»
23
به‌ڵام سیحۆن نه‌یهێشت ئیسرائیل به‌ خاكه‌كه‌یدا تێبپه‌ڕێت، به‌ڵكو هه‌موو سوپاكه‌ی كۆكرده‌وه‌ و بۆ به‌ره‌نگاربوونه‌وه‌ی ئیسرائیل بۆ چۆڵه‌وانی ده‌رچوو، هاته‌ یه‌هه‌چ و شه‌ڕی له‌گه‌ڵ ئیسرائیل كرد.
24
ئیسرائیلیش به‌ شمشێر لێیدا و ده‌ستی به‌سه‌ر خاكه‌كه‌یدا گرت، له‌ ئه‌رنۆنه‌وه‌ هه‌تا یه‌بۆق و هه‌تا نه‌وه‌ی عه‌مۆن، چونكه‌ سنووری عه‌مۆنییه‌كان به‌هێز بوو.
25
ئیسرائیل هه‌موو ئه‌م شارانه‌ی گرت، ئیسرائیل له‌ هه‌موو شاره‌كانی ئه‌مورییه‌كان نیشته‌جێ بوو، له‌ حه‌شبۆن و له‌ هه‌موو گونده‌كانی.
26
له‌به‌ر ئه‌وه‌ی حه‌شبۆن شاری سیحۆنی پاشای ئه‌مورییه‌كان بوو، شه‌ڕی له‌گه‌ڵ پاشای پێشووی مۆئاب كردبوو و هه‌موو خاكه‌كه‌ی له‌ ده‌ستی سه‌ندبوو هه‌تا ئه‌رنۆن.
27
له‌به‌ر ئه‌وه‌ شیعره‌كان ده‌ڵێن:
«وه‌رنه‌ حه‌شبۆن بنیاد ده‌نرێته‌وه‌،
شاری سیحۆن نۆژه‌ن ده‌كرێته‌وه‌.
28
«چونكه‌ ئاگرێك له‌ حه‌شبۆنه‌وه‌ كڵپه‌ی كرد،
گڕێك له‌ شاری سیحۆنه‌وه‌،
عاری مۆئابی هه‌ڵلووشی،
پیاوانی به‌رزاییه‌كانی ئه‌رنۆن.
29
قوڕبه‌سه‌رت مۆئاب!
ئه‌ی گه‌لی كه‌مۆش له‌ناوچوویت!
كوڕه‌كانی ئاواره‌ كرد و
كچه‌كانی ڕاپێچ كرد
بۆ سیحۆنی پاشای ئه‌مورییه‌كان.
30
«به‌ڵام وا ئه‌وانمان ڕووخاند،
حه‌شبۆن له‌ناوچوو هه‌تا دیڤۆن،
تێكمان دا هه‌تا نۆفه‌
كه‌ هه‌تا مێده‌بایه‌.»
31
جا ئیسرائیل له‌ خاكی ئه‌مورییه‌كاندا مایه‌وه‌.
32
ئینجا موسا هه‌ندێك كه‌سی نارد بۆ سیخوڕیكردن له‌ یه‌عزێر، ئیتر گونده‌كانیان گرت و ئه‌و ئه‌مورییانه‌یان ده‌ركرد كه‌ له‌وێ بوون.
33
ئینجا ڕوویان وه‌رگێڕا و به‌ ڕێگای باشاندا سه‌ركه‌وتن، جا عۆگی پاشای باشان له‌گه‌ڵ هه‌موو سوپاكه‌ی بۆ به‌ره‌نگاربوونه‌وه‌یان گه‌یشته‌ ئه‌دره‌عی.
34
یه‌زدانیش به‌ موسای فه‌رموو: «لێی مه‌ترسه‌، چونكه‌ خۆی و هه‌موو سوپاكه‌ی و خاكه‌كه‌یم داوه‌ته‌ ده‌ستت، ئه‌وه‌ی پێ ده‌كه‌یت كه‌ به‌ سیحۆنی پاشای ئه‌مورییه‌كانت كرد كه‌ له‌ حه‌شبۆن فه‌رمانڕه‌وا بوو.»
35
جا له‌ خۆی و كوڕه‌كانی و هه‌موو سوپایه‌كه‌یان دا و كه‌س ده‌رباز نه‌بوو، بوونه‌ خاوه‌نی خاكه‌كه‌ی.
  1. a. 21‏:2 وێران ده‌كه‌ین: له‌ زمانی عیبری ئه‌م زاراوه‌یه‌ ده‌گه‌ڕێته‌وه‌ بۆ شتێك یان كه‌سێك كه‌ ده‌به‌خشرێت به‌ یه‌زدان، زۆر جار به‌خشینه‌كه‌ به‌ ته‌واوی له‌ ناوده‌بردرێت.
  2. b. 21‏:3 حۆرما: واته‌ وێرانكردن.
  3. c. 21‏:19 \+xt بڕوانه‌ 22‏:41‏\+xt*.