عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
عیسا ده‌درێته‌ ده‌ست پیلاتۆس 
1
هه‌ر به‌یانی زوو، كاهینانی باڵا و پیران و مامۆستایانی ته‌ورات و هه‌موو سه‌نهه‌درین ڕاوێژیان كرد. عیسایان قۆڵبه‌ست كرد و بردییان، دایانه‌ ده‌ست پیلاتۆس.
2
پیلاتۆس لێی پرسی: «تۆ پاشای جوله‌كه‌ی؟» عیسا وه‌ڵامی دایه‌وه‌: «تۆ ده‌ڵێیت.»
3
كاهینانی باڵا سكاڵای زۆریان لێ ده‌كرد.
4
پیلاتۆس لێی پرسییه‌وه‌: «ئایا هیچ وه‌ڵام ناده‌یته‌وه‌؟ بزانه‌ چه‌ند سكاڵات لێده‌كه‌ن.»
5
به‌ڵام عیسا هیچ وه‌ڵامی نه‌دایه‌وه‌، تاكو ئه‌وه‌ی پیلاتۆس سه‌رسام بوو.
بڕیاری له‌خاچدانی عیسا 
6
له‌ هه‌ر جه‌ژنێكدا فه‌رمانڕه‌وا به‌گوێره‌ی داواكاری خه‌ڵكه‌كه‌ به‌ندكراوێكی ئازاد ده‌كرد.
7
پیاوێك به‌ ناوی باراباس له‌گه‌ڵ یاخیبووان گیرابوو، له‌ ڕاپه‌ڕینه‌كه‌ كوشتاریان كردبوو[a] .
8
ئینجا خه‌ڵكه‌كه‌ هاتن و داوایان كرد ئه‌وه‌ی هه‌میشه‌ ده‌یكرد بۆیان بكات.
9
پیلاتۆسیش لێی پرسین: «ده‌تانه‌وێ پاشای جوله‌كه‌تان بۆ ئازاد بكه‌م؟»
10
چونكه‌ زانی كاهینانی باڵا له‌به‌ر ئیره‌یی عیسایان به‌ گرتن دابوو.
11
به‌ڵام كاهینانی باڵا خه‌ڵكه‌كه‌یان جۆشدا كه‌ باراباسیان بۆ ئازاد بكات.
12
پیلاتۆس دیسان لێی پرسین: «ئه‌ی باشه‌ حه‌ز ده‌كه‌ن چی له‌وه‌ بكه‌م كه‌ پێی ده‌ڵێن، ”پاشای جوله‌كه‌“؟»
13
هاواریان كرد: «له‌ خاچی بده‌!»
14
پیلاتۆس لێی پرسین: «باشه‌ چ خراپه‌یه‌كی كردووه‌؟» به‌ڵام ئه‌وان زیاتر هاواریان كرد: «له‌ خاچی بده‌!»
15
پیلاتۆسیش ده‌یویست خه‌ڵكه‌كه‌ ڕازی بكات، له‌به‌ر ئه‌وه‌ باراباسی بۆ ئازاد كردن، به‌ڵام فه‌رمانی دا كه‌ عیسا بدرێته‌ به‌ر قامچی و پاشان له‌ خاچ بدرێت.
سه‌ربازه‌كان گاڵته‌ به‌ عیسا ده‌كه‌ن 
16
سه‌ربازه‌كان عیسایان برده‌ كۆشكه‌كه‌، كۆشكی فه‌رمانڕه‌وا و هه‌موو تیپه‌كه‌یان كۆكرده‌وه‌.
17
كه‌وایه‌كی ئه‌رخه‌وانییان له‌به‌ركرد، تاجێكیان له‌ دڕك هۆنییه‌وه‌ و له‌سه‌ریان نا.
18
ده‌ستیان به‌ سڵاو لێكردنی كرد، ده‌یانگوت: «سڵاو، ئه‌ی پاشای جوله‌كه‌!»
19
به‌ قامیش له‌سه‌ریان ده‌دا و تفیان لێی ده‌كرد، چۆكیان داده‌دا و له‌به‌رده‌می كڕنۆشیان ده‌برد.
20
كاتێك گاڵته‌یان پێ كرد، كراسه‌ ئه‌رخه‌وانییه‌كه‌یان له‌به‌ردا داكه‌ند و جلی خۆیان له‌به‌ركرده‌وه‌ و بۆ له‌خاچدان بردییانه‌ ده‌ره‌وه‌.
مردنی عیسا و له‌خاچدانی 
21
ڕێبوارێك له‌ كێڵگه‌ ده‌هاته‌وه‌، ناوی شیمۆنی كورێنی[b] بوو، باوكی ئه‌سكه‌نده‌ر و ڕوفوس، ناچاریان كرد خاچه‌كه‌ی ئه‌و هه‌ڵبگرێت.
22
ئینجا عیسایان برده‌ شوێنی گولگۆسا، واته‌ «شوێنی كاسه‌سه‌ر».
23
شه‌رابی تێكه‌ڵكراو به‌ موڕیان[c] بۆی ڕاگرت، به‌ڵام نه‌یخوارده‌وه‌.
24
له‌ خاچیان دا و كراسه‌كه‌یان دابه‌ش كرد، تیروپشكیان له‌سه‌ر كرد، بۆ ئه‌وه‌ی بزانن هه‌ریه‌كه‌یان چی به‌رده‌كه‌وێت.
25
كاتێك له‌ خاچیان دا كاتژمێر نۆ[d] بوو،
26
ناونیشانی تاوانه‌كه‌شی نووسرابوو: پاشای جوله‌كه‌.
27
دوو دزیشیان له‌گه‌ڵی له‌ خاچ دا، یه‌كێك له‌لای ڕاستی و ئه‌وه‌ی دیكه‌ش له‌لای چه‌پی. ⌟
28
نووسراوه‌ پیرۆزه‌كه‌ هاته‌ دی كه‌ ده‌ڵێت: {له‌ ڕیزی تاوانباران دانرا.}[e]
29
ئه‌وانه‌ی به‌وێدا تێده‌په‌ڕین، جنێویان پێی ده‌دا و سه‌ریان باده‌دا، ده‌یانگوت: «ها! ئه‌ی ڕووخێنه‌ری په‌رستگا و بنیادنه‌ره‌وه‌ی به‌ سێ ڕۆژ،
30
خۆت ڕزگار بكه‌ و له‌ خاچه‌كه‌ دابه‌زه‌.»
31
به‌ هه‌مان شێوه‌ كاهینانی باڵا و مامۆستایانی ته‌ورات گاڵته‌یان ده‌كرد و به‌ یه‌كتریان ده‌گوت: «خه‌ڵكی دیكه‌ی ڕزگار كرد، به‌ڵام ناتوانێ خۆی ڕزگار بكات!
32
با ئێستا مه‌سیحی پاشای ئیسرائیل له‌ خاچه‌كه‌ دابه‌زێت، تاكو ببینین و باوه‌ڕ بهێنین.» ئه‌وانه‌ش كه‌ له‌گه‌ڵی له‌ خاچ ده‌دران قسه‌یان پێ ده‌گوت.
33
بووه‌ كاتژمێر دوازده‌[f] ، هه‌تا كاتژمێر سێ[g] تاریكایی به‌سه‌ر هه‌موو زه‌وییه‌وه‌ بوو.
34
له‌ كاتژمێر سێ، عیسا به‌ ده‌نگێكی به‌رز هاواری كرد: «{ئێلی، ئێلی، له‌ما شه‌به‌قتانی؟}» واته‌، {خودای من، خودای من، بۆ وازت لێ هێنام؟}[h]
35
هه‌ندێك له‌ ئاماده‌بووان گوێیان لێبوو، گوتیان: «ئه‌وه‌ بانگی ئه‌لیاس ده‌كات.»
36
یه‌كێك ڕایكرد و ئیسفه‌نجێكی له‌ سركه‌ هه‌ڵكێشا و به‌سه‌ر قامیشێكه‌وه‌ دایێ، گوتی: «لێگه‌ڕێن، با بزانین ئه‌لیاس دێت دایبگرێت!»
37
عیساش به‌ ده‌نگێكی به‌رز هاواری كرد و گیانی سپارد.
38
په‌رده‌ی په‌رستگاش له‌ سه‌ره‌وه‌ هه‌تا خواره‌وه‌ شه‌قبوو و بووه‌ دوو پارچه‌.
39
ئه‌و سه‌رپه‌له‌ی[i] به‌رامبه‌ر عیسا ڕاوه‌ستابوو، گوێی له‌ هاواری بوو و بینی چۆن گیانی سپارد، گوتی: «به‌ڕاستی ئه‌م مرۆڤه‌ كوڕی خودا بوو!»
40
چه‌ند ژنێك له‌ دووره‌وه‌ ته‌ماشایان ده‌كرد، له‌نێوانیاندا مریه‌می مه‌جده‌لی و مریه‌می دایكی یاقوبی بچووك و یوسی و سالومه‌ ده‌بینران.
41
ئه‌مانه‌ له‌ جه‌لیله‌وه‌ دوای عیسا كه‌وتبوون و خزمه‌تیان ده‌كرد، زۆری دیكه‌ش له‌گه‌ڵی هاتبوونه‌ ئۆرشه‌لیم.
ناشتنی عیسا 
42
ئێواره‌ داهات، ڕۆژی خۆ ئاماده‌كردن بوو، واته‌ ڕۆژی پێش شه‌ممه‌،
43
یوسفی خه‌ڵكی ڕامه‌ ئه‌ندامێكی به‌رزی ئه‌نجومه‌ن بوو، ئه‌ویش چاوه‌ڕێی شانشینی خودای ده‌كرد، وێرای و چوو بۆ لای پیلاتۆس و داوای ته‌رمه‌كه‌ی عیسای كرد.
44
پیلاتۆس سه‌رسام بوو ئاوا به‌ زوویی عیسا مردووه‌، سه‌رپه‌له‌كه‌ی بانگكرد و لێی پرسی ئاخۆ ده‌مێكه‌ مردووه‌.
45
كاتێك له‌ سه‌رپه‌له‌كه‌وه‌ زانی، ته‌رمه‌كه‌ی دایه‌ یوسف.
46
ئه‌ویش كه‌تانی كڕی، دایگرت و به‌ كه‌تان كفنی كرد، له‌ گۆڕێكدا ناشتی كه‌ له‌ به‌رد هه‌ڵكه‌نرا بوو. ئینجا به‌ردێكی گلۆر كرده‌وه‌ سه‌ر ده‌رگای گۆڕه‌كه‌.
47
مریه‌می مه‌جده‌لی و مریه‌می دایكی یاقوب، بینییان له‌كوێ نێژرا.
  1. a. 15‏:7 له‌و سه‌رده‌مه‌ یاخیبووان له‌ دژی ئیمپڕاتۆریه‌تی ڕۆمانی ڕاپه‌ڕینێكیان ئه‌نجام دابوو.
  2. b. 15‏:21 گه‌وره‌ترین شار له‌ وڵاتی لیبیا له‌م سه‌رده‌مه‌دا.
  3. c. 15‏:23 موڕ: بۆنێك بووه‌ بۆ كه‌مكردنه‌وه‌ی ئازار تێكه‌ڵ به‌ شه‌راب كراوه‌.
  4. d. 15‏:25 یۆنانی: كاتژمێری سێیه‌م.
  5. e. 15‏:28 \+xt ئیشایا 53‏:12‏\+xt*‏.
  6. f. 15‏:33 یۆنانی: كاتژمێری شه‌شه‌م.
  7. g. 15‏:33 یۆنانی: كاتژمێری نۆیه‌م.
  8. h. 15‏:34 \+xt زه‌بووره‌كان 22‏:1‏\+xt*‏
  9. i. 15‏:39 وشه‌ یۆنانییه‌كه‌ مه‌به‌ست له‌ سه‌ركرده‌ی سه‌د سه‌ربازه‌ له‌ سوپای ڕۆم.