عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
كه‌ژاوه‌ی پاشایانه‌ 
1
كاتێك له‌ ئۆرشه‌لیم نزیك بوونه‌وه‌، گه‌یشتنه‌ بێت‌فاجی له‌لای كێوی زه‌یتوون، عیسا دووان له‌ قوتابییه‌كانی نارد و
2
پێی فه‌رموون: «بڕۆنه‌ ئه‌و گونده‌ی به‌رامبه‌رتان، ده‌ستبه‌جێ ماكه‌رێك ده‌بینن به‌ستراوه‌ته‌وه‌، جاشكه‌كه‌ی له‌گه‌ڵه‌. بیكه‌نه‌وه‌ و بۆ منیان بهێنن.
3
ئه‌گه‌ر یه‌كێك شتێكی پێ گوتن، ده‌ڵێن: گه‌وره‌مان پێویستی پێیانه‌، ئه‌ویش یه‌كسه‌ر ده‌یاننێرێت.»
4
ئه‌مه‌ش ڕوویدا تاكو ئه‌وه‌ی له‌ ڕێگه‌ی پێغه‌مبه‌ره‌كه‌[a] گوتراوه‌ بێته‌ دی كه‌ ده‌فه‌رموێ:
5
{به‌ شاری سییۆن بڵێن،
ئه‌وه‌تا پاشاكه‌ت دێته‌ لات،
دڵنه‌رمه‌ و سواری ماكه‌رێك و
جاشی ماكه‌رێك بووه‌.}[b]
6
قوتابییه‌كان ڕۆیشتن و وه‌ك عیسا فه‌رمانی پێدابوون، كردیان.
7
ماكه‌ر و جاشكه‌كه‌یان هێنا، كه‌واكانیان خسته‌ سه‌ر پشتی و عیسا سواربوو.
8
خه‌ڵكێكی ئێجگار زۆر كه‌واكانیان له‌سه‌ر ڕێگاكه‌ ڕاخست. خه‌ڵكی دیكه‌ لقه‌ داریان ده‌بڕییه‌وه‌ و له‌سه‌ر ڕێگاكه‌ ڕایانده‌خست.
9
ئه‌و خه‌ڵكه‌ی له‌پێشی ده‌ڕۆیشتن و ئه‌وانه‌ش كه‌ دوای كه‌وتبوون، هاواریان ده‌كرد:
«هۆسانا[c] بۆ كوڕی داود!»
«{پیرۆزه‌ ئه‌وه‌ی به‌ ناوی یه‌زدانه‌وه‌ دێت!}[d] »
«هۆسانا بۆ خودا!»
10
كاتێك عیسا چووه‌ ناو ئۆرشه‌لیم، هه‌موو شاره‌كه‌ خرۆشا و گوتیان: «ئه‌مه‌ كێیه‌؟»
11
خه‌ڵكه‌كه‌ش ده‌یانگوت: «ئه‌مه‌ پێغه‌مبه‌ر عیسایه‌، خه‌ڵكی ناسیره‌ی جه‌لیله‌.»
پاككردنه‌وه‌ی په‌رستگا 
12
عیسا چووه‌ ناو حه‌وشه‌كانی په‌رستگا و ئه‌وانه‌ی ده‌ركرد كه‌ له‌وێ خه‌ریكی كڕین و فرۆشتن بوون، مێزی پاره‌گۆڕه‌وان و كورسی كۆترفرۆشانی وه‌رگێڕا.
13
پێی فه‌رموون: «نووسراوه‌، {ماڵه‌كه‌م به‌ ماڵی نوێژ ناوده‌بردرێت،}[e] به‌ڵام ئێوه‌ ده‌یكه‌نه‌ {ئه‌شكه‌وتی دزان!}[f] »
14
نابینا و شه‌له‌كان له‌ په‌رستگا هاتنه‌ لای و ئه‌ویش چاكیكردنه‌وه‌.
15
به‌ڵام كاتێك كاهینانی باڵا و مامۆستایانی ته‌ورات ئه‌م كاره‌ سه‌رسوڕهێنه‌رانه‌یان بینی كه‌ ئه‌و كردی، هه‌روه‌ها منداڵانیش كه‌ له‌ حه‌وشه‌كانی په‌رستگا هاواریان ده‌كرد: «هۆسانا بۆ كوڕی داود!» تووڕه‌ بوون و
16
لێیان پرسی: «گوێت لێیه‌ ئه‌و منداڵانه‌ چی ده‌ڵێن؟»
عیساش پێی فه‌رموون: «به‌ڵێ، ئه‌ی قه‌ت نه‌تانخوێندووه‌ته‌وه‌:
«{له‌ زاری منداڵان و شیره‌خۆرانه‌وه‌
ستایشت بۆ خۆت داڕشتووه‌}؟»[g]
17
ئه‌وسا به‌جێی هێشتن و چووه‌ ده‌ره‌وه‌ی شار، به‌ره‌و گوندی بێت‌عه‌نیا به‌ڕێكه‌وت و شه‌و له‌وێ مایه‌وه‌.
دار هه‌نجیری بێ به‌ر 
18
به‌یانی كه‌ ده‌گه‌ڕایه‌وه‌ شار، برسی بوو.
19
دار هه‌نجیرێكی له‌سه‌ر ڕێگاكه‌ بینی و چووه‌ لای، به‌ڵام له‌ گه‌ڵا زیاتر هیچی پێوه‌ نه‌بینی، ئینجا پێی فه‌رموو: «ئیتر هه‌رگیز به‌ر نه‌گریت!» ده‌ستبه‌جێ دار هه‌نجیره‌كه‌ وشك بوو.
20
كاتێك قوتابییه‌كان ئه‌مه‌یان بینی، سه‌رسام بوون و گوتیان: «چۆن ده‌ستبه‌جێ دار هه‌نجیره‌كه‌ وشك بوو؟»
21
عیساش وه‌ڵامی دانه‌وه‌: «ڕاستیتان پێ ده‌ڵێم: ئه‌گه‌ر باوه‌ڕتان هه‌بێت و گومان نه‌كه‌ن، نه‌ك هه‌ر ئه‌مه‌ی دار هه‌نجیره‌كه‌ ده‌كه‌ن، به‌ڵكو ئه‌گه‌ر به‌م كێوه‌ بڵێن، ”هه‌ڵبكه‌نرێ و بكه‌وه‌ ناو ده‌ریاوه‌،“ وا ده‌بێت.
22
جا هه‌رچی له‌ نوێژدا به‌ باوه‌ڕه‌وه‌ داوای بكه‌ن، وه‌ریده‌گرن.»
ده‌سه‌ڵاتی عیسا 
23
كاتێك عیسا چووه‌ حه‌وشه‌كانی په‌رستگا و خه‌ڵكه‌كه‌ی فێرده‌كرد، كاهینانی باڵا و پیرانی گه‌ل هاتنه‌ لای و گوتیان: «ئه‌مانه‌ به‌ چ ده‌سه‌ڵاتێك ده‌كه‌یت؟ كێ ئه‌م ده‌سه‌ڵاته‌ی به‌ تۆ داوه‌؟»
24
عیسا وه‌ڵامی دانه‌وه‌: «منیش پرسیارێكتان لێ ده‌كه‌م، ئه‌گه‌ر وه‌ڵامتان دامه‌وه‌، ئه‌وا پێتان ده‌ڵێم به‌ چ ده‌سه‌ڵاتێك ئه‌مانه‌ ده‌كه‌م.
25
له‌ئاوهه‌ڵكێشانی یه‌حیا، له‌كوێوه‌ بوو؟ له‌ ئاسمانه‌وه‌ بوو یان له‌ مرۆڤه‌وه‌؟»
ئه‌وانیش له‌نێو خۆیاندا كه‌وتنه‌ ڕاوێژكردن، گوتیان: «ئه‌گه‌ر بڵێین ”له‌ ئاسمانه‌وه‌ بوو،“ ده‌ڵێت ”باشه‌ بۆ باوه‌ڕتان پێی نه‌كرد؟“
26
به‌ڵام ئه‌گه‌ر بڵێین ”له‌ مرۆڤه‌وه‌ بوو،“ له‌ خه‌ڵكه‌كه‌ ده‌ترسین، چونكه‌ هه‌موو یه‌حیا به‌ پێغه‌مبه‌ر داده‌نێن.»
27
ئینجا وه‌ڵامی عیسایان دایه‌وه‌: «نازانین.»
ئه‌ویش پێی فه‌رموون: «منیش پێتان ناڵێم به‌ چ ده‌سه‌ڵاتێك ئه‌مانه‌ ده‌كه‌م.»
نموونه‌ی دوو كوڕه‌كه‌ 
28
ئینجا عیسا فه‌رمووی: «ڕاتان چییه‌؟ پیاوێك دوو كوڕی هه‌بوو. چووه‌ لای یه‌كه‌میان و گوتی: ”كوڕم ئه‌مڕۆ بڕۆ له‌ ڕه‌زه‌كه‌دا كار بكه‌.“
29
«ئه‌ویش وه‌ڵامی دایه‌وه‌: ”ناچم.“ به‌ڵام پاشان په‌شیمان بووه‌وه‌ و چوو.
30
«چووه‌ لای دووه‌م و هه‌مان قسه‌ی كرد. وه‌ڵامی دایه‌وه‌: ”به‌سه‌رچاو[h] ، گه‌وره‌م!“ به‌ڵام نه‌چوو.
31
«ئایا كام له‌م دووانه‌ به‌ خواستی باوكیان كرد؟» گوتیان: «یه‌كه‌میان.» عیساش پێی فه‌رموون: «ڕاستیتان پێ ده‌ڵێم: باجگران و له‌شفرۆشان له‌ چوونه‌ ناو شانشینی خودا پێشتان ده‌كه‌ون،
32
چونكه‌ یه‌حیا به‌ ڕێگای ڕاستودروستی بۆ لاتان هات و ئێوه‌ باوه‌ڕتان پێی نه‌كرد، به‌ڵام باجگران و له‌شفرۆشان باوه‌ڕیان پێی كرد. دواتر كه‌ بینیشتان، هه‌ر تۆبه‌تان نه‌كرد و باوه‌ڕتان پێی نه‌كرد.»
نموونه‌ی ڕه‌زه‌وانه‌كان 
33
گوێ له‌ نموونه‌یه‌كی دیكه‌ بگرن: «گه‌وره‌ی ماڵێك هه‌بوو ڕه‌زێكی چاند، ده‌وروبه‌ره‌كه‌ی په‌رژین كرد، گوشه‌رێكی ترێی تێدا هه‌ڵكۆڵی و قولله‌یه‌كی چاودێری بنیاد نا. به‌ ڕه‌زه‌وانانی سپارد و گه‌شتی كرد.
34
كاتێك وه‌رزی به‌رهه‌م نزیك بووه‌وه‌، خزمه‌تكاره‌كانی نارده‌ لای ڕه‌زه‌وانه‌كان تاكو به‌رهه‌مه‌كه‌ی وه‌ربگرن.
35
«ڕه‌زه‌وانه‌كان كۆیله‌كانیان گرت، له‌ یه‌كێكیان دا و یه‌كێكیان كوشت و یه‌كێكیشیان به‌ردباران كرد.
36
دیسان خزمه‌تكاری زیاتری له‌وانه‌ی پێشوو نارد، هه‌مان شتیان له‌وانیش كرد.
37
له‌ كۆتاییدا كوڕه‌كه‌ی بۆ لایان نارد، گوتی: ”ڕێزی كوڕه‌كه‌م ده‌گرن.“
38
«به‌ڵام ڕه‌زه‌وانه‌كان كه‌ كوڕه‌كه‌یان بینی له‌ناو خۆیاندا گوتیان: ”ئه‌وه‌تا میراتگر، با بیكوژین، تاكو ببینه‌ میراتگر.“
39
ئینجا گرتیان و فڕێیان دایه‌ ده‌ره‌وه‌ی ڕه‌زه‌كه‌ و كوشتیان.
40
«كاتێك خاوه‌ن ڕه‌زه‌كه‌ دێت، چی له‌م ڕه‌زه‌وانانه‌ ده‌كات؟»
41
وه‌ڵامیان دایه‌وه‌: «ئه‌و خراپه‌كارانه‌ به‌ خراپی له‌ناوده‌بات و ڕه‌زه‌كه‌ش ده‌داته‌ ده‌ست ڕه‌زه‌وانانی دیكه‌، ئه‌وانه‌ی له‌ وه‌رزی خۆی به‌رهه‌می ده‌ده‌نێ.»
42
عیسا پێی فه‌رموون: «قه‌ت له‌ نووسراوه‌ پیرۆزه‌كان[i] نه‌تانخوێندووه‌ته‌وه‌:
«{ئه‌و به‌رده‌ی وه‌ستاكان ڕه‌تیان كرده‌وه‌
بوو به‌ گرنگترین به‌ردی بناغه‌[j] ،
ئه‌مه‌ له‌لایه‌ن یه‌زدانه‌وه‌ بوو،
له‌به‌رچاومان سه‌یره‌}[k] ؟
43
«له‌به‌ر ئه‌وه‌ پێتان ده‌ڵێم: شانشینی خودا لێتان ده‌سه‌نرێته‌وه‌ و ده‌درێته‌ نه‌ته‌وه‌یه‌ك كه‌ به‌رهه‌م ده‌دات.
44
ئه‌وه‌ی به‌سه‌ر ئه‌م به‌رده‌دا بكه‌وێت تێكده‌شكێت، ئه‌وه‌ش كه‌ به‌رده‌كه‌ به‌سه‌ریدا بكه‌وێت وردوخاشی ده‌كات.»
45
كاتێك كاهینانی باڵا و فه‌ریسییه‌كان نموونه‌كانیان بیست، زانییان باسی ئه‌وان ده‌كات.
46
له‌به‌ر ئه‌وه‌ ده‌یانویست بیگرن، به‌ڵام له‌ خه‌ڵكه‌كه‌ ترسان، چونكه‌ به‌ پێغه‌مبه‌ریان داده‌نا.
  1. a. 21‏:4 مه‌به‌ست له‌ پێغه‌مبه‌ر زه‌كه‌ریایه‌.
  2. b. 21‏:5 \+xt زه‌كه‌ریا 9‏:9‏\+xt*‏
  3. c. 21‏:9 له‌ زمانی عیبری ده‌ربڕینێكه‌ به‌ واتای ڕزگارمان بكه‌، بووه‌ هاواری ستایش.
  4. d. 21‏:9 \+xt زه‌بووره‌كان 118‏:26‏\+xt*‏
  5. e. 21‏:13 \+xt ئیشایا 56‏:7‏\+xt*‏
  6. f. 21‏:13 \+xt یه‌رمیا 7‏:11‏\+xt*‏
  7. g. 21‏:16 \+xt زه‌بووره‌كان 8‏:2‏\+xt*‏
  8. h. 21‏:30 یۆنانی: من.
  9. i. 21‏:42 مه‌به‌ستی له‌ هه‌ر 36 په‌ڕتووكه‌كانی په‌یمانی كۆنه‌، ته‌وراتی موسا و زه‌بووری داود و سلێمانی دانا و مێژوو و پێغه‌مبه‌ره‌كان.
  10. j. 21‏:42 به‌ردێكی گه‌وره‌یه‌ كه‌ له‌ گۆشه‌ی دیوار داده‌نرێت، له‌و به‌ردانه‌ به‌هێزتره‌ كه‌ له‌ دیواره‌كه‌ به‌كاردێت و ده‌بێته‌ هۆی به‌هێزكردنی دیواره‌كه‌.
  11. k. 21‏:42 \+xt زه‌بووره‌كان 118‏:22‏-23‏\+xt*‏