عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بنه‌چه‌ی عیسا 
1
ئه‌مه‌ ڕه‌چه‌ڵه‌كی عیسای مه‌سیحه‌، كوڕی داود، كوڕی ئیبراهیم:
2
ئیبراهیم باوكی ئیسحاق بوو،
ئیسحاق باوكی یاقوب بوو،
یاقوب باوكی یه‌هودا و براكانی بوو،
3
یه‌هودا باوكی پێرێز و زه‌ره‌ح بوو، تامار دایكیان بوو،
پێرێز باوكی حه‌سرۆن بوو،
حه‌سرۆن باوكی ڕام[a] بوو،
4
ڕام باوكی عه‌میناداب بوو،
عه‌میناداب باوكی نه‌حشۆن بوو،
نه‌حشۆن باوكی سه‌لمۆن بوو،
5
سه‌لمۆن باوكی بۆعه‌ز بوو كه‌ ڕاحاب دایكی بوو،
بۆعه‌ز باوكی عوبێد بوو كه‌ ڕائووس دایكی بوو،
عوبێد باوكی یه‌سا بوو،
6
یه‌سا باوكی داودی پاشا بوو.
داود باوكی سلێمان بوو له‌و ژنه‌ی هی ئوریا[b] بوو،
7
سلێمان باوكی ڕه‌حه‌ڤه‌عام بوو،
ڕه‌حه‌ڤه‌عام باوكی ئه‌بیا بوو،
ئه‌بیا باوكی ئاسا بوو،
8
ئاسا باوكی یه‌هۆشافات بوو،
یه‌هۆشافات باوكی یه‌هۆرام بوو،
یه‌هۆرام باوكی عوزیا بوو،
9
عوزیا باوكی یۆتام بوو،
یۆتام باوكی ئاحاز بوو،
ئاحاز باوكی حه‌زقیا بوو،
10
حه‌زقیا باوكی مه‌نه‌شه‌ بوو،
مه‌نه‌شه‌ باوكی ئامۆن بوو،
ئامۆن باوكی یۆشیا بوو،
11
یۆشیا باوكی یه‌هۆیاكین[c] و براكانی بوو، له‌ كاتی ڕاپێچكردنه‌كه‌ بۆ بابل.
12
له‌دوای ڕاپێچكردنه‌كه‌ بۆ بابل،
یه‌هۆیاكین باوكی شه‌ئه‌لتیێل بوو،
شه‌ئه‌لتیێل باوكی زروبابل بوو،
13
زروبابل باوكی ئه‌بیهود بوو،
ئه‌بیهود باوكی ئه‌لیاقیم بوو،
ئه‌لیاقیم باوكی ئازور بوو،
14
ئازور باوكی سادۆق بوو،
سادۆق باوكی ئه‌كیم بوو،
ئه‌كیم باوكی ئه‌لیهود بوو،
15
ئه‌لیهود باوكی ئه‌لعازار بوو،
ئه‌لعازار باوكی مه‌تان بوو،
مه‌تان باوكی یاقوب بوو،
16
یاقوب باوكی یوسفی مێردی مریه‌م بوو، ئه‌وه‌ی عیسای لێبوو، كه‌ به‌ مه‌سیح[d] ناوده‌بردرێت.
17
به‌م شێوه‌یه‌ هه‌موو نه‌وه‌كان له‌ ئیبراهیمه‌وه‌ هه‌تا داود چوارده‌ نه‌وه‌ن، له‌ داوده‌وه‌ هه‌تا ڕاپێچكردنه‌كه‌ بۆ بابل چوارده‌ نه‌وه‌ن، له‌ ڕاپێچكردنه‌كه‌شه‌وه‌ بۆ بابل هه‌تا مه‌سیح چوارده‌ نه‌وه‌ن.
له‌دایكبوونی عیسا 
18
له‌دایكبوونی عیسای مه‌سیح به‌م شێوه‌یه‌ بوو: كاتێك مریه‌می دایكی له‌ یوسف ماره‌بڕاو بوو، پێش ئه‌وه‌ی بیگوازێته‌وه‌، ده‌ركه‌وت كه‌ له‌ ڕێگه‌ی ڕۆحی پیرۆز سكی پڕبووه‌.
19
یوسفی ده‌ستگیرانی كه‌ پیاوچاك بوو، نه‌یویست ئابڕووی ببات، بڕیاری دا به‌ نهێنی ده‌ستی لێ هه‌ڵبگرێت.
20
كاتێك بیری له‌م شتانه‌ ده‌كرده‌وه‌، فریشته‌یه‌كی یه‌زدان هاته‌ خه‌ونی و پێی فه‌رموو: «ئه‌ی یوسفی نه‌وه‌ی داود، مه‌ترسه‌ مریه‌م بهێنیت، چونكه‌ ئه‌وه‌ی ئه‌و سكی پێی هه‌یه‌ له‌ ڕۆحی پیرۆزه‌وه‌یه‌.
21
كوڕێكی ده‌بێت ناوی ده‌نێیت عیسا[e] ، چونكه‌ گه‌له‌كه‌ی له‌ گوناهه‌كانیان ڕزگار ده‌كات.»
22
ئه‌مانه‌ هه‌مووی ڕوویدا، هه‌تا ئه‌وه‌ی یه‌زدان له‌ ڕێگه‌ی پێغه‌مبه‌ره‌كه‌[f] فه‌رموویه‌تی بێته‌ دی:
23
{ئه‌وه‌تا پاكیزه‌یه‌ك سكی ده‌بێت و كوڕێكی ده‌بێت، ناوی لێ ده‌نێن ئیمانوێل.}[g] واته‌: خودا له‌گه‌ڵمانه‌.
24
كاتێك یوسف له‌ خه‌و هه‌ستا، ئه‌وه‌ی فریشته‌كه‌ی یه‌زدان فه‌رمانی پێدابوو ئه‌نجامی دا و ژنه‌كه‌ی گواسته‌وه‌.
25
به‌ڵام هه‌تا كوڕه‌كه‌ی نه‌بوو له‌گه‌ڵی جووت نه‌بوو، ئینجا ناوی لێنا عیسا.
  1. a. 1‏:3 یۆنانی: \+tl ئارام\+tl*، به‌ڵام له‌ زمانی عیبری (ڕام). بڕوانه‌ \+xt ڕائووس 4‏:19‏\+xt*‏.
  2. b. 1‏:6 دایكی سلێمان له‌دوای كوژرانی ئوریا بووه‌ ژنی داود.
  3. c. 1‏:11 یۆنانی: \+tl یه‌كنیا\+tl*، به‌ڵام عیبرییه‌كه‌ له‌ په‌یمانی كۆندا \+tl یه‌هۆیاكین\+tl*ه‌، بڕوانه‌ \+xt دووه‌م پاشایان 24‏:6‏\+xt*.
  4. d. 1‏:16 به‌ زمانی عیبری پێی ده‌گوترێ \+tl مه‌شیخ \+tl*یان \+tl مه‌شیح\+tl*. به‌ زمانی یۆنانی ده‌بێته‌ \+tl كریستۆس\+tl*، كه‌ به‌ واتای (ده‌ستنیشانكراو) له‌لای خودا دێت كه‌ ڕزگاركه‌ری گه‌له‌كه‌یه‌تی. بڕوانه‌ یه‌كه‌م ساموئێل 16.
  5. e. 1‏:21 یۆنانی: \+tl یێسوس\+tl*. عیبری: \+tl یه‌شوع\+tl*. واته‌ (خودا ڕزگار ده‌كات.)
  6. f. 1‏:22 مه‌به‌ست له‌ پێغه‌مبه‌ر ئیشایایه‌.
  7. g. 1‏:23 \+xt ئیشایا 7‏:14‏\+xt*