عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- بنیاتێ عیسایێ مەسیح
- 1
- نەژادنامەیا عیسایێ مەسیح[a] ، كوڕێ داوودی، كوڕێ ئیبراهیمی، ئەڤەیە:
- 2
- ئیبراهیمی ئیسحاق ژێبوو،
ئیسحاقی یەعقوب ژێبوو، - 3
- یەهودای پێرێز و زەراح ژ تامارێ بوون،
پێرێزی حەسرۆن ژێبوو، - 4
- ئارامی عەمیناداب ژێبوو،
عەمینادابی نەحشۆن ژێبوو، - 5
- سەلمۆنی بۆعەز ژ راحابێ بوو،
بۆعەزی عوڤێد ژ رائووتێ بوو، - 6
- و یێشای داوود پاشا ژێبوو.
داوودی سلێمان ژ ژنا ئوریای بوو، - 7
- سلێمانی رەحەڤعام ژێبوو،
رەحەڤعامی ئەبیا ژێبوو، - 8
- ئاسافی یەهۆشافات ژێبوو،
یەهۆشافاتی یەهۆرام ژێبوو، - 9
- عوزیای یۆتام ژێبوو،
یۆتامی ئاحاز ژێبوو، - 10
- حزقیای مناشە ژێبوو،
مناشەی ئامۆن ژێبوو، - 11
- و یۆشیای یەهۆیاخین و برایێن وی د دەمێ راگوهاستنێ[b] دا بۆ بابلێ ژێبوون.
- 12
- پشتی راگوهاستنێ بۆ بابل:
یەهۆیاخینی شەئەلتئێل ژێبوو، - 13
- زەروبابلی ئەبیهود ژێبوو،
ئەبیهودی ئێلیاقیم ژێبوو، - 14
- عازوری سادۆق ژێبوو،
سادۆقی ئەخیم ژێبوو، - 15
- ئێلیهودی ئێلعازار ژێبوو،
ئێلعازاری مەتتان ژێبوو، - 16
- و یەعقوب بابێ یوسڤێ هەڤژینێ مەریەمێ بوو،
ئەوا عیسایێ كو دبێژنێ مەسیح ژێبووی. - 17
- ئەڤجا ژمارەیا بەرەبابان ژ ئیبراهیمی هەتا داوودی چواردەنە و ژ داوودی هەتا راگوهاستنێ بۆ بابلێ چواردەنە و ژ راگوهاستنێ بۆ بابلێ هەتا مەسیحی چواردە بەرەبابن.
- ژدایكبوونا عیسایێ مەسیح
- 18
- ژدایكبوونا عیسایێ مەسیح هۆسا بوو: دایكا وی مەریەم دەزگرا یوسڤی بوو. ژ بەری كو ئەو هەردوو بگەهنە ئێك، دەركەفت كو مەریەم ژ گیانێ پیرۆز[c] یا ب دوو گیان كەفتی.
- 19
- لێ چنكو یوسڤێ دەزگرێ وێ مرۆڤەكێ راستدار[d] بوو و نەدڤیا وێ شەرمزار بكەت، ئینا بڕیار دا ب نەپەنی ڤە بەردەت.
- 20
- لێ دەمێ هزر د ڤێ چەندێ دا دكر، وەسا چێبوو فریشتەیەكێ خودانی[e] بۆ وی د خەونێ دا دیار بوو و گۆتێ: «یوسڤێ كوڕێ داوودی تۆ ژ هندێ نەترسە كو مەریەمێ وەكو هەڤژین بۆ خۆ ببەی، چنكو ئەوێ د زكێ وێ دا ژ گیانێ پیرۆزە.
- 21
- دێ وێ كوڕەك بیت و تۆ دێ ناڤێ وی كەیە عیسا[f] ، چنكو ئەو دێ گەلێ خۆ ژ گونەهێن وان قورتال كەت.»
- 22
- ئەڤە هەمی هاتە رویدان، دا ئەوا خودانی ل سەر ئەزمانێ پێغەمبەری[g] گۆتی، ب جهـ بهێت:
- 23
- «ئەڤە دێ كچا پاكیزە[h] ب دووگیان كەڤیت و دێ كوڕەك بیت
و دێ بێژنێ عەمانوئێل» - 24
- دەمێ یوسڤ ژ خەو رابووی، وی ئەو كر یا فریشتەیێ خودانی فەرمان لێ كری و مەریەم وەكو هەڤژین بۆ خۆ بر.
- 25
- لێ ئەو نەچوو د ناڤ نڤینێن وێ دا هەتا كوڕەك بووی و ناڤێ وی كرە عیسا.
- a. 1:1 ل فەرهەنگۆكێ بنێڕە مەسیح*.
- b. 1:11 دەمێ خەلكێ یەهودیایێ بۆ بابلێ ب نەچاری هاتیە راگوهاستن ل ساڵا 597 ب. ز. ل فەرهەنگۆكێ بنێڕە راگوهاستن بۆ بابل*.
- c. 1:18
q گیانێ پیرۆز: ئانكو گیانێ خودێ. ل فەرهەنگۆكێ بنێڕە گیانێ پیرۆز*. - d. 1:19 ئەوێ كو كریارا وی یا راست و دروستە.
- e. 1:20 ل ڤێرێ ‹خودان› جهناڤێ خودێیە، ل فەرهەنگۆكێ بنێڕە خودان*.
- f. 1:21 ب یونانی ‹یێسوس›. ب عیبرانی ‹یێشوعا›. رامانا ناڤی ‹خودان قورتال دكەت›.
- g. 1:22 مەبەست ژێ ئیشایا پێغەمبەرە. ل فەرهەنگۆكێ بنێڕە.
- h. 1:23
q پاكیزە: ئانكو ئەوا كچینیا خۆ ژ دەست نەدای.
