عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ئاگاداركردنه‌وه‌ی ده‌وڵه‌مه‌نده‌كان 
1
وه‌رن ئه‌ی ده‌وڵه‌مه‌نده‌كان، بگریێن و شیوه‌ن بكه‌ن بۆ ئه‌و ده‌رده‌سه‌رییه‌ی به‌سه‌رتان دێت.
2
سامانتان بۆگه‌ن بووه‌ و به‌رگتان مۆرانه‌ لێیداوه‌،
3
زێڕ و زیوتان داده‌خورێت، داخورانه‌كه‌شیان شایه‌تیتان له‌سه‌ر ده‌دات و وه‌ك ئاگر جه‌سته‌تان ده‌خوات. له‌ ڕۆژانی كۆتایی گه‌نجینه‌تان بۆ خۆتان كۆكرده‌وه‌.
4
ئه‌وه‌تا كرێی ئه‌و كرێكارانه‌تان نه‌داوه‌ كه‌ له‌ كێڵگه‌كانی ئێوه‌ كاریان كردووه‌، له‌ دژی ئێوه‌ هاوار ده‌كات. هاواری سه‌پانه‌كانیش گه‌یشته‌ گوێی یه‌زدانی سوپاسالار.
5
له‌سه‌ر زه‌وی خۆشتان ڕابواردووه‌ و به‌ شوێن ئاره‌زووه‌كانی جه‌سته‌تان كه‌وتوون، دڵی خۆتان وه‌ك دابه‌سته‌ بۆ ڕۆژی سه‌ربڕین ڕاگرتووه‌.
6
بێتاوانتان حوكم دا و كوشتتان، كه‌ به‌رهه‌ڵستی ئێوه‌یان نه‌ده‌كرد.
دانبه‌خۆداگرتن له‌ ئازار 
7
بۆیه‌ خوشكان و برایانم، هه‌تا هاتنه‌وه‌ی مه‌سیحی خاوه‌ن شكۆ ئارام بگرن. سه‌یر بكه‌ن چۆن جوتیار چاوه‌ڕێی به‌رهه‌مه‌ سه‌نگینه‌كه‌ی زه‌وی ده‌كات، بۆ بارانی پاییز و به‌هار ئارام ده‌گرێت.
8
ئێوه‌ش ئارام بگرن و دڵتان بچه‌سپێنن، چونكه‌ هاتنه‌وه‌ی مه‌سیحی خاوه‌ن شكۆ نزیك بووه‌ته‌وه‌.
9
خوشكان، برایان، بۆڵه‌بۆڵ له‌سه‌ر یه‌كتری مه‌كه‌ن، نه‌وه‌ك حوكم بدرێن. ئه‌وه‌تا دادوه‌ر له‌ به‌رده‌رگا ڕاوه‌ستاوه‌.
10
خوشكان، برایان، نموونه‌ وه‌ربگرن له‌ به‌رگه‌ی ئازار و ئارامگرتنی ئه‌و پێغه‌مبه‌رانه‌ی كه‌ به‌ ناوی یه‌زدانه‌وه‌ قسه‌یان كرد.
11
وا ئێمه‌ ئه‌وانه‌ به‌ به‌خته‌وه‌ر ده‌زانین كه‌ دانیان به‌خۆیاندا گرتووه‌. دانبه‌خۆداگرتنی ئه‌یوبتان بیستووه‌ و كه‌ له‌ ئه‌نجامدا یه‌زدان چۆن به‌ره‌كه‌تداری كرد،[a] چونكه‌ یه‌زدان به‌زه‌یی زۆره‌ و میهره‌بانه‌.
12
خوشكان و برایانم، پێش هه‌موو شتێك، سوێند مه‌خۆن، نه‌ به‌ ئاسمان و نه‌ به‌ زه‌وی و نه‌ به‌ شتی دیكه‌. به‌ڵكو با «به‌ڵێ»تان به‌ڵێ بێت و «نه‌خێر»تان نه‌خێر بێت، نه‌وه‌ك بكه‌ونه‌ ژێر تاوانباركردن.
نوێژ به‌ باوه‌ڕه‌وه‌ 
13
كامه‌تان ناخۆشی هه‌یه‌؟ با نوێژ بكات. كه‌س دڵخۆشه‌؟ با به‌ گۆرانی ستایش بكات.
14
كامه‌تان نه‌خۆشه‌؟ با پیرانی كڵێسا بانگ بكات بۆ ئه‌وه‌ی نوێژی له‌سه‌ر بكه‌ن و به‌ ناوی عیسای خاوه‌ن شكۆوه‌ چه‌وری بكه‌ن[b] .
15
ئه‌و نوێژه‌ی به‌ باوه‌ڕ ده‌كرێت نه‌خۆش چاك ده‌كاته‌وه‌ و عیسای خاوه‌ن شكۆ هه‌ڵیده‌ستێنێته‌وه‌. ئه‌گه‌ر گوناهێكیشی كردبێت ده‌به‌خشرێت.
16
بۆیه‌ بۆ یه‌كتری دان به‌ گوناهه‌كانتاندا بنێن، نوێژ بۆ یه‌كتری بكه‌ن تاكو چاكببنه‌وه‌. نوێژی كه‌سی ڕاستودروست زۆر به‌هێز و كاریگه‌ره‌.
17
ئه‌لیاس مرۆڤێك بوو وه‌ك ئێمه‌ له‌ هه‌مان سروشت، به‌ گه‌رمی نوێژی كرد تاكو باران نه‌بارێت، ئیتر سێ ساڵ و نیو له‌سه‌ر خاكه‌كه‌یان باران نه‌باری.
18
نوێژی كرده‌وه‌، ئاسمان بارانی دا و زه‌ویش به‌رهه‌می دا.
19
خوشكان و برایانم، ئه‌گه‌ر یه‌كێكتان له‌ ڕاستی چه‌واشه‌ كرا و یه‌كێك گه‌ڕاندییه‌وه‌،
20
با بزانێت ئه‌وه‌ی گوناهبارێك له‌ ڕێگای گومڕایی بگه‌ڕێنێته‌وه‌، ده‌روونێك له‌ مردن ڕزگار ده‌كات و زۆر گوناهیش داده‌پۆشێت.
  1. a. 5‏:11 \+xt بڕوانه‌ ئه‌یوب 42‏:10‏-17.‏\+xt*‏
  2. b. 5‏:14 \+xt بڕوانه‌ مه‌رقۆس 6‏:13‏\+xt*‏