عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ملكه‌چی خودا بن 
1
هۆكاری سه‌رهه‌ڵدانی ئه‌م شه‌ڕ و ناكۆكییه‌ی نێوانتان چییه‌؟ ئایا به‌هۆی ئاره‌زووه‌ خراپه‌كان نییه‌ كه‌ له‌ ئه‌ندامانی له‌شتان ده‌جه‌نگن؟
2
ئاره‌زوو ده‌كه‌ن و نیتانه‌، هه‌ر بۆیه‌ ده‌كوژن. ئیره‌یی ده‌به‌ن و ناتوانن ده‌ستتان بكه‌وێت، هه‌ر بۆیه‌ ناكۆكی ده‌كه‌ن و شه‌ڕ ده‌كه‌ن. نیتانه‌، چونكه‌ له‌ خودا داوا ناكه‌ن.
3
كاتێك داوا ده‌كه‌ن وه‌ریناگرن، چونكه‌ به‌ پاڵنه‌ری خراپ داوا ده‌كه‌ن، تاكو ئاره‌زووه‌كانتانی پێ تێر بكه‌ن.
4
ئه‌ی داوێنپیسان، نازانن دۆستایه‌تی جیهان دوژمنایه‌تی خودایه‌؟ بۆیه‌ ئه‌وه‌ی بیه‌وێت ببێته‌ دۆستی جیهان، ئه‌وا بووه‌ته‌ دوژمنی خودا.
5
یاخود واده‌زانن نووسراوه‌ پیرۆزه‌كه‌ له‌خۆڕا ده‌فه‌رموێ، خودا به‌ دڵگه‌رمی په‌رۆشه‌ به‌و ڕۆحه‌ی كه‌ تیاماندا نیشته‌جێی كردووه‌؟
6
به‌ڵام نیعمه‌تی[a] زیاتر ده‌دات، بۆیه‌ نووسراوه‌ پیرۆزه‌كه‌ ده‌فه‌رموێت:
{خودا به‌رهه‌ڵستی لووتبه‌رزه‌كان ده‌كات،
به‌ڵام نیعمه‌ت ده‌داته‌ بێفیزه‌كان.}[b]
7
بۆیه‌ ملكه‌چی خودا بن. به‌رهه‌ڵستی شه‌یتان بكه‌ن، لێتان هه‌ڵدێت.
8
له‌ خودا نزیك بنه‌وه‌، لێتان نزیك ده‌بێته‌وه‌. ده‌ستتان خاوێن بكه‌نه‌وه‌ ئه‌ی گوناهباران، دڵتان پاك بكه‌نه‌وه‌ ئه‌ی ڕاڕایه‌كان.
9
خه‌فه‌ت بخۆن و بگریێن و شیوه‌ن بكه‌ن. پێكه‌نینتان بگۆڕن بۆ گریان و خۆشی بۆ خه‌فه‌ت.
10
له‌به‌رده‌م په‌روه‌ردگاردا بێفیز بن، ئه‌ویش به‌رزتان ده‌كاته‌وه‌.
11
خوشكان، برایان، به‌ خراپه‌ باسی یه‌كتری مه‌كه‌ن. ئه‌وه‌ی به‌ خراپه‌ باسی براكه‌ی بكات یاخود براكه‌ی حوكم بدات، ئه‌وا به‌ خراپه‌ باسی ته‌ورات ده‌كات و ته‌ورات حوكم ده‌دات. ئه‌گه‌ر ته‌ورات حوكم بده‌یت، ئه‌وا تۆ كار به‌ ته‌ورات ناكه‌یت، به‌ڵكو خۆت ده‌كه‌یت به‌ دادوه‌ر به‌سه‌رییه‌وه‌.
12
ته‌نها یه‌ك شه‌ریعه‌تدانه‌ر و دادوه‌ر هه‌یه‌، ئه‌و ده‌توانێت ڕزگار بكات و له‌ناوببات. به‌ڵام تۆ كێی تاكو نزیكه‌كه‌ت حوكم بده‌یت؟
پشتبه‌ستن به‌ خودا 
13
وه‌رن ئه‌وانه‌ی ده‌ڵێن: «ئه‌مڕۆ یان به‌یانی ده‌ڕۆین بۆ فڵان شار، ساڵێك له‌وێ ده‌بین و كاسبی ده‌كه‌ین و قازانج ده‌كه‌ین.»
14
ئێوه‌ كه‌ نازانن به‌یانی چی ده‌بێت، ژیانتان چییه‌؟ چونكه‌ هه‌ڵمێكه‌، ماوه‌یه‌ك ده‌رده‌كه‌وێت، دواتر نامێنێت.
15
له‌ جیاتی بڵێن: «ئه‌گه‌ر مه‌سیحی باڵاده‌ست خواستی له‌سه‌ر بوو و ژیاین، ئه‌مه‌ و ئه‌وه‌ ده‌كه‌ین.»
16
به‌ڵام له‌ جیاتی ئه‌وه‌، ئێوه‌ شانازی به‌ لووتبه‌رزیتانه‌وه‌ ده‌كه‌ن، هه‌موو شانازییه‌كی ئاواش خراپه‌.
17
بۆیه‌ ئه‌وه‌ی بزانێت چاكه‌ بكات و نه‌یكات، گوناه ده‌كات.
  1. a. 4‏:6 خودا نیعمه‌ت به‌ مرۆڤ ده‌به‌خشێت، به‌ واتای به‌خشینێكی خودایه‌ كه‌ به‌بێ ئه‌وه‌ی شایسته‌ی بین خودا پێمان ده‌به‌خشێت.
  2. b. 4‏:6 \+xt په‌نده‌كان 3‏:34‏\+xt*‏