عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پاشگه‌زبوونه‌وه‌ له‌ باوه‌ڕ 
1
بۆیه‌ كه‌ وازمان له‌ فێركردنی سه‌ره‌تایی له‌باره‌ی مه‌سیح هێنا، با به‌ره‌و پێگه‌یشتن بڕۆین، دیسان بناغه‌ڕێژی ناكه‌ین بۆ تۆبه‌كردن له‌و كارانه‌ی كه‌ ده‌بنه‌ هۆی مردن و باوه‌ڕهێنان به‌ خودا،
2
فێركردن ده‌رباره‌ی له‌ئاوهه‌ڵكێشان و ده‌ست له‌سه‌ر دانان و هه‌ستانه‌وه‌ی مردووان و لێپرسینه‌وه‌ی هه‌تاهه‌تایی.
3
ئه‌گه‌ر خودا ڕێگا بدات، ئه‌مه‌ش ده‌كه‌ین.
4
ناكرێ ئه‌وانه‌ی جارێك ڕووناك كراونه‌ته‌وه‌ و تامی به‌هره‌ی ئاسمانییان كردووه‌ و به‌شدار بوونه‌ له‌ ڕۆحی پیرۆز،
5
هه‌روه‌ها تامی باشی وشه‌ی خودا و هێزه‌كانی جیهانی داهاتوویان كردووه‌،
6
ئه‌گه‌ر هه‌ڵگه‌ڕانه‌وه‌[a] ، بۆ تۆبه‌كردن نوێ بكرێنه‌وه‌، چونكه‌ بۆ خۆیان كوڕی خودا له‌ خاچ ده‌ده‌نه‌وه‌ و ڕیسوای ده‌كه‌ن.
7
له‌به‌ر ئه‌وه‌ی زه‌وی له‌و بارانه‌ی خوارده‌وه‌ كه‌ چه‌ندین جار دێته‌ سه‌ری، ڕووه‌كێك ده‌دات كه‌ گونجاوه‌ بۆ ئه‌وانه‌ی بۆیان كێڵدراوه‌، له‌ خوداشه‌وه‌ فه‌ڕی ده‌بێت.
8
به‌ڵام ئه‌گه‌ر دڕك و داڵی[b] به‌رهه‌م هێنا، ئه‌وا پووچ و نزیكه‌ نه‌فره‌ته‌، كۆتاییه‌كه‌ی سووتانه‌.
9
خۆشه‌ویستان، هه‌رچه‌نده‌ ئاوا قسه‌ ده‌كه‌ین، دڵنیا بووین له‌باره‌ی ئێوه‌وه‌ ڕه‌وشێكی باشتر هه‌یه‌ كه‌ تایبه‌ته‌ به‌ ڕزگاری.
10
خودا زۆردار نییه‌ كاری ئێوه‌ له‌بیر بكات، هه‌روه‌ها ئه‌و خۆشه‌ویستییه‌تان له‌بیر ناكات كه‌ بۆ خودا له‌ خزمه‌تكردنی گه‌لی پیرۆزی خۆی ده‌رتانبڕی و هه‌تا ئێستا به‌رده‌وامن.
11
ئێمه‌ش خوازیارین هه‌ر یه‌كێكتان هه‌مان دڵگه‌رمی ده‌ربخات بۆ دڵنیایی ته‌واوی هیوا تاكو كۆتایی،
12
تاكو ته‌مبه‌ڵ نه‌بن، به‌ڵكو لاسایی ئه‌وانه‌ بكه‌نه‌وه‌ كه‌ به‌ باوه‌ڕ و ئارامگرتن میراتگری به‌ڵێنه‌كانن.
خودا به‌ڵێنی خۆی ده‌باته‌سه‌ر 
13
كاتێك خودا به‌ڵێنی به‌ ئیبراهیم دا، سوێندی به‌خۆی خوارد، چونكه‌ كه‌سی پایه‌به‌رزتری نه‌بوو سوێندی پێ بخوات،
14
فه‌رمووی: {بێگومان به‌ره‌كه‌تدارت ده‌كه‌م و نه‌وه‌كه‌ت چه‌ندباره‌ ده‌كه‌م.}[c]
15
به‌م شێوه‌یه‌ ئیبراهیم ئارامی گرت هه‌تا به‌ڵێنه‌كه‌ی به‌ده‌ستهێنا.
16
خه‌ڵك سوێند به‌ گه‌وره‌تر ده‌خۆن، كۆتایی هه‌موو ده‌مه‌قاڵه‌یه‌ك بۆ چه‌سپاندن سوێنده‌.
17
خودا سوێندی خوارد چونكه‌ ویستی خواستی نه‌گۆڕی خۆی به‌ میراتگری به‌ڵێن پیشان بدات.
18
خودا ئه‌مه‌ی كرد تاكو له‌ ڕێگه‌ی دوو شتی نه‌گۆڕه‌وه‌[d] كه‌ مه‌حاڵه‌ خودا تێیاندا درۆ بكات، ئێمه‌ كه‌ په‌نامان بۆ ئه‌و بردووه‌، به‌ دڵنه‌وایی زۆره‌وه‌ ده‌ستبگرین به‌و هیوایه‌ی كه‌ له‌پێشمانی داناوه‌.
19
ئه‌م هیوایه‌مان هه‌یه‌ كه‌ وه‌ك له‌نگه‌ره‌ بۆ ده‌روونمان، چه‌سپاو و ڕاگره‌. ده‌چێته‌ ناو شوێنی هه‌ره‌پیرۆز له‌ پشت په‌رده‌كه‌،
20
له‌وێدا عیسا پێشتر و له‌بری ئێمه‌ چووه‌ ناوی، هه‌تاهه‌تایه‌ بووه‌ سه‌رۆك كاهین، له‌ پله‌ی مه‌لكیسادق.
  1. a. 6‏:6 یۆنانی: كه‌وتن.
  2. b. 6‏:8 بڕوانه‌ \+xt په‌یدابوون 3‏:18‏\+xt*‏.
  3. c. 6‏:14 \+xt په‌یدابوون 22‏:17‏\+xt*‏.
  4. d. 6‏:18 به‌ڵێن و سوێند.