عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
1
لەوما، بلا ئەم ژ فێركرنێن دەستپێكی یێن دەربارەی مەسیحی دەرباز ببین و بەرەڤ پێگەهشتنێ پێشڤە بچین، بێی كو جارەكا دی وی بنیاتی دانین یێ پێكهاتی ژ: لخۆزڤڕینێ ژ كریارێن مرنێ دئینن و باوەری ئینان ب خودێ،
2
فێركرن دەربارەی تافیركرنان و دەست ل سەر دانان، رابوونا مریان و دادكرنا هەتا هەتایی.
3
ئەم دێ ڤێ چەندێ كەین ژی، ئەگەر خودێ دەستویریێ بدەت.
4
چنكو ئەوێن جارەكێ هاتینە رۆناهیكرن و تام كریە دیاریا ئەسمانی و بووینە هەڤپشك د گیانێ پیرۆز دا
5
و تام كریە پەیڤا خودێ یا چاك و حنێرێن سەردەمێ داهاتی
6
و د سەر هندێ را پاشگەز ببن، ڤەگەڕاندنا وان بۆ لخۆزڤڕینێ مەحالە، چنكو ئەو بۆ خۆ دووبارە كوڕێ خودێ خاچ ددەن و تووشی رسوابوونێ دكەن.
7
چنكو ئەو ئەردێ ژ وێ بارانێ ڤەخواری یا چەندین جاران ل سەر باری و شینكاتیەك بەرهەم ئینای یێ بكێرهاتی بۆ یێن ژ بەر وان هاتیە چاندن، بەرەكەتا خودێ دهێتە سەر.
8
لێ ئەگەر ستری و قیڤار دان، ئەو یێ بكێرنەهاتیە و نێزیكە نفرین لێ ببارن، كو دویماهیا وی سۆتنە.
9
هەر چەندە ئەم ب ڤی ئاوایی دئاخڤین، لێ دەربارەی هەوە، گەلی خۆشتڤیان، ئەم ژ بەرهەمێن باش یێن هەوە د پشتڕاستین، بەرهەمێن كو ب قورتالبوونێ ڤە د گرێداینە.
10
چنكو خودێ نە یێ زۆردارە كو كارێ هەوە و حەزژێكرنا هەوە بۆ ناڤێ وی دیار كری ژ بیر بكەت، ژ بەر كو هەوە خزمەتا پیرۆزكریان كریە و دكەن.
11
لێ ئەم گەلەك حەز دكەین كو هەر ئێك ژ هەوە، هەتا دویماهیێ، هەمان دلگەرمیێ بۆ بجهئینانا هیڤیێ دیار بكەن.
12
دا هوین تەمبەل نەبن، لێ چاڤ ل وان بكەن یێن ب باوەری و بێهنفرەهیێ بووینە میراتگرێن سۆزێن خودێ.
سۆزا خودێ یا مسۆگەرە 
13
دەمێ خودێ سۆز دایە ئیبراهیمی، سویند ب خۆ خوار، چنكو كەسەكێ مەزنتر ژ وی نەبوو كو سویندێ پێ بخۆت
14
و گۆت: «بێگۆمان ئەز دێ تە گەلەك بەرەكەتدار كەم و گەلەك ب دویندەهـ ئێخم.»[a]
15
ب ڤی ئاوایی، پشتی ئیبراهیمی بێهنا خۆ فرەهـ كری، سۆز ب دەست ڤە ئینا.
16
خەلك سویندێ ب تشتەكێ ژ خۆ مەزنتر دخۆت و سویند ئاخفتنا وان پەسەند دكەت و هەر شەڕەدەڤەكێ د ناڤ وان دا ب دویماهی دئینیت.
17
ئەڤجا، دەمێ خودێ ڤیای نەگوهۆڕیا حەزا خۆ بۆ میراتگرێن سۆزێ زێدەتر دیار بكەت، وی سۆزا خۆ ب سویندێ مسۆگەر كر.
18
دا ب دوو تشتێن نەگوهۆڕ[b] ، یێن كو مەحالە خودێ تێدا درەوێ بكەت، مە هاندانەكا ب هێز هەبیت، ئەم ئەوێن پەنا بریە نك وی، دا خۆ ب وێ هیڤیێ ڤە بگرین، یا ل پێشیا مە هاتیە دانان.
19
ئەڤ هیڤیە بۆ دەروونێ مە وەكو لەنگەرەكا[c] نەلڤ و پەیتە، دەرباز دبیتە پشت پەردەی[d] ،
20
وی جهی یێ عیسا وەكو پێشەنگ ژ پێخەمەت مە ب ژۆر كەفتی و بۆ هەتا هەتایێ بوویە سەرۆككاهن ژ جۆرێ مەلكیسادقی.
  1. a. 6‏:14 دەستپێكرن 22‏:17
  2. b. 6‏:18 ئانكو: سۆز و سویند
  3. c. 6‏:19 لەنگەر: ئاڵاڤێ راوەستاندنا گەمیێ یان بەلەمێیە
  4. d. 6‏:19 مەبەست پێ پەردەیا پەرستگەهێیە، ئەوا دكەڤیتە د ناڤبەرا جهێ پیرۆز و جهێ هەری پیرۆز دا. بنێڕە دەركەفتن 26‏:31‏-35؛ پەرستن و پیرۆزی پشكا 16.