عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
مه‌لكیسادقی كاهین 
1
ئه‌م مه‌لكیسادقه‌ پاشای شالیم بوو، هه‌روه‌ها كاهینی خودای هه‌ره‌به‌رز بوو، كاتێك ئیبراهیم له‌ به‌زاندنی پاشاكان گه‌ڕایه‌وه‌، تووشی بوو و داوای به‌ره‌كه‌تی بۆ كرد،[a]
2
ئه‌وه‌ی ئیبراهیم ده‌یه‌كی هه‌موو شتێكی بۆ جیا كرده‌وه‌. یه‌كه‌م جار ناوی به‌ واتای «پاشای ڕاستودروستی» دێت، دواتر «پاشای شالیم» واته‌ «پاشای ئاشتی».
3
بێ دایك و باوك، بێ ڕه‌چه‌ڵه‌كه‌، بێ سه‌ره‌تای ڕۆژان و كۆتایی ژیان، به‌ڵكو وه‌ك كوڕی خودا وایه‌، هه‌تاهه‌تایه‌ وه‌ك كاهین ده‌مێنێته‌وه‌.
4
سه‌یر بكه‌ن ئه‌مه‌ چه‌ند گه‌وره‌ بووه‌، ته‌نانه‌ت ئیبراهیمی بابه‌گه‌وره‌ ده‌یه‌كی ده‌ستكه‌وتی داوه‌تێ.
5
به‌ڵام ئه‌وانه‌ی له‌ نه‌وه‌ی لێڤین و كاهینیێتییان وه‌رگرتووه‌، ڕاسپارده‌یان هه‌یه‌ كه‌ به‌گوێره‌ی ته‌ورات ده‌یه‌ك له‌ خه‌ڵك وه‌ربگرن، كه‌ برایانن، هه‌رچه‌نده‌ له‌ پشتی ئیبراهیمن.
6
ئه‌وه‌ی له‌ ڕه‌چه‌ڵه‌كی ئه‌وانیش نییه‌، ده‌یه‌كی له‌ ئیبراهیم وه‌رگرت و ئه‌وه‌ی به‌ڵێنه‌كانی هه‌یه‌ به‌ره‌كه‌تداری كرد.
7
بێگومان بچووكترین له‌لایه‌ن گه‌وره‌ترین به‌ره‌كه‌تدار ده‌كرێت.
8
لێره‌ش خه‌ڵكی كه‌ ده‌مرن ده‌یه‌ك وه‌رده‌گرن، به‌ڵام له‌وێ شایه‌تی بۆ ده‌درێت كه‌ زیندووه‌[b] .
9
ئاوا قسه‌یه‌ك ده‌كرێت: ته‌نانه‌ت لێڤی[c] كه‌ ده‌یه‌ك وه‌رده‌گرێ، خۆی له‌ ڕێگه‌ی ئیبراهیمه‌وه‌ ده‌یه‌كی داوه‌،
10
چونكه‌ كاتێك مه‌لكیسادق تووشی ئیبراهیم بوو، هێشتا لێڤی له‌ پشتی باوكیدا بوو.
عیسا وه‌ك مه‌لكیسادقه‌ 
11
ئێستا ئه‌گه‌ر به‌ ڕێگه‌ی كاهینیێتی لێڤی ته‌واوه‌تی[d] به‌ده‌ستبهاتبایه‌، كه‌ گه‌لیش له‌سه‌ر ئه‌مه‌ ته‌وراتی وه‌رگرت، ئایا پێویسته‌ كاهینێكی دیكه‌ له‌ پله‌ی مه‌لكیسادق و نه‌ك له‌ پله‌ی هارون دابنرێت؟
12
چونكه‌ ئه‌گه‌ر كاهینیێتی بگۆڕێت، ئه‌وا پێویسته‌ شه‌ریعه‌تیش بگۆڕێت.
13
ئه‌وه‌ی ئه‌م باسه‌ی له‌سه‌ر ده‌كرێ، سه‌ر به‌ هۆزێكی جیاوازه‌، كه‌سیش له‌م هۆزه‌ خزمه‌تی قوربانگای[e] نه‌كردووه‌.
14
ئاشكرایه‌ كه‌ مه‌سیحی خاوه‌ن شكۆمان سه‌ر به‌ هۆزی یه‌هودایه‌، موساش له‌باره‌ی كاهینیێتی باسی ئه‌م هۆزه‌ی نه‌كردووه‌.
15
زۆر ڕوونتریشه‌، ئه‌گه‌ر له‌ شێوه‌ی مه‌لكیسادق كاهینێكی دیكه‌ ده‌ربكه‌وێت،
16
كه‌ ئه‌و به‌پێی ته‌ورات به‌ كاهین دانه‌نراوه‌ كه‌ له‌ ڕێگه‌ی ڕه‌چه‌ڵه‌كه‌وه‌یه‌، به‌ڵكو به‌پێی هێزی ئه‌و ژیانه‌ی كه‌ له‌ناوناچێت،
17
چونكه‌ شایه‌تی ده‌دات:
{هه‌تاهه‌تایه‌ تۆ كاهینیت،
له‌ پله‌ی مه‌لكیسادق.}[f]
18
ئیتر ڕاسپارده‌ی پێشوو لابردرا، له‌به‌ر ئه‌وه‌ی لاواز و بێ سوود بوو،
19
چونكه‌ ته‌ورات هیچ شتێكی ته‌واو نه‌كرد، به‌ڵكو هیوایه‌كی چاكتر هاته‌ كایه‌وه‌ كه‌ به‌هۆیه‌وه‌ له‌ خودا نزیك ده‌بینه‌وه‌.
20
ئه‌مه‌ش بێ سوێند نه‌بوو. ئه‌وانه‌ی دیكه‌ بێ سوێند بوون به‌ كاهین،
21
به‌ڵام ئه‌مه‌ به‌ سوێنده‌وه‌ بوو، له‌وه‌ی پێی فه‌رموو:
{یه‌زدان سوێندی خواردووه‌ و
بڕیاری ناگۆڕێت:
«هه‌تاهه‌تایه‌ تۆ كاهینیت.»}[g]
22
به‌گوێره‌ی ئه‌م سوێنده‌ش عیسا بووه‌ ده‌سته‌به‌ری په‌یمانێكی باشتر.
23
كاهینه‌كان زۆربوون، چونكه‌ مه‌رگ بووه‌ كۆسپ له‌وه‌ی به‌رده‌وام بن.
24
به‌ڵام چونكه‌ عیسا هه‌تاهه‌تایه‌ ده‌مینێته‌وه‌، كاهینیێتییه‌كی نه‌گۆڕی هه‌یه‌.
25
له‌مه‌وه‌ش ده‌توانێ ئه‌وانه‌ به‌ ته‌واوی ڕزگار بكات كه‌ له‌ ڕێگه‌ی ئه‌وه‌وه‌ ده‌چنه‌ لای خودا، ئه‌و هه‌میشه‌ ده‌ژیێت تاكو داكۆكییان لێ بكات.
26
له‌ڕاستیدا ئه‌و جۆره‌ سه‌رۆك كاهینه‌ هه‌موو پێویستییه‌كانمان دابین ده‌كات، ئه‌و پیرۆز و بێ گله‌یی و بێگه‌رده‌، له‌ گوناهباران جیا كرایه‌وه‌ و له‌ ئاسمان به‌رزتر كرا.
27
ئه‌و پێویستی به‌وه‌ نییه‌ وه‌ك سه‌رۆك كاهینانی دیكه‌ ڕۆژانه‌ قوربانی بكات، یه‌كه‌م بۆ گوناهه‌كانی خۆی و دوایی بۆ گوناهه‌كانی گه‌له‌كه‌ی، چونكه‌ یه‌ك جار خۆی كرد به‌ قوربانی بۆ هه‌مووان.
28
ته‌ورات كه‌سانێك له‌ پێگه‌ی سه‌رۆك كاهین داده‌نێت كه‌ لاوازییان هه‌یه‌، به‌ڵام وشه‌ی سوێند كه‌ دوای ته‌وراته‌، كوڕه‌كه‌[h] داده‌نێت كه‌ هه‌تاهه‌تایه‌ ته‌واوكراوه‌.
  1. a. 7‏:1 بڕوانه‌ \+xt په‌یدابوون 14‏:17‏-20.‏\+xt*‏
  2. b. 7‏:8 كتێبی پیرۆز باسی مردنی ئه‌و ناكات، كه‌واته‌ زیندووه‌.
  3. c. 7‏:9 لێڤی كوڕی یاقوب بووه‌ سه‌رهۆزی كاهینه‌كان له‌ناو گه‌لی جوله‌كه‌.
  4. d. 7‏:11 ته‌واوی له‌ پیرۆزی و ڕاستودروستی خودا.
  5. e. 7‏:13 مه‌به‌ست ته‌نها له‌و قوربانگایه‌یه‌ كه‌ له‌ چادری په‌یمان له‌ سه‌رده‌می موسا و دوایی له‌ په‌رستگای ئۆرشه‌لیم بوو.
  6. f. 7‏:17 \+xt زه‌بووره‌كان 110‏:4‏\+xt*‏
  7. g. 7‏:21 \+xt زه‌بووره‌كان 110‏:4‏\+xt*‏
  8. h. 7‏:28 مه‌سیح