عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پۆڵس له‌ ئه‌فه‌سۆس 
1
له‌ كاتێكدا كه‌ ئه‌پۆلۆس له‌ كۆرنسۆس بوو، پۆڵس به‌ ڕێگاكانی ناوه‌وه‌ تێپه‌ڕی و هاته‌ ئه‌فه‌سۆس. له‌وێ چاوی به‌ هه‌ندێك قوتابی كه‌وت،
2
لێی پرسین: «كاتێك باوه‌ڕتان هێنا، ڕۆحی پیرۆزتان وه‌رگرت؟»
كه‌چی وه‌ڵامیان دایه‌وه‌: «نه‌خێر! ته‌نانه‌ت نه‌مانبیستووه‌ كه‌ ڕۆحی پیرۆز هه‌یه‌!»
3
گوتی: «كه‌واته‌ چ جۆره‌ له‌ ئاو هه‌ڵكێشانێكتان وه‌رگرتووه‌؟»
گوتیان: «به‌ له‌ئاوهه‌ڵكێشانه‌كه‌ی یه‌حیا.»
4
پۆڵس گوتی: «له‌ئاوهه‌ڵكێشانه‌كه‌ی یه‌حیا له‌ئاوهه‌ڵكێشانی تۆبه‌كردن بوو، به‌ خه‌ڵكی ده‌گوت باوه‌ڕ بهێنن به‌وه‌ی له‌دوای دێت، واته‌ به‌ عیسا.»
5
كاتێك ئه‌مه‌یان بیست به‌ ناوی عیسای خاوه‌ن شكۆ له‌ ئاو هه‌ڵكێشران.
6
جا پۆڵس ده‌ستی له‌سه‌ر دانان، ڕۆحی پیرۆز هاته‌ سه‌ریان، به‌ زمانی ڕۆحی دوان و پێشبینییان كرد.
7
به‌ هه‌موویان نزیكه‌ی دوازده‌ پیاو ده‌بوون.
8
ئینجا پۆڵس چووه‌ كه‌نیشت و بۆ زیاتر له‌ سێ مانگ ئازایانه‌ ده‌دوا، گفتوگۆی ده‌كرد و سه‌باره‌ت به‌ كاروباری شانشینی خودا قه‌ناعه‌تی به‌ خه‌ڵك ده‌هێنا.
9
به‌ڵام هه‌ندێك كه‌لله‌ڕه‌قییان كرد و باوه‌ڕیان نه‌هێنا، له‌به‌رده‌م خه‌ڵكه‌كه‌ جنێویان به‌ ڕێگاكه‌[a] دا. جا پۆڵس لێیان كشایه‌وه‌ و قوتابییه‌كانی برد، ڕۆژانه‌ له‌ قوتابخانه‌ی تیرانۆس گفتوگۆی ده‌كرد.
10
بۆ ماوه‌ی دوو ساڵ له‌سه‌ر ئه‌مه‌ به‌رده‌وام بوو، هه‌تا وای لێهات هه‌موو ئه‌وانه‌ی له‌ ئاسیادا دانیشتبوون، جوله‌كه‌ و یۆنانی، په‌یامی مه‌سیحی خاوه‌ن شكۆیان بیست.
11
خوداش په‌رجووی سه‌رسوڕهێنه‌ری به‌ ده‌ستی پۆڵس ئه‌نجام ده‌دا،
12
ته‌نانه‌ت ده‌سته‌سڕ و ئه‌و به‌روانكانه‌شی كه‌ به‌ر له‌شی پۆڵس كه‌وتبوون، ده‌هێنا و ده‌یانخسته‌ سه‌ر نه‌خۆش و نه‌خۆشی نه‌ده‌ما، ڕۆحه‌ پیسه‌كانیش ده‌رده‌چوون.
كوڕانی سكاوا 
13
هه‌ندێك له‌و جوله‌كه‌ گه‌ڕۆكانه‌ی ڕۆحی پیسیان ده‌رده‌كرد، هه‌وڵیان دا ناوی عیسای خاوه‌ن شكۆ بۆ ئه‌وانه‌ به‌كاربهێنن كه‌ ڕۆحی پیسیان تێدایه‌، ده‌یانگوت: «به‌ ناوی عیسا، ئه‌وه‌ی پۆڵس ڕایده‌گه‌ێنێت، فه‌رمانت پێ ده‌كه‌م، ده‌ربچیت.»
14
سكاوا كه‌ كاهینێكی باڵای جوله‌كه‌ بوو، حه‌وت كوڕی ئه‌م كاره‌یان ده‌كرد.
15
ڕۆحه‌ پیسه‌كه‌ش وه‌ڵامی دانه‌وه‌: «عیسا ده‌ناسم و ده‌رباره‌ی پۆڵسیش ده‌زانم، به‌ڵام ئێوه‌ كێن؟»
16
ئینجا پیاوه‌كه‌ی ڕۆحه‌ پیسه‌كه‌ی تێدابوو په‌لاماری دان و به‌سه‌ر هه‌موویاندا زاڵبوو، ده‌ره‌قه‌تیان هات، ته‌نانه‌ت به‌ ڕووتی و بریندارییه‌وه‌ له‌و ماڵه‌ ڕایانكرد.
17
كاتێك ئه‌و جوله‌كه‌ و یۆنانییانه‌ی كه‌ له‌ ئه‌فه‌سۆس ده‌ژیان به‌مه‌یان زانی، هه‌موو ترس دایگرتن و ناوی عیسای خاوه‌ن شكۆ به‌رزبووه‌وه‌.
18
هه‌روه‌ها زۆر له‌وانه‌ی باوه‌ڕیان هێنا، ده‌هاتن و به‌ ئاشكرا دانیان به‌ كرده‌وه‌كانیان ده‌نا.
19
ژماره‌یه‌ك له‌وانه‌ی خه‌ریكی جادووگه‌ریێتی بوون، په‌ڕتووكه‌كانیان كۆده‌كرده‌وه‌ و له‌به‌رده‌م هه‌موواندا ده‌یانسووتاندن. نرخه‌كانیان ژمارد، بینییان په‌نجا هه‌زار پارچه‌ زیوه‌[b] .
20
به‌م شێوه‌یه‌ په‌یامی مه‌سیحی خاوه‌ن شكۆ به‌ تواناوه‌ گه‌شه‌ی ده‌كرد و به‌هێز ده‌بوو.
شڵه‌ژانێكی ترسناك له‌ ئه‌فه‌سۆس 
21
له‌دوای ئه‌وه‌ی ئه‌م شتانه‌ ڕوویاندا، پۆڵس بڕیاری دا به‌ مه‌كدۆنیا و ئه‌خایادا تێبپه‌ڕێت و بچێته‌ ئۆرشه‌لیم، گوتی: «پاش ئه‌وه‌ی له‌وێ ده‌بم، ده‌بێت ڕۆماش ببینم.»
22
ئینجا پۆڵس دووان له‌ یاریده‌ده‌ره‌كانی نارد بۆ مه‌كدۆنیا كه‌ تیمۆساوس‏ و ئه‌راستۆس بوون، خۆشی ماوه‌یه‌ك له‌‏ هه‌رێمی ئاسیا مایه‌وه‌.
23
له‌و كاته‌دا له‌به‌ر ڕێگاكه‌[c] ئاژاوه‌یه‌كی گه‌وره‌ سه‌ریهه‌ڵدا.
24
زیوگه‌رێك به‌ ناوی دیمیتریۆس كه‌ په‌رستگای بچووكی زیوینی ئه‌رته‌میسی دروستده‌كرد. ئه‌مه‌ قازانجێكی باشی هه‌بوو بۆ پیشه‌وه‌ران.
25
ئیتر كرێكاره‌كانی خۆی و هاوپیشه‌كانی كۆكرده‌وه‌ و گوتی: «كوڕینه‌، هه‌روه‌ك ده‌زانن له‌م پیشه‌یه‌وه‌ داهاتێكی باشمان ده‌ستده‌كه‌وێت،
26
بینیوتانه‌ و بیستووتانه‌ كه‌ نه‌ك ته‌نها له‌ ئه‌فه‌سۆس، بگره‌ له‌ هه‌موو ئاسیا، ئه‌م پۆڵسه‌ قه‌ناعه‌تی به‌ خه‌ڵكێكی زۆر هێناوه‌ و له‌ڕێ لایداون، ده‌ڵێت ئه‌وانه‌ی ده‌ستكردن خودا نین.
27
نه‌ك ته‌نها ئیشه‌كه‌مان ده‌كه‌وێته‌ مه‌ترسییه‌وه‌ به‌ڵكو په‌رستگاكه‌ی ئه‌رته‌میسی خواژنی گه‌وره‌ش هیچ به‌هایه‌كی نامێنێت، ئه‌وه‌ی هه‌موو ئاسیا و جیهان ده‌یپه‌رستن پایه‌به‌رزییه‌كه‌ی له‌ده‌ست بدات.»
28
كاتێك گوێیان لێبوو تووڕه‌ بوون و هاواریان ده‌كرد: «پایه‌ به‌رزه‌ ئه‌رته‌میسی ئه‌فه‌سۆسییه‌كان!»
29
ئه‌م شڵه‌ژانه‌ هه‌موو شاره‌كه‌ی گرته‌وه‌، خه‌ڵكه‌كه‌ گایۆس و ئه‌ریستارخۆسی مه‌كدۆنییان ڕاكێشایه‌ ناو گۆڕه‌پانی شانۆی شار، كه‌ هاوڕێی پۆڵس بوون له‌ گه‌شته‌كه‌یدا.
30
پۆڵس ویستی بچێته‌ ناو خه‌ڵكه‌كه‌، به‌ڵام قوتابییه‌كان نه‌یانهێشت.
31
هه‌روه‌ها هه‌ندێك گه‌وره‌ پیاوی ئاسیا كه‌ دۆستی بوون، ناردیانه‌ لای و لێی پاڕانه‌وه‌ كه‌ نه‌چێته‌ شانۆكه‌.
32
ئیتر هه‌ندێك هاواری شتێكیان ده‌كرد و هه‌ندێك شتێكی دیكه‌، چونكه‌ كۆڕه‌كه‌[d] شێوا بوو، زۆربه‌شیان نه‌یانده‌زانی بۆچی كۆبوونه‌ته‌وه‌.
33
ئینجا ئه‌سكه‌نده‌ریان له‌ناو خه‌ڵكه‌كه‌وه‌ ڕاكێشا، جوله‌كه‌ش بۆ پێشه‌وه‌ پاڵیان پێوه‌ ده‌نا، ئه‌سكه‌نده‌ریش ده‌ستی به‌رزكرده‌وه‌ ده‌یویست له‌به‌رده‌م خه‌ڵكه‌كه‌ به‌رگری له‌ خۆی بكات.
34
به‌ڵام كه‌ زانییان جوله‌كه‌یه‌، نزیكه‌ی دوو كاتژمێر هه‌موویان به‌یه‌كه‌وه‌ هاواریان ده‌كرد: «پایه‌ به‌رزه‌ ئه‌رته‌میسی ئه‌فه‌سۆسییه‌كان!»
35
ئینجا فه‌رمانڕه‌وای شاره‌كه‌ خه‌ڵكه‌كه‌ی هێمن كرده‌وه‌ و گوتی: «پیاوانی ئه‌فه‌سۆس، كێ هه‌یه‌ نه‌زانێت كه‌ شاری ئه‌فه‌سۆسییه‌كان پاسه‌وانی په‌رستگای ئه‌رته‌میسی گه‌وره‌ و ئه‌و په‌یكه‌ره‌یه‌ كه‌ له‌ ئاسمانه‌وه‌ كه‌وته‌ خواره‌وه‌؟
36
بۆیه‌ كه‌ ئه‌مانه‌ نكۆڵییان لێ ناكرێت، پێویسته‌ هێمن بنه‌وه‌ و شتێك به‌ سه‌ره‌ڕۆیی نه‌كه‌ن.
37
ئێوه‌ ئه‌م دوو پیاوه‌تان هێناوه‌، كه‌ نه‌ په‌رستگایان بڕیوه‌ نه‌ كفریان سه‌باره‌ت به‌ خواژنه‌كه‌مان كردووه‌.
38
به‌ڵام ئه‌گه‌ر دیمیتریۆس و پیشه‌وه‌ره‌كانی له‌گه‌ڵ ئه‌ون سكاڵایان له‌ كه‌سێك هه‌یه‌، ئه‌وا دادگاكان كراونه‌ته‌وه‌ و دادوه‌ر هه‌یه‌، با سكاڵا له‌ یه‌كتری بكه‌ن.
39
ئه‌گه‌ر داوای شتێكی دیكه‌ش ده‌كه‌ن، ئه‌وا له‌ كۆڕی یاساییدا سه‌یر ده‌كرێت.
40
له‌ ڕاستیدا له‌ مه‌ترسیداین به‌وه‌ی كه‌ تاوانبار بكرێن به‌ ئاژاوه‌نانه‌وه‌، له‌به‌ر ئه‌وه‌ی ئه‌مڕۆ، هیچ پاساوێكمان نییه‌ بۆ پاكانه‌ی ئه‌م كۆبوونه‌وه‌یه‌.»
41
كه‌ ئه‌م شتانه‌ی گوت، كۆمه‌ڵه‌كه‌ی[e] بڵاوه‌ پێكرد.
  1. a. 19‏:9 ڕێگای پاشایه‌تی عیسا، بڕوانه‌ \+xt كردار 24‏:14‏\+xt*‏.
  2. b. 19‏:19 هه‌ر پارچه‌ زیوێك نزیكه‌ی ڕۆژانه‌ی كرێكارێك بووه‌.
  3. c. 19‏:23 ڕێگای پاشایه‌تی عیسا، بڕوانه‌ \+xt كردار 24‏:14‏\+xt*‏.
  4. d. 19‏:32 یۆنانی: \+tl ئێكلێسیا\+tl*: كڵێسا.
  5. e. 19‏:41 یۆنانی: \+tl ئێكلێسیا\+tl*: كڵێسا.