عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
پاشایەتیا هزار ساڵی 
1
پشتی هنگی من فریشتەیەك دیت، ژ ئەسمانی دهاتە خوارێ و كلیلا چاڵا بێ بن و زنجیرەكا مەزن د دەستێ وی دا بوون.
2
ئەوی ئەژدەها، ئانكو مارێ كەڤنار، كو ئبلیسە و ساتانە[a] ، گرت و بۆ هزار ساڵان گرێ دا[b]
3
و هاڤێتە د چاڵا بێ بن دا و دەرگەهێ وێ ل سەر وی گرت و موهر كر، دا ئەو ئێدی مللەتان نە خاپینیت، تاكو هزار ساڵ تەمام ببن. پشتی ڤان تشتان، پێدڤیە ئەو بۆ دەمەكێ كورت بهێتە بەردان.
4
پاشی من تەخت و یێن ل سەر روینشتی دیتن، ئەوێن دەستهەلاتا دادكرنێ بۆ وان هاتبوو دان. هەروەسا من گیانێن وان دیتن یێن ژ پێخەمەت شاهدەییێ بۆ عیسای و بۆ پەیڤا خودێ هاتینە ڤەكوشتن، ئەوێن سوجدە بۆ دڕندەی و وێنەیێ وی نەبری و نیشانا وی ل سەر ئەنیا خۆ و دەستێ خۆ قەبیل نەكری. ئەو زیندی بوونەڤە و بۆ هزار ساڵان ل گەل مەسیحی پاشایەتی كر.
5
(ئەو مریێن ماین، زیندی نەبوونەڤە تاكو ئەو هزار ساڵ تەمام بووین.) ئەڤە رابوونا مریان یا ئێكێیە.
6
چەند یێ بەختەوەر و پیرۆزە ئەوێ بەهر د رابوونا مریان یا ئێكێ دا هەی. مرنا دوویێ دەستهەلات ل سەر وان نینە، لێ ئەو دێ بنە كاهنێن خودێ و مەسیحی و دێ ل گەل وی بۆ هزار ساڵان پاشایەتیێ كەن.
كەفتنا ئبلیسی یا دویماهیێ 
7
دەمێ هزار ساڵ تەمام دبن، ئبلیس دێ ژ زیندانا وی هێتە بەردان.
8
ئەو دێ دەركەڤیت دا مللەتێن ل هەر چوار كوژیێن ئەردی، ئانكو گۆگ و ماگۆگ، بخاپینیت، دا وان بۆ جەنگێ كۆم بكەت. ژمارەیا وان وەكو خیزێ دەریایە.[c]
9
ئەو ل سەر هەمی ئەردی بەڵاڤ بوون و سەربازگەها پیرۆزكریان و باژێڕێ خۆشتڤی دۆرپێچ كر. لێ ئاگر ژ ئەسمانی هاتە خوارێ و ئەو خوارن
10
و ئەو ئبلیسێ ئەو خاپاندین، بۆ ناڤ دەریاكا ئاگری و كپریتێ هاتە هاڤێتن، وی جهێ دڕندە و پێغەمبەرێ درەوین تێدا. ئەو دێ ب شەڤ و رۆژ، بۆ هەتا هەتایێ هێنە ئەشكەنجە دان.
دادكرنا دویماهیێ 
11
پشتی هنگی من تەختەكێ مەزن یێ سپی دیت و ئەوێ ل سەر روینشتی ژی، یێ كو ئەرد و ئەسمان ژ بەر رویێ وی رەڤین و جهەك بۆ وان نەبوو.
12
پاشی من مری دیتن، یێن مەزن و یێن بچویك، ل بەرامبەری تەختی د راوەستیای بوون و پەرتووك ڤەبوون. پەرتووكەكا دی ژی ڤەبوو، كو پەرتووكا ژیانێ بوو. مری ب تشتێن نڤیسی د پەرتووكان دا، ل دویڤ كریارێن وان، هاتنە دادكرن.[d]
13
دەریایێ مریێن د ناڤ خۆ دا رادەست كرن و مرنێ و وارێ مریان[e] ژی مریێن د ناڤ خۆ دا رادەست كرن. هەر ئێك ل دویڤ كریارێن خۆ هاتە دادكرن.[f]
14
پشتی هنگی مرن و وارێ مریان بۆ دەریاكا ئاگری هاتنە هاڤێتن. ئەڤ دەریاكا ئاگری مرنا دوویێیە.
15
ئەگەر ئێكی ناڤێ وی نەهاتە دیتن كو د پەرتووكا ژیانێ دا یێ نڤیسیە، ئەو بۆ دەریاكا ئاگری هاتە هاڤێتن.
  1. a. 20‏:2 پەیڤەكا عیبرانیە رامانا دژبەر یان بەرهنگار ددەت. ل فەرهەنگۆكێ بنێڕە پەیڤا \k ئبلیس\k*
  2. b. ‏20‏:2 دەستپێكرن پشكا 3
  3. c. ‏20‏:8 حزقیێل ‏38‏:1‏-6
  4. d. ‏20‏:12 دانیێل ‏7‏:10
  5. e. 20‏:13 ل فەرهەنگۆكێ بنێڕە
  6. f. ‏20‏:13 زەبوور ‏62‏:12