عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- دلخۆشی ل ئەسمانی
- 1
- پشتی ڤان تشتان، من دەنگەك بهیست وەكو دەنگەكێ بلند یێ جەماوەرەكێ مەزن ل ئەسمانی بوو، دگۆت:
«هەلێلوویا[a] !
قورتالبوون و مەزناهی و هێز یێن خودایێ مەنە، - 2
- چنكو حوكمێن وی د راست و دادپەروەرن.
ژ بەر كو وی لەشفرۆشا مەزن سزا دا،
ئەوا ب دەهمەنپیسیا خۆ ئەرد گەنی كری،
هەروەسا وی تۆلا خوینا بەنیێن خۆ ژێ ڤەكر.»[b] - 3
- جارەكا دی وان گۆت:
«هەلێلوویا!
دویكێلا وێ هەروهەر بلند دبیت.»[c] - 4
- هەر بیست و چوار ریهسپی و هەر چوار ئافراندیێن زیندی خۆ هاڤێتە ئەردی و بۆ خودایێ روینشتی ل سەر تەختی سوجدە بر و گۆت:
«ئامین! هەلێلوویا!» - 5
- هنگی دەنگەك ژ تەختی هات و گۆت:
«پەسنا[d] خودایێ مە بكەن، هەی هەمی بەنیێن وی،
ئەوێن ژ وی دترسن، ژ مەزن و بچویكان.»[e] - 6
- پاشی من دەنگەك بهیست، وەكو دەنگێ جەماوەرەكێ مەزن و وەكو دەنگێ گەلەك ئاڤان و وەكو دەنگێ گڕگڕێن بهێز یێن عەوران بوو، دگۆت:
«هەلێلوویا!
چنكو خودان خودایێ مە، هێزدارێ هەر تشتی، پاشایەتیێ دكەت.[f] - 7
- بلا ئەم دلخۆش و دلشاد ببین
و مەزناهیێ بدەینێ!
چنكو داوەتا بەرخی هات
و بویكا وی خۆ ئامادە كریە. - 8
- دەستهەلات بۆ وێ هاتە دان
كو كتانەكێ نازك یێ شەوقدار و پاقژ بكەتە بەر خۆ.»
ئەو كتانێ نازك كارێن راستدار یێن پیرۆزكریانە.[g] - 9
- پاشی فریشتەی گۆتە من: «بنڤیسە: ‹خوزیكێن وان یێن بۆ مێڤانداریا داوەتا بەرخی هاتینە داخواز كرن!›» و گۆتە من: «ئەو پەیڤێن خودێ یێن راستن.»[h]
- 10
- ئینا من خۆ هاڤێتە بەر پێیێن وی، دا سوجدێ بۆ ببەم، لێ وی گۆتە من: «وە نەكە! ئەز بەنیمە ل گەل تە و برایێن تە یێن شاهدەییێ بۆ عیسایێ مەسیح ددەن. سوجدێ بۆ خودێ ببە! چنكو شاهدەیی بۆ عیسای كاكلكا پەیاما خودێیە[i] .»
- سیارێ هەسپێ سپی
- 11
- پشتی هنگی من بەرێ خۆ دایێ ئەسمان ڤەبوو و ئەڤە هەسپەكێ سپی یێ ل وێرێ! سیارێ وی ب ‹دلسۆز› و ‹یێ راست› دهێتە بناڤكرن و ئەو ب دادپەروەری حوكمی دكەت و دجەنگیت.
- 12
- چاڤێن وی وەكو گوڕیا ئاگرینە و گەلەك تانج ل سەر سەرێ وینە. وی ناڤەكێ نڤیسای یێ هەی، كەس وی ناڤی نزانیت ژبلی وی.
- 13
- ب كوركەكێ د خوینێ هەلاندی یێ راپێچای بوو و ب ‹پەیڤا خودێ› هاتیە بناڤكرن.[j]
- 14
- لەشكەرێن ل ئەسمانی یێن راپێچای ب كتانێ نازك یێ سپی و پاقژ ل سەر هەسپێن سپی ب دویڤ وی دكەفتن.
- 15
- ژ دەڤێ وی شیرەكێ تیژ دەردكەڤیت، دا ب وی ل مللەتان بدەت و ‹ئەو دێ ب گۆپالەكێ ئاسنی حوكمداریێ ل سەر وان كەت.›[k] ئەو ب خۆ دێ ئویسلەیا شەرابا تۆڕەبوونا خودێ یا دژوار، هێزدارێ هەر تشتی، ب پێیان گڤێشیت.
- 16
- ل سەر كوركێ وی و ل سەر رانێ وی ناڤەك یێ نڤیسای بوو: ‹پاشایێ پاشایان و خودانێ خودانان.›
- 17
- پشتی هنگی من فریشتەیەك دیت د چاڤێ رۆژێ دا یێ راوەستیای بوو، ب دەنگەكێ بلند كرە گازی و گۆتە هەمی باڵندەیێن د ناڤەڕاستا ئەسمانی دا دفڕن: «وەرن، ل سەر سفرا مەزن یا خودێ كۆم ببن،
- 18
- دا گۆشتێ پاشایان، گۆشتێ فەرماندەیان، گۆشتێ هێزداران، گۆشتێ هەسپان و سیارێن وان و گۆشتێ هەمیان، یێن ئازاد و یێن بەنی، یێن بچویك و یێن مەزن، بخۆن!»[l]
- 19
- پاشی من دیت، دڕندە و پاشایێن ئەردی و لەشكەرێن وان كۆم ببوون، دا ل دژی سیارێ هەسپی و لەشكەرێ وی بجەنگن.
- 20
- ئینا دڕندە و پێغەمبەرێ درەوین ل گەل وی هاتنە گرتن، ئەو پێغەمبەرێ درەوین یێ ژ پێش دڕندەی ڤە نیشانێن حنێرانە دكرن و ب رێكا وان نیشانان ئەو خاپاندن یێن نیشانا دڕندەی قەبیل كری و یێن سوجدە بۆ وێنەیێ وی بری. دڕندە و پێغەمبەرێ درەوین هەردوو ب ساخی بۆ دەریاكا ئاگری یا ب كپریتێ هەل هاتنە هاڤێتن.
- 21
- یێن ماین ب شیرێ ژ دەڤێ سیارێ هەسپی دەردكەفت هاتنە كوشتن و هەمی باڵندە ژ گۆشتێ وان تێر بوون.
- a. 19:1
q هەلێلوویا: پەیڤەكا عیبرانیە مەبەستا وێ ‹پەسن بۆ ناڤێ خودێ›. - b. 19:2 زەبوور 19:9؛ 119:37؛ گۆتارا مووسای 32:43؛ زەبوور 79:10
- c. 19:3 ئیشایا 34:10
- d. 19:5
q پەسن: مەدح و سەنا - e. 19:5 زەبوور 22:23؛ 134:1؛ 115:13
- f. 19:6 دەركەفتن 15:18؛ زەبوور 22:28؛ دانیێل 7:14
- g. 19:8 ئیشایا 61:10
- h. 19:9 مەتتا 22:2-14
- i. 19:10 دەق و دەق: ‹شاهدەیی بۆ عیسای گیانێ پێغەمبەراتیێیە.›
- j. 19:13 یوحەننا 1:1
- k. 19:15 زەبوور 2:9
- l. 19:17-18 حزقیێل 39:17-20
