عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.
KLA©
مافێ چاپێ یێ پاراستییە
مافێ چاپێ یێ پاراستییە
په‌رتوکا پیرۆز
- كەفتنا بابلێ
- 1
- پشتی ڤان تشتان، من فریشتەیەكێ دی دیت، ژ ئەسمانی هاتە خوارێ. وی دەستهەلاتەكا مەزن هەبوو و ئەرد ژ بەر مەزناهیا وی روهن بوو.
- 2
- وی ب دەنگەكێ بلند كرە گازی و گۆت:
«كەفت! بابلا مەزن كەفت!
یا بوویە جهێ ئاكنجیبوونا ئەجنان
و جهێ خۆجهبوونا هەمی گیانێن پیس،
جهێ خۆجهبوونا هەمی باڵندەیێن پیس و مرار.[a] - 3
- چنكو هەمی مللەتان
ژ شەرابا هار یا دەهمەنپیسیا وێ ڤەخوار
و پاشایێن ئەردی دەهمەنپیسی ل گەل وێ كریە
و بازرگانێن ئەردی ژ زێدەییا حالخۆشیا وێ دەولەمەند بوون.»[b] - 4
- پشتی هنگی من دەنگەكێ دی ژ ئەسمانی بهیست، دگۆت:
«ژ وێ دەركەڤن، هەی گەلێ من،
دا نەبنە پشكدارێن گونەهێن وێ
و دربێن دهێنە وێ، ژ هەوە نەگرن.[c] - 5
- چنكو گونەهێن وێ كەفتنە سەر ئێك تا ئەسمانی
و خودێ خرابیێن وێ ئینانە بیرا خۆ.[d] - 6
- كا وێ چ ل كەسێن دی كریە، هوین ژی وەسا ل وێ بكەن
و دووجاركی ل دویڤ كریارێن وێ بدەنێ؛
د وێ پەرداغێ دا یا وێ تێكهەل كری، دووجاركی بۆ وێ تێكهەل بكەن.[e] - 7
- كا چەند خۆ مەزن كریە و ب حالخۆشی ژیایە،
هند ئەشكەنجە و كۆڤانان بدەنێ،
چنكو د دلێ خۆ دا دبێژیت:
‹ئەز وەكو شاژنێ روینشتیمە،
ئەز نە بیژنم ژی،
ئەز ئێكجار كۆڤانداریێ نابینم.› - 8
- لەوما دربێن وێ دێ د رۆژەكێ دا هێن،
دەرد و كۆڤانداری و كولب،
ئەو دێ ب ئاگری هێتە سۆتن ژی،
چنكو خودان خودایێ دادكرنا وێ دكەت یێ هێزدارە.»[f] - 9
- دەمێ پاشایێن ئەردی یێن دەهمەنپیسی ل گەل وێ كرین و ب حالخۆشی ل گەل وێ ژیاین، دویكێلا سۆتنا وێ دبینن، دێ بۆ وێ كەنە گری و شینیێ دانن.
- 10
- ژ ترسا ئەشكەنجەیا ب وێ دكەڤیت، دێ ل دویر راوەستن و بێژن:
«ئاخ، ئاخ، هەی باژێڕێ مەزن!
بابل، باژێڕێ هێزدار!
سزادانا تە د دەمەكێ گەلەك كورت دا هات.»[g] - 11
- بازرگانێن ئەردی ل سەر وێ دكەنە گری و شینیێ ددانن، چنكو ئێدی كەس متایێن وان ناكڕیت:
- 12
- متایێن زێڕ، زیڤ، بەرێن بهاگران، مراری، كتانێ نازك، پەڕوكێ بنەفشی، ئارمیش و پەڕوكێ سۆر، هەمی دارێن بێهنخۆش، هەمی تشتێن ژ عاجی هاتینە چێكرن، هەمی تشتێن ژ دارێن بهاگران هاتینە چێكرن، برۆنز، ئاسن، مەرمەر،
- 13
- دارچین، بوهارات، بخویر، موڕ[h] ، لبان[i] ، شەراب، زەیتا زەیتوونان، ئارێ سفر، گەنم، دەوار، پەز، هەسپ، گالیسكە و مرۆڤێن وەكو بەنی دهێنە فرۆتن.
- 14
- ئەو بازرگان دبێژن: «ئەو بەرهەمێ دلێ تە چوویێ ژ تە دەركەفت و هەمی حالخۆشی و رەونەقیێن تە ل نك تە نەمان و ئێدی چ جاران ناهێنە دیتن.»
- 15
- بازرگانێن ڤان تشتان، ئەوێن ژ بابلێ دەولەمەند بووین، ژ ترسا ئەشكەنجەیا ب وێ دكەڤیت، دێ ل دویر راوەستن و كەنە گری و شینیێ دانن
- 16
- و بێژن:
«ئاخ، ئاخ، هەی باژێڕێ مەزن!
یێ كتانێ نازك و پەڕوكێ بنەفشی و سۆر كریە بەر خۆ
و ب زێڕی و بەرێن بهاگران و مراریان خۆ خەملاندی![j] - 17
- د دەمەكێ گەلەك كورت دا ئەڤ دەولەمەندیا مەزن وێران بوو!»
هەمی سەرۆكێن گەمیڤانان و هەمی رێڤنگ و گەمیڤان و هەر ئێكێ ژیارا خۆ ژ دەریایێ پەیدا دكەت ژ دویر ڤە راوەستیان - 18
- و دەمێ دویكێلا سۆتنا وێ ددیت دكرنە گازی و دگۆت: «كیژان باژێڕ وەكو ڤی باژێڕێ مەزن بوو!»
- 19
- وان خولی[k] ب سەرێ خۆ وەركر و ب دەنگەكێ بلند كرە گری و شینی دانا، دگۆت:
«ئاخ، ئاخ، هەی باژێڕێ مەزن!
ئەوا ژ دەولەمەندیا وێ، هەمی ئەوێن گەمی د دەریایێ دا هەین، دەولەمەند بووین!
د دەمەكێ گەلەك كورت دا ئەو وێران بوو.»[l] - 20
- هەی ئەسمان ژ بەر وی باژێڕی دلخۆش ببە!
هەروەسا هوین ژی گەلی پیرۆزكریان و هنارتیان و پێغەمبەران!
چنكو خودێ تۆلا هەوە ژ وێ ڤەكر. - 21
- هنگی فریشتەیەكێ هێزدار بەرەكێ وەكو بەرئاشەكێ مەزن راكر و هاڤێتە د دەریایێ دا و گۆت:
«هۆسا بابل، باژێڕێ مەزن، دێ ب توندی هێتە هاڤێتن
و ئێدی چ جاران ناهێتە دیتن.[m] - 22
- ئێدی دەنگێ قیسارەژەنان و موزیكژەنان و بلوورڤانان و لێدەرێن بۆڕیزانان،
چ جاران د ناڤ تە دا ناهێتە بهیستن.
ئێدی پیشەسازێ هەر پیشەسازیەكێ ژی،
چ جاران د ناڤ تە دا ناهێتە دیتن.
ئێدی دەنگێ ئاشی ژی،
چ جاران د ناڤ تە دا ناهێتە بهیستن.[n] - 23
- ئێدی رۆناهیا چرایەكێ ژی،
چ جاران د ناڤ تە دا شەوقێ نادەت.
ئێدی دەنگێ زاڤا و بویكەكێ ژی،
چ جاران د ناڤ تە دا ناهێتە بهیستن.[o]
بازرگانێن تە مەزنێن ئەردی بوون
و ب جادووگەریا تە هەمی مللەت هاتنە خاپاندن. - 24
- د ناڤ وێ دا، خوینا پێغەمبەر و پیرۆزكری
و هەمیێن ل سەر ئەردی هاتینە كوشتن، هاتیە دیتن.»
- a. 18:2 ئیشایا 21:9؛ 13:21؛ یەرمیا 50:39
- b. 18:3 ئیشایا 23:17؛ یەرمیا 51:7
- c. 18:4 ئیشایا 52:11؛ یەرمیا 50:8؛ 51:6
- d. 18:5 دەستپێكرن 18:20-21؛ یەرمیا 51:9
- e. 18:6 زەبوور 137:8؛ یەرمیا 50:15
- f. 18:7-8 ئیشایا 47:7-9
- g. 18:10 حزقیێل 26:17
- h. 18:13
q موڕ: روینەكێ بێهنخۆشە. ل فەرهەنگۆكێ بنێڕە. - i. 18:13 لبان: جۆرەكێ تایبەت یێ بخویرێیە. ل فەرهەنگۆكێ بنێڕە.
- j. 18:16 حزقیێل 28:13
- k. 18:19 دەق و دەق: ‹تۆز ب سەرێ خۆ وەركر.›
- l. 18:17-19 حزقیێل 27:27-34
- m. 18:21 یەرمیا 51:63-64؛ حزقیێل 26:21
- n. 18:22 ئیشایا 24:8؛ حزقیێل 26:13
- o. 18:23 یەرمیا 25:10
