عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دڵسۆزی خودا 
1
كه‌واته‌، جوله‌كه‌كان چییان له‌ نه‌ته‌وه‌كانی دیكه‌ زیاتره‌؟ یان سوودی خه‌ته‌نه‌كردن چییه‌؟
2
زۆر شتیان له‌ نه‌ته‌وه‌كانی دیكه‌ زیاتره‌! پێش هه‌موو شتێك، وشه‌كانی خودایان پێ سپێردرا.
3
كه‌واته‌ چی ده‌بێت ئه‌گه‌ر هاتوو هه‌ندێكیان بێباوه‌ڕ بوون؟ ئایا دڵسۆز نه‌بوونیان دڵسۆزی خودا پووچه‌ڵ ده‌كاته‌وه‌؟
4
نه‌خێر! به‌ڵكو با خودا ڕاستگۆ بێت و هه‌موو مرۆڤ درۆزن. وه‌ك نووسراوه‌:
{تاكو له‌ قسه‌كانت ڕاست بیت و
سه‌ركه‌وتوو بیت له‌ حوكمه‌كانت.}[a]
5
به‌ڵام ئه‌گه‌ر ناڕه‌واییمان ڕه‌وایی خودا ده‌رده‌خات، چی بڵێین؟ ئایا خودا ناڕه‌وایه‌ كه‌ تووڕه‌یی ده‌هێنێت؟ (وه‌ك مرۆڤ قسه‌ ده‌كه‌م.)
6
نه‌خێر! ئه‌گینا چۆن خودا جیهان حوكم ده‌دات؟
7
له‌وانه‌یه‌ یه‌كێك بڵێ: «ئه‌گه‌ر درۆی من ڕاستی خودا بۆ شكۆی ئه‌و زیاتر بكات، بۆچی من هێشتا وه‌ك گوناهبارێك تاوانبار ده‌كرێم؟»
8
وه‌ك هه‌ندێك بوختان به‌ ده‌ممانه‌وه‌ هه‌ڵده‌به‌ستن، ده‌ڵێن: «با خراپه‌ بكه‌ین تاكو چاكه‌ی به‌دواوه‌ بێت.» ئه‌وانه‌ تاوانباركردنیان دادپه‌روه‌رانه‌یه‌.
هیچ مرۆڤێك بێ گوناه نییه‌ 
9
كه‌واته‌ چی بڵێین؟ ئایا ئێمه‌ی جوله‌كه‌ له‌ خه‌ڵكانی تر باشترین؟ نه‌خێر، چونكه‌ ئێمه‌ جوله‌كه‌ و ناجوله‌كه‌مان تۆمه‌تبار كرد كه‌ هه‌ردووكیان له‌ژێر ده‌سه‌ڵاتی گوناهن،
10
وه‌ك نووسراوه‌:
{كه‌س بێتاوان نییه‌، ته‌نانه‌ت یه‌ك كه‌سیش،
11
كه‌س نییه‌ تێبگات،
كه‌س نییه‌ به‌دوای خودا بگه‌ڕێت.
12
هه‌موو ڕوویان وه‌رگێڕا و
تێكڕا بێ سوود بوون.
كه‌س نییه‌ چاكه‌ بكات،
ته‌نانه‌ت یه‌كێكیش نییه‌.}[b]
13
{قوڕگیان گۆڕێكی كراوه‌یه‌،
به‌ زمانیان فێڵبازی ده‌كه‌ن.}[c]
{ژه‌هری تیره‌مار له‌ژێر لێویانه‌.}[d]
14
{ده‌میان پڕه‌ له‌ نه‌فره‌ت و تاڵاو.}[e]
15
{پێیان خێرایه‌ بۆ خوێنڕشتن،
16
وێرانی و ده‌رده‌سه‌ری له‌سه‌ر ڕێگایانه‌
17
ڕێگای ئاشتی پێنازانن.}[f]
18
{ترسی خودایان له‌به‌رچاو نییه‌.}[g]
19
ئێستا ده‌زانین هه‌رچی شه‌ریعه‌ت ده‌یڵێت، به‌وانه‌ی ده‌ڵێت كه‌ له‌ژێر سایه‌ی شه‌ریعه‌تدان، تاكو هه‌موو ده‌مێك دابخرێت و هه‌موو جیهان بكه‌وێته‌ ژێر لێپرسینه‌وه‌ی خودا.
20
به‌ كرداری شه‌ریعه‌ت كه‌س له‌لای خودا بێتاوان نابێت، به‌ڵكو گوناه له‌ ڕێگه‌ی شه‌ریعه‌ته‌وه‌[h] ده‌ناسرێت.
بێتاوانكردن به‌ باوه‌ڕ 
21
به‌ڵام ئێستا به‌بێ شه‌ریعه‌ت بێتاوانكردن له‌لایه‌ن خوداوه‌ ئاشكرا كرا، ته‌ورات و پێغه‌مبه‌رانیش شایه‌تی بۆ ده‌ده‌ن.
22
ئه‌م بێتاوانكردنه‌ له‌ خوداوه‌یه‌ له‌ ڕێگه‌ی باوه‌ڕ به‌ عیسای مه‌سیح، بۆ هه‌موو ئه‌وانه‌یه‌ كه‌ باوه‌ڕ ده‌هێنن، به‌بێ جیاوازی،
23
له‌به‌ر ئه‌وه‌ی هه‌موو گوناهیان كرد و له‌ شكۆی خودا كه‌وتن و
24
به‌خۆڕایی به‌ نیعمه‌تی ئه‌و بێتاوان كران، به‌و كڕینه‌وه‌یه‌ی[i] كه‌ له‌ ڕێگه‌ی عیسای مه‌سیحه‌وه‌ هه‌یه‌.
25
خودا مه‌سیحی وه‌ك كه‌فاره‌ت[j] پێشكه‌شی كرد، ئه‌گه‌ر باوه‌ڕ به‌ خوێنی ئه‌و بهێنین. ئه‌مه‌ی بۆ ده‌رخستنی دادپه‌روه‌رییه‌كه‌ی خۆی كرد، بۆ چاوپۆشی كردن له‌ گوناهه‌كانی ڕابردوو، به‌ پشوودرێژیی خودا،
26
هه‌روه‌ها بۆ ده‌رخستنی دادپه‌روه‌رییه‌كه‌ی له‌ كاتی ئێستادا، تاكو دادپه‌روه‌ر بێت و ئه‌وانه‌ بێتاوان بكات كه‌ باوه‌ڕیان به‌ عیسایه‌.
27
بۆیه‌ له‌خۆباییبوون له‌كوێیه‌؟ نه‌ماوه‌. به‌پێی چ بنه‌مایه‌ك؟ ئایا به‌پێی بنه‌مای كردار؟ نه‌خێر، به‌ڵكو به‌پێی بنه‌مای باوه‌ڕ.
28
كه‌واته‌ بۆمان ده‌رده‌كه‌وێت كه‌ مرۆڤ به‌ باوه‌ڕ بێتاوان ده‌كرێت، نه‌ك به‌ جێبه‌جێ كردنی فه‌رزه‌كانی شه‌ریعه‌ت.
29
ئایا خودا ته‌نها هی جوله‌كه‌یه‌؟ ئه‌ی هی نه‌ته‌وه‌كانی دیكه‌ش نییه‌؟ به‌ڵێ، هی نه‌ته‌وه‌كانی دیكه‌شه‌،
30
چونكه‌ ته‌نها یه‌ك خودا هه‌یه‌ كه‌ خه‌ته‌نه‌كراو به‌ باوه‌ڕ بێتاوان ده‌كات و خه‌ته‌نه‌ نه‌كراویش به‌هۆی هه‌مان باوه‌ڕه‌وه‌ بێتاوان ده‌كات.
31
ئایا شه‌ریعه‌ت به‌هۆی باوه‌ڕه‌وه‌ پووچه‌ڵ ده‌كه‌ینه‌وه‌؟ نه‌خێر، به‌ڵكو شه‌ریعه‌ت[k] ده‌چه‌سپێنین.
  1. a. 3‏:4 \+xt زه‌بووره‌كان 51‏:4.‏\+xt*‏
  2. b. 3‏:12 \+xt زه‌بووره‌كان 14‏:1‏-3 و زه‌بووره‌كان 53‏:1‏-3.‏\+xt*‏
  3. c. 3‏:13 \+xt زه‌بووره‌كان 5‏:9.‏\+xt*‏
  4. d. 3‏:13 \+xt زه‌بووره‌كان 140‏:3.‏\+xt*‏
  5. e. 3‏:14 \+xt زه‌بووره‌كان 10‏:7.‏\+xt*‏
  6. f. 3‏:17 \+xt ئیشایا 59‏:7‏-8.‏\+xt*‏
  7. g. 3‏:18 \+xt زه‌بووره‌كان 36‏:1.‏\+xt*‏
  8. h. 3‏:20 مه‌به‌ست له‌ شه‌ریعه‌تی موسایه‌ كه‌ ته‌وراته‌.
  9. i. 3‏:24 كڕینه‌وه‌ی مرۆڤ له‌ كۆیلایه‌تی گوناه به‌ خوێنی عیسا.
  10. j. 3‏:25 ئه‌و قوربانییه‌ی كه‌ تووڕه‌یی خودا لاده‌دات.
  11. k. 3‏:31 شه‌ریعه‌تی موسا.