عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
نموونه‌ی ئیبراهیم 
1
ئیتر چی بڵێین، ئیبراهیمی باوكمان به‌گوێره‌ی جه‌سته‌ چی دۆزییه‌وه‌؟
2
ئه‌گه‌ر ئیبراهیم به‌ كردار بێتاوان بووایه‌ شانازی ده‌كرد، به‌ڵام نه‌ك له‌لای خودا.
3
ئایا له‌و باره‌یه‌وه‌ نووسراوه‌ پیرۆزه‌كه‌ چی ده‌فه‌رموێ؟ {ئیبراهیم باوه‌ڕی به‌ خودا هێنا، ئه‌مه‌شی به‌ ڕاستودروستی بۆ دانرا.}[a]
4
ئه‌وه‌ی كار ده‌كات‏، كرێیه‌كه‌ی مافی خۆیه‌تی و به‌خشینێكی ناشایسته‌ نییه‌.
5
به‌ڵام ئه‌وه‌ی كار ناكات، به‌ڵكو باوه‌ڕی به‌وه‌ هه‌یه‌ كه‌ خودا گوناهبار بێتاوان ده‌كات، ئه‌وا باوه‌ڕه‌كه‌ی به‌ ڕاستودروستی بۆ داده‌نرێت.
6
وه‌ك داود ده‌ڵێت، له‌ خۆزگه‌خواستن به‌و مرۆڤه‌ی كه‌ خودا بێ كردار ڕاستودروستی بۆ داده‌نێت:
7
{خۆزگه‌ ده‌خوازرێت به‌وانه‌ی له‌ یاخیبوونه‌كانیان به‌خشراون،
گوناهه‌كانیان داپۆشراون.
8
خۆزگه‌ ده‌خوازرێت به‌و كه‌سه‌ی كه‌ یه‌زدان گوناهی له‌سه‌ر ناژمێرێت.}[b]
9
ئایا ئه‌م خۆزگه‌خواستنه‌ ته‌نها بۆ خه‌ته‌نه‌كراوانه‌ یان بۆ خه‌ته‌نه‌ نه‌كراوانیشه‌؟ چونكه‌ ده‌ڵێین، باوه‌ڕ بۆ ئیبراهیم به‌ ڕاستودروستی دانرا.
10
كه‌واته‌ چۆن دانرا؟ به‌ خه‌ته‌نه‌كردن یان بێ خه‌ته‌نه‌كردن؟ به‌ خه‌ته‌نه‌كردن نا به‌ڵكو بێ خه‌ته‌نه‌كردن!
11
ئیتر ئیبراهیم نیشانه‌ی خه‌ته‌نه‌كردنی وه‌رگرت، له‌ ڕێگه‌ی باوه‌ڕه‌وه‌ بێ خه‌ته‌نه‌كردن مۆری ڕاستودروستی وه‌رگرت، تاكو ببێته‌ باوكی هه‌موو ئه‌وانه‌ی باوه‌ڕ ده‌هێنن و خه‌ته‌نه‌ نه‌كراون، تاكو بۆیان به‌ ڕاستودروستی دابنرێت.
12
هه‌روه‌ها باوكی ئه‌وانه‌ی كه‌ نه‌ك ته‌نها خه‌ته‌نه‌ كراون، به‌ڵكو كه‌وتوونه‌ته‌ شوێن ئه‌و باوه‌ڕه‌ی كه‌ ئیبراهیمی باوكمان هه‌یبوو پێش ئه‌وه‌ی خه‌ته‌نه‌ بكرێت.
13
جا ئه‌و به‌ڵێنه‌ی به‌ ئیبراهیم یان به‌ نه‌وه‌كه‌ی درابوو تاكو ببێته‌ میراتگری جیهان، به‌هۆی شه‌ریعه‌ته‌وه‌ نه‌بوو، به‌ڵكو به‌هۆی ئه‌و ڕاستودروستییه‌ی كه‌ به‌ ڕێگای باوه‌ڕه‌وه‌[c] بوو،
14
چونكه‌ ئه‌گه‌ر ئه‌وانه‌ی كه‌ پشت به‌ ته‌ورات ده‌به‌ستن میراتگر بن، ئه‌وا باوه‌ڕ بێ سوود ده‌بێت و به‌ڵێنی خوداش پووچه‌ڵ،
15
چونكه‌ ته‌ورات تووڕه‌یی لێ ده‌كه‌وێته‌وه‌. ئه‌گه‌ر ته‌ورات نه‌بێت، سه‌رپێچیش نییه‌.
16
بۆیه‌ به‌ڵێن له‌ باوه‌ڕه‌وه‌یه‌، تاكو به‌گوێره‌ی نیعمه‌ت بێت و بۆ هه‌موو نه‌وه‌كانی ئیبراهیم مسۆگه‌ر بێت، نه‌ك ته‌نها بۆ ئه‌وانه‌ی كه‌ پشت به‌ ته‌ورات ده‌به‌ستن، به‌ڵكو بۆ ئه‌وانه‌ش كه‌ باوه‌ڕی ئیبراهیمیان هه‌یه‌. ئه‌و باوكی هه‌موومانه‌،
17
وه‌كو نووسراوه‌: {من تۆم كرد به‌ باوكی چه‌ندین نه‌ته‌وه‌.}[d] ئیبراهیم باوكمانه‌ له‌به‌رچاوی خودا كه‌ باوه‌ڕی پێ هێنا، ئه‌وه‌ی مردوو زیندوو ده‌كاته‌وه‌ و ئه‌و شته‌ی بوونی نییه‌ ده‌یهێنێته‌ بوون.
18
هه‌رچه‌نده‌ هیواش بڕابوو، به‌ هیواوه‌ باوه‌ڕی هێنا كه‌ ده‌بێته‌ باوكی چه‌ندین نه‌ته‌وه‌، به‌گوێره‌ی ئه‌وه‌ی گوترابوو: {نه‌وه‌كه‌ت به‌م شێوه‌یه‌ ده‌بێت.}[e]
19
باوه‌ڕیشی لاواز نه‌بوو كه‌ بینی له‌شی وا مردووه‌، چونكه‌ ته‌مه‌نی نزیكه‌ی سه‌د ساڵ بوو، هه‌روه‌ها سارای ژنیشی له‌ سكوزا چووبووه‌وه‌.
20
به‌ بێباوه‌ڕی گومانی له‌ به‌ڵێنی خودا نه‌كرد، به‌ڵكو باوه‌ڕی به‌هێز بوو و خودای شكۆدار كرد،
21
دڵنیابوو كه‌ خودا توانای هه‌یه‌ به‌ڵێنی خۆی بباته‌سه‌ر.
22
له‌به‌ر ئه‌مه‌ {به‌ ڕاستودروستی بۆی دانرا.}[f]
23
ئه‌وه‌ی نووسراوه‌: {بۆی دانرا} ته‌نها له‌ پێناوی ئه‌ودا نه‌بوو،
24
به‌ڵكو له‌ پێناوی ئێمه‌شدا بوو، جا بۆمان به‌ ڕاستودروستی داده‌نرێت، كه‌ باوه‌ڕمان هه‌یه‌ به‌وه‌ی عیسای گه‌وره‌مانی له‌نێو مردووان هه‌ستانده‌وه‌.
25
ئه‌وه‌ی له‌ پێناوی گوناهه‌كانمان به‌ گرتن درا و له‌ پێناوی بێتاوانكردنمان هه‌ستێنرایه‌وه‌.
  1. a. 4‏:3 \+xt په‌یدابوون 15‏:6.‏\+xt*‏
  2. b. 4‏:8 \+xt زه‌بووره‌كان 32‏:1‏-2.‏\+xt*‏
  3. c. 4‏:13 مه‌به‌ستی ئه‌م ڕاستودروستییه‌ی كه‌ له‌سه‌ر بناغه‌ی باوه‌ڕ دراوه‌.
  4. d. 4‏:17 \+xt په‌یدابوون 17‏:5‏\+xt*‏
  5. e. 4‏:18 \+xt په‌یدابوون 15‏:5.‏\+xt*‏
  6. f. 4‏:22 \+xt په‌یدابوون 15‏:6‏\+xt*‏