عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- 1
- ئه‌ی خوشك و برایان، ئاره‌زووی دڵم و پاڕانه‌وه‌م له خودا له پێناوی ڕزگاریی نه‌وه‌ی ئیسرائیله.
- 2
- شایه‌تییان بۆ ده‌ده‌م كه دڵگه‌رمییان بۆ خودا هه‌یه، به‌ڵام به زانیارییه‌وه نییه.
- 3
- له‌به‌ر ئه‌وه‌ی بێتاوانكردنیان[a] له خوداوه نه‌زانی، هه‌وڵیان دا بێتاوانكردنی خۆیان بچه‌سپێنن، ملكه‌چی بێتاوانكردنی خودا نه‌بوون.
- 4
- به‌ڵام مه‌سیح ده‌رئه‌نجامی ته‌وراته، تاكو ڕاستودروستی بۆ هه‌موو ئه‌وانه بێت كه باوه‌ڕ ده‌هێنن.
- ڕزگاری بۆ هه‌مووان
- 5
- موسا له‌باره‌ی ئه‌و ڕاستودروستییه‌ی به‌پێی ته‌وراته ده‌نووسێت: {ئه‌و كه‌سه‌ی په‌یڕه‌ویان بكات، به هۆیانه‌وه ده‌ژیێت.}[b]
- 6
- به‌ڵام ئه‌م ڕاستودروستییه‌ی به باوه‌ڕه ئاوا ده‌فه‌رموێ: {له دڵی خۆتاندا مه‌ڵێن، «كێ سه‌رده‌كه‌وێته ئاسمان؟»}[c] (واته مه‌سیح بهێنێته خواره‌وه،)
- 7
- {یان «كێ داده‌به‌زێته ناو بیری بێ بن؟»}[d] (واته مه‌سیح له‌ناو مردووان سه‌ربخات.)
- 8
- به‌ڵام چی ده‌فه‌رموێ؟ {په‌یامه‌كه لێت نزیكه، له‌سه‌ر زمانته و له دڵتدایه،}[e] ئه‌مه‌ش په‌یامی ئه‌و باوه‌ڕه‌یه كه ڕایده‌گه‌یه‌نین:
- 9
- ئه‌گه‌ر به ده‌مت دانت پێدا نا كه عیسا په‌روه‌ردگاره و به دڵ باوه‌ڕت كرد كه خودا له‌ناو مردووان هه‌ڵیستانده‌وه، ڕزگار ده‌بیت.
- 10
- له‌به‌ر ئه‌وه‌ی به دڵ باوه‌ڕهێنان ئه‌نجامه‌كه‌ی بێتاوانبوونه، به ده‌م دانپێدانان ئه‌نجامه‌كه‌ی ڕزگارییه.
- 11
- هه‌روه‌ك چۆن نووسراوه پیرۆزه‌كه ده‌فه‌رموێ: {هه‌ركه‌سێك پشتی پێ ببه‌ستێت، شه‌رمه‌زار نابێت.}[f]
- 12
- جیاوازی له‌نێوان جوله‌كه و ناجوله‌كه نییه، له‌به‌ر ئه‌وه‌ی هه‌مان په‌روه‌ردگاره بۆ هه‌مووان، ده‌وڵه‌مه‌نده بۆ هه‌موو ئه‌وانه‌ی لێی ده‌پاڕێنه‌وه،
- 13
- چونكه {هه‌ركه‌سێك به ناوی یه‌زدانه‌وه بپاڕێته‌وه ڕزگاری ده‌بێت.}[g]
- 14
- ئیتر چۆن له یه‌كێك ده‌پاڕێنه‌وه كه باوه‌ڕیان پێی نه‌هێنابێت؟ چۆن باوه‌ڕ به یه‌كێك ده‌هێنن ئه‌گه‌ر نه‌یانبیستبێت؟ چۆنیش ده‌یبیستن بێ ئه‌وه‌ی یه‌كێك پێیان ڕابگه‌یه‌نێت؟
- 15
- هه‌روه‌ها چۆن ڕاده‌گه‌یه‌نن ئه‌گه‌ر نه‌نێردرابن؟ وه‌ك نووسراوه: {چه‌ند جوانه پێیه‌كانی ئه‌وانه‌ی مزگێنی خۆشی ده‌ده‌ن!}[h]
- 16
- به‌ڵام هه‌موو نه‌وه‌ی ئیسرائیل گوێڕایه‌ڵی په‌یامی ئینجیل نه‌بوون، چونكه ئیشایا ده‌ڵێت: {ئه‌ی یه‌زدان، كێ باوه‌ڕی به په‌یامه‌كه‌مان كرد؟}[i]
- 17
- كه‌واته باوه‌ڕ به بیستنه، بیستنیش به وشه‌ی مه‌سیحه.
- 18
- به‌ڵام ده‌ڵێم: ئایا گوێیان لێ نه‌بوو؟ به‌ڵێ!
{په‌یامیان به هه‌موو زه‌وی گه‌یشت،
وته‌كانیان به‌وپه‌ڕی جیهان.}[j] - 19
- به‌ڵام ده‌ڵێم: ئایا ئیسرائیل تێنه‌گه‌یشت؟ یه‌كه‌م جار موسا ده‌ڵێت:
{من واتان لێده‌كه‌م ئیره‌یی به‌وانه ببه‌ن كه گه‌ل نین،
به نه‌ته‌وه‌یه‌كی گێل په‌ستتان ده‌كه‌م.}[k] - 20
- به‌ڵام ئیشایا ئازایانه ده‌ڵێت:
{دۆزرامه‌وه له‌لایه‌ن ئه‌وانه‌ی به‌دوامدا نه‌گه‌ڕان،
ده‌ركه‌وتم بۆ ئه‌وانه‌ی پرسیاری منیان نه‌كرد.}[l] - 21
- به‌ڵام ده‌رباره‌ی ئیسرائیل ده‌ڵێت:
{به درێژایی ڕۆژ ده‌ستم بۆ گه‌لێكی یاخی و به‌رهه‌ڵستكار ڕاگرت.}[m]
- a. 10:3 یۆنانی: ڕاستودروستی.
- b. 10:5 \+xt لێڤییه‌كان 18:5.\+xt*
- c. 10:6 \+xt دواوتار 30:12\+xt*.
- d. 10:7 \+xt دواوتار 30:13\+xt*.
- e. 10:8 \+xt دواوتار 30:14\+xt*.
- f. 10:11 \+xt ئیشایا 28:16.\+xt*
- g. 10:13 \+xt یۆئێل 2:32.\+xt*
- h. 10:15 \+xt ئیشایا 52:7.\+xt*
- i. 10:16 \+xt ئیشایا 53:1.\+xt*
- j. 10:18 \+xt زه‌بووره‌كان 19:4.\+xt*
- k. 10:19 \+xt دواوتار 32:21\+xt*.
- l. 10:20 \+xt ئیشایا 65:1.\+xt*
- m. 10:21 \+xt ئیشایا 65:2.\+xt*
