عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ئایا به‌ڵێنه‌كانی خودا نایه‌نه‌ دی؟ 
1
مه‌سیح شایه‌تمه‌ كه‌ ڕاستی ده‌ڵێم و درۆ ناكه‌م، ویژدانیشم به‌ ڕۆحی پیرۆز ئه‌وه‌ دووپات ده‌كاته‌وه‌،
2
كه‌ زۆر دڵته‌نگم و ئازارێكی بێ بڕانه‌وه‌م له‌ دڵدایه‌.
3
خۆزگه‌ خۆم نه‌فره‌تم لێ بكرایه‌ و له‌ مه‌سیح بێبه‌ش بوومایه‌، له‌ پێناوی برایانم، هاونه‌ژاده‌كانم،
4
ئیسرائیلییه‌كان، له‌خۆگرتنه‌وه‌[a] و شكۆ و په‌یمانه‌كان و وه‌رگرتنی ته‌ورات و په‌رستن[b] و به‌ڵێنه‌كان هی ئه‌وانه‌.
5
باوكانیش هی ئه‌وانن و مه‌سیحیش به‌گوێره‌ی جه‌سته‌ له‌وانه‌وه‌ هاتووه‌، ئه‌وه‌ی له‌ سه‌رووی هه‌مووانه‌، هه‌تاهه‌تایه‌ خودایه‌كی پیرۆزه‌! ئامین.
6
واتای ئه‌وه‌ نییه‌ كه‌ فه‌رمایشتی خودا كاریگه‌ری نه‌ماوه‌، چونكه‌ هه‌موو ئه‌وانه‌ی له‌ نه‌وه‌ی ئیسرائیلن، گه‌لی هه‌ڵبژێردراوی خودا[c] نین.
7
هه‌روه‌ها هه‌موو ئه‌وانه‌ی نه‌وه‌ی ئیبراهیمن، منداڵی ئه‌و نین، به‌ڵكو: {له‌ ڕێگه‌ی ئیسحاقه‌وه‌ نه‌وه‌ی تۆ ناوده‌بردرێت.}[d]
8
واته‌ ئه‌و منداڵانه‌ی كه‌ به‌ خواستی مرۆڤانه‌ بوون، منداڵی خودا نین، به‌ڵكو ئه‌و منداڵانه‌ی كه‌ به‌ به‌ڵێنی خودا بوون، ئه‌وانه‌ به‌ نه‌وه‌ی ئیبراهیم داده‌نرێن،
9
چونكه‌ وته‌ی به‌ڵێنه‌كه‌ ئه‌مه‌یه‌: {كاتێكی ئاوا دێمه‌وه‌ و ساراش كوڕێكی بووه‌.}[e]
10
نه‌ك ته‌نها ئه‌مه‌، به‌ڵكو ڕڤقه‌ش له‌ یه‌كێك سكی كرد كه‌ ئیسحاقی باوكمانه‌.
11
بۆ ئه‌وه‌ی خواستی خودا له‌ هه‌ڵبژاردندا بچه‌سپێت كه‌ به‌ كردار نییه‌، به‌ڵكو به‌و بانگهێشته‌یه‌ كه‌ خۆی ده‌یكات، به‌ر له‌وه‌ی له‌دایك بن و چاكه‌ و خراپه‌ بكه‌ن،
12
خودا به‌ دایكیانی فه‌رموو: {گه‌وره‌كه‌ خزمه‌تی بچووكه‌كه‌ ده‌كات.}[f]
13
وه‌ك نووسراوه‌: {یاقوبم خۆشویست به‌ڵام ڕقم له‌ عیسۆ بووه‌وه‌.}[g]
به‌زه‌یی خودا 
14
كه‌واته‌ چی بڵێین؟ ئایا خودا دادپه‌روه‌ر نییه‌؟ حاشا!
15
چونكه‌ به‌ موسا ده‌فه‌رموێ:
{میهره‌بان ده‌بم له‌گه‌ڵ ئه‌وه‌ی میهره‌بان ده‌بم و
به‌ به‌زه‌یی ده‌بم له‌گه‌ڵ ئه‌وه‌ی به‌زه‌ییم پێیدا دێته‌وه‌.[h] ‏}[i]
16
كه‌واته‌، به‌ ئاره‌زووی یه‌كێك و هه‌وڵدانی یه‌كێك نییه‌، به‌ڵكو له‌ خوداوه‌یه‌ كه‌ به‌زه‌یی هه‌یه‌.
17
نووسراوه‌ پیرۆزه‌كه‌ به‌ فیرعه‌ون ده‌فه‌رموێ: {له‌به‌ر ئه‌وه‌ تۆم هێشتووه‌ته‌وه‌ بۆ ئه‌وه‌ی توانای خۆم له‌ تۆدا ده‌ربخه‌م، تاكو له‌ هه‌موو زه‌ویدا ناوم ڕابگه‌یه‌نرێت.}[j]
18
كه‌واته‌ خودا به‌زه‌یی به‌وه‌ دێته‌وه‌ كه‌ ده‌یه‌وێت و ئه‌وه‌ش دڵڕه‌ق ده‌كات كه‌ ده‌یه‌وێت.
19
ئینجا پێم ده‌ڵێی: «ئیتر بۆچی خودا هێشتا خه‌تابارمان ده‌كات؟ كێ ده‌توانێت له‌ دژی خواستی ئه‌و ڕابوه‌ستێت؟»
20
ئه‌ی مرۆڤ تۆ كێیت وه‌ڵامی خودا ده‌ده‌یته‌وه‌؟ {ئایا دروستكراو به‌ دروستكه‌ری ده‌ڵێ: «بۆچی وا دروستت كردم؟»}[k]
21
ئایا گۆزه‌كه‌ر ده‌سه‌ڵاتی به‌سه‌ر قوڕدا نییه‌ له‌ هه‌مان قوڕ ده‌فرێك بۆ ڕێزلێنان و یه‌كێكی دیكه‌ش ئاسایی دروستبكات؟
22
به‌ڵام چییه‌ ئه‌گه‌ر خودا كه‌ ده‌یه‌وێت تووڕه‌یی ده‌ربخات و توانای خۆی ئاشكرا بكات، به‌ پشوودرێژی زۆره‌وه‌ به‌رگه‌ی ئه‌و ده‌فرانه‌ی تووڕه‌یی گرت كه‌ بۆ له‌ناوبردن ئاماده‌ كراون؟
23
چییه‌ ئه‌گه‌ر ئه‌مه‌ی كرد تاكو ده‌وڵه‌مه‌ندی شكۆی خۆی له‌سه‌ر ئه‌و ده‌فرانه‌ی به‌زه‌یی ئاشكرا بكات كه‌ پێشتر بۆ شكۆمه‌ندی ئاماده‌ی كردوون؟
24
له‌ناو ئه‌واندا ئێمه‌شی بانگكردووه‌، نه‌ك ته‌نها له‌ جوله‌كه‌، به‌ڵكو له‌ نه‌ته‌وه‌كانیش.
25
وه‌ك له‌ هۆشه‌عدا ده‌فه‌رموێ:
{ئه‌وه‌ی گه‌لی من نییه‌ ناوی ده‌نێم گه‌لی خۆم و
ئه‌وه‌ی خۆشه‌ویست نییه‌ به‌ خۆشه‌ویست،}[l] هه‌روه‌ها
26
{له‌و شوێنه‌ی پێیان گوترا: «ئێوه‌ گه‌لی من نین،»
له‌وێدا «به‌ ڕۆڵه‌كانی خودای زیندوو ناوده‌بردرێن.»}[m]
27
ئیشایاش ده‌رباره‌ی ئیسرائیل هاوار ده‌كات:
{ئه‌گه‌ر ژماره‌ی نه‌وه‌ی ئیسرائیل به‌قه‌د لمی ده‌ریا بێت،
ته‌نها پاشماوه‌یان ڕزگاری ده‌بێت،
28
چونكه‌ یه‌زدان به‌ خێرایی دوا بڕیاری خۆی به‌سه‌ر زه‌ویدا جێبه‌جێ ده‌كات.}[n]
29
وه‌ك ئیشایا پێشتر گوتوویه‌تی:
{ئه‌گه‌ر یه‌زدانی سوپاسالار نه‌وه‌ی بۆ نه‌هێشتباینایه‌وه‌،
وه‌ك سه‌دۆممان[o] لێ ده‌هات و له‌ عه‌مۆرا ده‌چووین.}[p]
30
كه‌واته‌ چی بڵێین؟ ئه‌و نه‌ته‌وانه‌ی بۆ بێتاوانبوون كۆششیان نه‌كرد، بێتاوانبوونیان به‌ده‌ستهێنا، ئه‌و بێتاوانبوونه‌ی به‌ باوه‌ڕه‌.
31
كه‌چی ئیسرائیل به‌ ته‌ورات كۆششیان كرد بۆ بێتاوانبوون، به‌و ته‌وراته‌ پێی نه‌گه‌یشتن.
32
بۆچی؟ چونكه‌ به‌ باوه‌ڕ نه‌بوو، به‌ڵكو له‌سه‌ر بنچینه‌ی كردار بوو. ئه‌وسا بۆیان بوو به‌ كۆسپ و ته‌گه‌ره‌ و ساتمه‌یان لێكرد،
33
هه‌روه‌ك نووسراوه‌:
{ئه‌وه‌تا به‌ردێك بۆ كۆسپ له‌ سییۆن داده‌نێم،
تاشه‌به‌ردێكیش كه‌ لێی بكه‌ونه‌ خواره‌وه‌،
به‌ڵام ئه‌وه‌ی پشتی پێ ببه‌ستێت شه‌رمه‌زار نابێت.}[q]
  1. a. 9‏:4 بڕوانه‌ 8‏:15، 23.
  2. b. 9‏:4 په‌رستن له‌ناو په‌رستگای ئۆرشه‌لیم.
  3. c. 9‏:6 گه‌لی هه‌ڵبژێردراوی خودا: گه‌لی ئیسرائیل.
  4. d. 9‏:7 \+xt په‌یدابوون 21‏:12.‏\+xt*‏
  5. e. 9‏:9 \+xt په‌یدابوون 18‏:10‏،14‏.‏\+xt*‏
  6. f. 9‏:12 \+xt په‌یدابوون 25‏:23.‏\+xt*‏
  7. g. 9‏:13 \+xt مه‌لاخی 1‏:2‏،3‏\+xt*‏.
  8. h. 9‏:15 وه‌ك ئه‌وه‌ی خودا به‌ موسا ده‌فه‌رموێت: به‌ ویستی خۆمه‌ كێی بمه‌وێت له‌گه‌ڵی میهره‌بان و به‌ به‌زه‌یی ده‌بم.
  9. i. 9‏:15 \+xt ده‌رچوون 33‏:19‏\+xt*‏
  10. j. 9‏:17 \+xt ده‌رچوون 9‏:16‏\+xt*‏
  11. k. 9‏:20 \+xt ئیشایا 29‏:16؛ 45‏:9‏\+xt*‏
  12. l. 9‏:25 \+xt هۆشه‌ع 2‏:23‏\+xt*‏
  13. m. 9‏:26 \+xt هۆشه‌ع 1‏:10‏\+xt*‏
  14. n. 9‏:28 \+xt ئیشایا 10‏:22‏،23‏.‏\+xt*‏
  15. o. 9‏:29 بڕوانه‌ \+xt په‌یدابوون 18‏\+xt*‏ و 19.
  16. p. 9‏:29 \+xt ئیشایا 1‏:9‏\+xt*‏
  17. q. 9‏:33 \+xt ئیشایا 8‏:14 و ئیشایا 28‏:16‏\+xt*‏