عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، به‌ ئاوازی گوڵی سه‌وسه‌نی په‌یمان. بۆ ئاساف، زه‌بوورێك. 
1
ئه‌ی شوانی ئیسرائیل، گوێ ڕادێره‌،
ئه‌ی ڕابه‌ری یوسف وه‌ك مێگه‌ل،
ئه‌ی ئه‌وه‌ی له‌نێوان كه‌ڕوبه‌كان له‌سه‌ر ته‌خت دانیشتوویت[a] ، بدره‌وشێوه‌
2
له‌به‌رده‌م ئه‌فرایم و بنیامین و مه‌نه‌شه‌.
پاڵه‌وانیێتی خۆت ده‌ربخه‌،
بۆ ڕزگاریی ئێمه‌ وه‌ره‌.
3
ئه‌ی خودایه‌، بمانگه‌ڕێنه‌وه‌،
ڕووی خۆتمان بۆ بدره‌وشێنه‌وه‌
بۆ ئه‌وه‌ی ڕزگارمان بێت.
4
ئه‌ی یه‌زدان، خودای سوپاسالار،
هه‌تا كه‌ی له‌سه‌ر نوێژی گه‌له‌كه‌ت تووڕه‌ ده‌بیت؟
5
تۆ نانی فرمێسكت ده‌رخوارد داون،
فرمێسكت پڕ به‌ پێوانه‌ پێ نۆشیون.
6
ده‌مانكه‌یته‌ مایه‌ی ناكۆكی له‌لای دراوسێكانمان،
ناحه‌زانمان له‌ناو خۆیان پێمان پێده‌كه‌نن.
7
ئه‌ی خودای سوپاسالار، بمانگه‌ڕێنه‌وه‌،
ڕووی خۆتمان بۆ بدره‌وشێنه‌وه‌
بۆ ئه‌وه‌ی ڕزگارمان بێت.
8
دار مێوێكت له‌ میسره‌وه‌ گواسته‌وه‌،
نه‌ته‌وه‌كانت وه‌ده‌رنا و چاندت.
9
خاكت بۆ ئاماده‌ كرد،
ڕه‌گ و ڕیشه‌یت داكوتا، زه‌وی پڕكرد.
10
سێبه‌ره‌كه‌ی چیاكانی داپۆشی،
چڵه‌كانی ئورزه‌ گه‌وره‌كان.
11
لقی هه‌تا ده‌ریا[b] هاویشت،
پۆپكه‌كانی بۆ ده‌م ڕووبار[c] .
12
بۆچی شووراكانیت ڕووخاند
تاكو هه‌ر ڕێبوارێك لێی بكاته‌وه‌؟
13
به‌رازی دارستان وێرانی ده‌كات،
زینده‌وه‌ره‌كانی كێڵگه‌ له‌سه‌ری ده‌له‌وه‌ڕێن.
14
ئه‌ی خودای سوپاسالار بمانگه‌ڕێنه‌وه‌!
له‌ ئاسمانه‌وه‌ سه‌یر بكه‌ و ببینه‌!
ئه‌م دار مێوه‌ به‌سه‌ربكه‌وه‌،
15
ئه‌و قه‌ده‌ی ده‌ستی ڕاستت چاندوویه‌تی،
ئه‌و كوڕه‌ی بۆ خۆت به‌هێزت كردووه‌.
16
سووتاوه‌ و به‌ ئاگر بڕاوه‌ته‌وه‌،
به‌ سه‌رزه‌نشتی ڕووی تۆ گه‌له‌كه‌ت له‌ناوده‌چێت.
17
با ده‌ستت له‌سه‌ر مرۆڤی ده‌سته‌ ڕاستت بێت،
له‌سه‌ر ئه‌و كوڕه‌ی مرۆڤ بۆ خۆت به‌هێزت كردووه‌.
18
ئینجا لێت هه‌ڵناگه‌ڕێینه‌وه‌،
بمانژیێنه‌وه‌ و به‌ ناوی تۆوه‌ نزا ده‌كه‌ین.
19
ئه‌ی یه‌زدان، خودای سوپاسالار، بمانگه‌ڕێنه‌وه‌!
ڕووی خۆتمان بۆ بدره‌وشێنه‌وه‌
بۆ ئه‌وه‌ی ڕزگارمان بێت.
  1. a. 80‏:1 له‌ سه‌رده‌می په‌یمانی كۆن خودا له‌ شوێنی هه‌ره‌پیرۆزی په‌رستگا ئاماده‌ ده‌بوو، به‌ تایبه‌ت سندوقی په‌یمان و نێوان كه‌ڕوبه‌كان وه‌ك ته‌ختی خودا بوون.
  2. b. 80‏:11 ده‌ریای سپی ناوه‌ڕاست.
  3. c. 80‏:11 مه‌به‌ستی ڕووباری فوراته‌.