عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، له‌سه‌ر ئاوازی گتیت[a] . بۆ ئاساف. 
1
هه‌لهه‌له‌ لێده‌ن بۆ خودا ئه‌وه‌ی هێزمانه‌،
به‌ خۆشییه‌وه‌ هاوار بكه‌ن بۆ خودای یاقوب.
2
ئاوازێك به‌رز بكه‌نه‌وه‌ و ده‌ف بهێنن،
سازێكی ناسك له‌گه‌ڵ قیساره‌.
3
له‌ جه‌ژنی سه‌ره‌مانگ كه‌ڕه‌نا لێده‌ن و
له‌ مانگی تابان، بۆ ڕۆژی جه‌ژنه‌كانمان.
4
چونكه‌ ئه‌مه‌ فه‌رزه‌ له‌سه‌ر ئیسرائیل،
حوكمی خودای یاقوبه‌.
5
له‌ بنه‌ماڵه‌ی یوسفدا كردی به‌ یاسا،
كه‌ له‌ خاكی میسر ده‌ریهێنا،
گوێمان له‌ زمانێكه‌ كه‌ تێنه‌گه‌یشتین:
6
«بارم له‌سه‌ر شانه‌كانی لادا،
ده‌سته‌كانی له‌ سه‌به‌ته‌ به‌ربوون.
7
له‌ ته‌نگانه‌دا هاوارت كرد، ده‌ربازم كردیت،
له‌ژێر سێبه‌ری هه‌وره‌تریشقه‌ وه‌ڵامم دایته‌وه‌،
له‌ مێرگی مه‌ریبا[b] تاقیم كردیته‌وه‌.[c]
8
ئه‌ی گه‌لی من، گوێ بگره‌، ئاگادارت ده‌كه‌مه‌وه‌.
ئه‌ی ئیسرائیل، خۆزگه‌ گوێت له‌ من ده‌گرت!
9
له‌نێو ئێوه‌دا خوداوه‌ندێكی بێگانه‌ نابێت،
كڕنۆش بۆ خوداوه‌ندێكی بیانی نابه‌یت.
10
من یه‌زدانی په‌روه‌ردگاری تۆم،
كه‌ له‌ خاكی میسر ده‌رمهێنای.
ده‌مت بكه‌وه‌ و پڕی ده‌كه‌م.
11
«به‌ڵام گه‌له‌كه‌م گوێی له‌ قسه‌م نه‌گرت،
ئیسرائیل منی نه‌ویست.
12
منیش ئه‌وانم دایه‌ ده‌ست كه‌لله‌ڕه‌قییه‌كه‌ی خۆیان،
به‌ ڕاوێژی خۆیان هه‌ڵسوكه‌وت بكه‌ن.
13
«خۆزگه‌ گه‌له‌كه‌م به‌ قسه‌ی منیان ده‌كرد،
ئه‌گه‌ر ئیسرائیل ڕێگای منیان ده‌گرته‌به‌ر،
14
هه‌ر زوو دوژمنه‌كانم بۆ زه‌لیل ده‌كردن،
ده‌ستم درێژ ده‌كرده‌ سه‌ر ناحه‌زانیان!
15
ئه‌وانه‌ی ڕقیان له‌ یه‌زدانه‌، ملكه‌چی ده‌بن،
هه‌تاهه‌تایه‌ كاتی سزایان ده‌بێت.
16
باشترین گه‌نمم ده‌رخوارد ده‌دایت،
له‌ تاشه‌به‌رده‌وه‌ تێر هه‌نگوینم ده‌كردیت.»
  1. a. 81‏:0 ده‌سته‌واژه‌یه‌كی بواری مۆسیقایه‌.
  2. b. 81‏:7 كانییه‌كه‌ نزیك ڕفیدیم له‌ به‌ردێكه‌وه‌ هه‌ڵقوڵا، كاتێك موسا به‌ فه‌رمانی خودا له‌ به‌رده‌كه‌ی دا.
  3. c. 81‏:7 له‌ ده‌قی عیبری لێره‌ وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.