عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
زه‌بوورێكی ئاساف. 
1
خودا له‌ كۆڕی خوداوه‌نده‌كان ڕاوه‌ستاوه‌،
له‌نێو خوداوه‌نده‌كان[a] دادوه‌ری ده‌كات.
2
«هه‌تا كه‌ی به‌ ناڕه‌وایی دادوه‌ری ده‌كه‌ن،
لایه‌نگری به‌دكاران ده‌كه‌ن؟ [b]
3
به‌رگری له‌ لاواز و هه‌تیوان بكه‌ن،
دادی هه‌ژار و كڵۆڵان بده‌ن.
4
فریای لاواز و نه‌داران بكه‌ون،
له‌ ده‌ست به‌دكاران ده‌ربازیان بكه‌ن.
5
«نازانن و تێناگه‌ن، له‌ تاریكیدا ده‌ڕۆن،
هه‌موو بنچینه‌كانی زه‌وی ده‌شڵه‌ژێن.
6
«من گوتم: ”ئێوه‌ ’خوداوه‌نده‌كان‘ن،
هه‌مووتان كوڕی خودای هه‌ره‌به‌رزن.“
7
به‌ڵام وه‌ك ئاده‌میزاد ده‌مرن،
وه‌ك یه‌كێك له‌ میره‌كان ده‌كه‌ون.»
8
خودایه‌، هه‌سته‌! دادوه‌ری زه‌وی بكه‌،
چونكه‌ هه‌موو نه‌ته‌وه‌كان میراتی تۆن.
  1. a. 82‏:1 ڕه‌نگه‌ مه‌به‌ست له‌ بوونه‌وه‌ره‌ ئاسمانییه‌كان (فریشته‌كان) بێت، یان ئه‌وانه‌ی په‌یام و فه‌رمانه‌كانی خودایان بۆ دێت و جێبه‌جێی ده‌كه‌ن. بڕوانه‌ 82‏:6و به‌راوردی بكه‌ له‌گه‌ڵ \+xt یۆحه‌نا 10‏:34‏-36.‏\+xt*‏
  2. b. 82‏:2 له‌ ده‌قی عیبری لێره‌ وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.