عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، بۆ یه‌دوتون، زه‌بوورێكی داود. 
1
گیانم ته‌نها به‌ خودا ئارام ده‌بێت،
ڕزگاریشم له‌لای ئه‌وه‌وه‌ دێت.
2
ته‌نها ئه‌و تاشه‌به‌رد و ڕزگاریمه‌،
په‌ناگای منه‌، هه‌رگیز ناله‌قێم.
3
هه‌تا كه‌ی هێرش ده‌كه‌نه‌ سه‌ر مرۆڤێك؟
ئایا هه‌مووتان وه‌ك دیوارێكی لار تێكی ده‌ده‌ن،
وه‌ك شوورایه‌كی داڕووخاو؟
4
ته‌نها پیلان بۆ ئه‌وه‌ ده‌گێڕن
كه‌ ئه‌و له‌و پله‌وپایه‌یه‌ بخه‌ن،
خۆشییان له‌ درۆوه‌ دێت.
به‌ ده‌م داوای به‌ره‌كه‌ت ده‌كه‌ن،
به‌ڵام له‌ دڵه‌وه‌ نه‌فره‌ت.[a]
5
ئه‌ی گیانی من، ته‌نها به‌ خودا ئارام به‌،
چونكه‌ ئومێدی من له‌لای ئه‌وه‌وه‌ دێت.
6
ته‌نها ئه‌و تاشه‌به‌رد و ڕزگاریمه‌،
په‌ناگای منه‌، ناله‌قێم.
7
ڕزگاری و شكۆمه‌ندی من به‌ خوداوه‌ به‌نده‌،
تاشه‌به‌ردی به‌هێزمه‌، په‌ناگای منه‌.
8
هۆ خه‌ڵكینه‌، هه‌موو كاتێك پشت به‌و ببه‌ستن،
دڵی خۆتانی له‌به‌رده‌م هه‌ڵڕێژن،
چونكه‌ خودا په‌ناگای ئێمه‌یه‌.
9
ئاده‌میزاد ته‌نها هه‌ناسه‌یه‌كه‌،
مرۆڤ ته‌نها درۆیه‌كه‌،
ئه‌گه‌ر بخرێنه‌ تای ته‌رازوو هیچ نین،
هه‌موو پێكه‌وه‌ ته‌نها هه‌ناسه‌یه‌كن.
10
پشت به‌ زۆرداری مه‌به‌ستن،
پۆز به‌ ماڵی دزراوه‌وه‌ لێمه‌ده‌ن.
ئه‌گه‌ر سامانتان زیادی كرد،
دڵی خۆتانی پێوه‌ مه‌به‌ستن.
11
جارێك خودا فه‌رموویه‌تی،
دوو جار بیستوومه‌[b] :
كه‌ هێز هه‌ر هی خودایه‌،
12
هه‌روه‌ها كه‌ خۆشه‌ویستی نه‌گۆڕ هه‌ر هی تۆیه‌، ئه‌ی په‌روه‌ردگار.
بێگومان تۆش، هه‌ركه‌سێك
به‌پێی كرده‌وه‌ی خۆی پاداشت ده‌ده‌یته‌وه‌.
  1. a. 62‏:4 له‌ ده‌قی عیبری لێره‌ و له‌ ئایه‌تی 8، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.
  2. b. 62‏:11 شێوازێكی ده‌ربڕینی ئه‌ده‌بیانه‌ی عیبرییه‌، به‌ مه‌به‌ستی ئه‌وه‌ی یه‌كه‌میان گرنگه‌ و دووه‌میان له‌و گرنگتره‌.