عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، له‌سه‌ر ئاوازی «مه‌فه‌وتێنه‌.» پاڕانه‌وه‌یه‌كی داوده‌ كاتێك له‌به‌رده‌م شاول هه‌ڵات له‌ ئه‌شكه‌وته‌كه‌. 
1
له‌گه‌ڵم میهره‌بان به‌، ئه‌ی خودایه‌، له‌گه‌ڵم میهره‌بان به‌،
چونكه‌ گیانم په‌نا ده‌هێنێته‌ به‌ر تۆ،
من په‌نا ده‌هێنمه‌ به‌ر سێبه‌ری باڵه‌كانی تۆ،
هه‌تا ئه‌م به‌ڵایه‌ به‌سه‌رده‌چێت.
2
بۆ خودای هه‌ره‌به‌رز هاوار ده‌كه‌م،
بۆ ئه‌و خودایه‌ی ئه‌ستۆپاكیم ده‌سه‌لمێنێت[a] .
3
له‌ ئاسمانه‌وه‌ ده‌نێرێت و ڕزگارم ده‌كات،
ئه‌وانه‌ ڕیسوا ده‌كات كه‌ ڕاوم ده‌نێن.[b]
خودا خۆشه‌ویستییه‌ نه‌گۆڕه‌كه‌ی و دڵسۆزییه‌كه‌ی ده‌نێرێت.
4
گیانم له‌ناو شێرانه‌،
له‌نێو ئاژه‌ڵی دڕنده‌ ڕاده‌كشێم،
ئه‌و مرۆڤانه‌ی كه‌ ددانه‌كانیان ڕم و تیرن،
زمانیشیان شمشێری تیژه‌.
5
ئه‌ی خودایه‌، به‌سه‌ر ئاسماندا به‌رزببه‌وه‌،
با شكۆی تۆ به‌سه‌ر هه‌موو زه‌وییه‌وه‌ بێت.
6
تۆڕیان ناوه‌ته‌وه‌ بۆ پێیه‌كانم،
گیانم په‌رێشانه‌.
چاڵێكیان له‌پێشم هه‌ڵكه‌ند،
به‌ڵام خۆیان تێی كه‌وتن.
7
دڵم چه‌سپاوه‌، ئه‌ی خودایه‌،
دڵم چه‌سپاوه‌،
سروود ده‌ڵێم و مۆسیقا ده‌ژه‌نم.
8
ئه‌ی گیانی من، هه‌سته‌!
ئه‌ی ساز و قیساره‌، هه‌ستن!
من به‌ره‌به‌یانان هه‌ڵده‌ستم.
9
ئه‌ی په‌روه‌ردگار، من له‌نێو گه‌لان ستایشت ده‌كه‌م،
له‌نێو نه‌ته‌وه‌كان گۆرانیت بۆ ده‌ڵێم،
10
چونكه‌ خۆشه‌ویستییه‌ نه‌گۆڕه‌كه‌ت ده‌گاته‌ ئاسمان،
دڵسۆزیت ده‌گاته‌ هه‌وره‌كان.
11
ئه‌ی خودایه‌، به‌سه‌ر ئاسماندا به‌رزببه‌وه‌،
با شكۆی تۆ به‌سه‌ر هه‌موو زه‌وییه‌وه‌ بێت.
  1. a. 57‏:2 \+xt بڕوانه‌ 138‏:8‏\+xt*.
  2. b. 57‏:3 له‌ ده‌قی عیبری لێره‌ و له‌ ئایه‌تی 6، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.