عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
بۆ سه‌رۆكی كۆمه‌ڵی مۆسیقاژه‌نان، به‌ ئامێره‌ ژێداره‌كان. هۆنراوه‌یه‌كی داوده‌ كاتێك زیفییه‌كان[a] هاتن و به‌ شاولیان گوت: «داود له‌لای ئێمه‌ خۆی شاردووه‌ته‌وه‌.» 
1
ئه‌ی خودایه‌، به‌ ناوی خۆت ڕزگارم بكه‌،
به‌ هێزی خۆت ئه‌ستۆپاكیم بسه‌لمێنه‌.
2
ئه‌ی خودایه‌، گوێ له‌ نوێژم بگره‌،
قسه‌كانی ده‌مم ببیسته‌.
3
چونكه‌ بێگانه‌ لێم هه‌ستاون،
دڵڕه‌قه‌كان ده‌یانه‌وێ بمكوژن،
ئه‌وانه‌ی ڕوویان له‌ خودا نه‌كردووه‌.[b]
4
به‌ ڕاستی خودا یارمه‌تیده‌ری منه‌،
په‌روه‌ردگار پشتگیری گیانم ده‌كات.
5
با خراپه‌ بگه‌ڕێته‌وه‌ سه‌ر دوژمنه‌كانم،
به‌ دڵسۆزی خۆت له‌ ناویان ببه‌.
6
ئه‌ی یه‌زدان، به‌خشینی[c] ئازادت پێشكه‌ش ده‌كه‌م،
ستایشی ناوت ده‌كه‌م، چونكه‌ چاكه‌.
7
چونكه‌ له‌ هه‌موو ته‌نگانه‌كان ده‌ربازی كردووم،
سه‌ركه‌وتووانه‌ چاوم بڕیوه‌ته‌ دوژمنه‌كانم.
  1. a. 54‏:0 دانیشتووانی زیف، كه‌ شارێك بوو له‌ ناوچه‌ شاخاوییه‌كه‌ی یه‌هودا. ئێستا به‌ گردی زیف به‌ناوبانگه‌. ده‌كه‌وێته‌ دووری شه‌ش كیلۆمه‌تر له‌ باشووری ڕۆژهه‌ڵاتی حه‌برۆن.
  2. b. 54‏:3 له‌ ده‌قی عیبری لێره‌ وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.
  3. c. 54‏:6 بڕوانه‌\+xt لێڤییه‌كان 22‏:18‏-23.‏\+xt*‏