عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
هۆنراوه‌یه‌كی داود. 
1
خۆزگه‌ ده‌خوازرێ به‌وه‌ی له‌ یاخیبوونه‌كانی به‌خشراوه‌،
گوناهه‌كانی داپۆشراوه‌.
2
خۆزگه‌ ده‌خوازرێ به‌و كه‌سه‌ی
كه‌ یه‌زدان تاوانی له‌سه‌ر ناژمێرێت و
له‌ ڕۆحه‌كه‌ی بێ فێڵه‌.
3
كاتێك دانم به‌ گوناهه‌كانمدا نه‌نا،
ئێسقانه‌كانم پووكانه‌وه‌،
له‌ ناڵینم به‌ درێژایی ڕۆژ.
4
چونكه‌ به‌ شه‌و و به‌ ڕۆژ،
ده‌ستت به‌سه‌ر سه‌رمه‌وه‌ قورس بوو،
ته‌ڕێتیم گۆڕا بۆ وشكی هاوین.[a]
5
ئینجا له‌لای تۆدا دانده‌نێم به‌ گوناهم و
تاوانم ناشارمه‌وه‌.
گوتم: «له‌لای یه‌زدان دانده‌نێم به‌ یاخیبوونم.»
تۆش له‌ تاوانی گوناهم خۆشبوویت.
6
بۆیه‌ با هه‌موو خواناسێك لێت بپاڕێته‌وه‌
له‌ كاتی خۆی بتدۆزێته‌وه‌،
بێگومان كه‌ لافاو هه‌ستا، نایگاتێ.
7
تۆ په‌ناگای منیت،
له‌ ته‌نگانه‌ ده‌مپارێزی و
به‌ سروودی ده‌ربازبوون ده‌ورم ده‌ده‌یت.
8
خودا ده‌فه‌رموێت: «من فێرت ده‌كه‌م و ڕێنماییت ده‌كه‌م بۆ ئه‌و ڕێگایه‌ی كه‌ ده‌بێت پێیدا بڕۆیت،
ئامۆژگاریت ده‌كه‌م و چاودێریت ده‌كه‌م.
9
وه‌ك ئه‌سپ و هێستر مه‌به‌ كه‌ هیچ تێناگه‌ن،
به‌ڵكو ده‌بێت لغاوی له‌ ده‌م بكرێت و جڵه‌وی ڕابكێشرێت،
بۆ ئه‌وه‌ی لێت نزیك ببێته‌وه‌.
10
به‌دكاره‌كان ئازاریان زۆره‌،
به‌ڵام ئه‌وه‌ی پشت به‌ یه‌زدان ببه‌ستێت،
خۆشه‌ویستی نه‌گۆڕ ده‌وری ده‌دات.»
11
ئه‌ی سه‌رڕاسته‌كان، شاد بن به‌ یه‌زدان و دڵخۆش بن،
ئه‌ی دڵڕاسته‌كان، گۆرانی بڵێن!
  1. a. 32‏:4 له‌ ده‌قی عیبری لێره‌ و له‌ ئایه‌ته‌كانی 5 و 7، وشه‌ی \+tl سه‌لاه‌\+tl* هه‌یه‌ كه‌ له‌وانه‌یه‌ ئاماژه‌یه‌كه‌ بۆ وه‌ستانی مۆسیقا و خوێندنه‌وه‌.