عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .
کتێبی پیرۆز
- گۆرانی گەشتیاران.
- 1
- چاوم بەرەو چیاکان[a] هەڵدەبڕم،
یارمەتی من لەکوێوە دێت؟ - 2
- یارمەتی من لەلای یەزدانەوەیە،
دروستکەری ئاسمان و زەوی. - 3
- لێ ناگەڕێت پێت بخزێت،
ئەوەی دەتپارێزێت خەواڵوو نابێت. - 4
- بێگومان ئەوەی ئیسرائیل دەپارێزێت
خەواڵوو نابێت و نانوێت. - 5
- یەزدان پارێزگاری تۆیە،
یەزدان سێبەری تۆیە لەلای دەستی ڕاستت، - 6
- نە خۆر بە ڕۆژ ئەزیەتت دەدات،
نە مانگ بە شەو. - 7
- یەزدان لە هەموو خراپەیەک دەتپارێزێت،
گیانت دەپارێزێت. - 8
- یەزدان پارێزگاری هاتوچۆت دەکات،
لە ئێستاوە و بۆ هەتاهەتایە.
- a. 121:1 مەبەستی چیاکانی دەوری ئۆرشەلیمە.
