عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
كه‌سی دووره‌په‌رێز دوای ئاره‌زووی خۆی كه‌وتووه‌،
به‌ ڕووی هه‌موو داناییه‌كی ته‌واودا ده‌ته‌قێته‌وه‌.
2
گێل خۆشی له‌ تێگه‌یشتن نابینێت،
به‌ڵكو به‌ په‌خشكردنی ئه‌وه‌ی له‌ دڵیدایه‌.
3
به‌ هاتنی خراپه‌كار سووكایه‌تیش دێت،
له‌گه‌ڵ شه‌رمه‌زاریش ڕیسوایی.
4
قسه‌ی ده‌می مرۆڤ ئاوێكی قووڵه‌،
به‌ڵام سه‌رچاوه‌ی دانایی ڕووبارێكی هه‌ڵچووه‌.
5
نه‌ لایه‌نگری خراپه‌كار باشه‌،
نه‌ بێبه‌شكردنی ڕاستودروست له‌ دادپه‌روه‌ری.
6
لێوه‌كانی كه‌سی گێل ده‌یهێننه‌ ناو ناكۆكییه‌وه‌،
ده‌می بانگی لێدان ده‌كات.
7
ده‌می گێل ده‌بێته‌ هۆی له‌ناوچوونی،
لێوه‌كانیشی ته‌ڵه‌ن بۆ گیانی.
8
قسه‌كانی ده‌مشڕ وه‌ك پارووی به‌تامه‌،
شۆڕ ده‌بێته‌وه‌ ناو ورگ.
9
ئه‌وه‌ی سست بێت له‌ كاره‌كه‌ی
برای وه‌ستای وێرانكردنه‌.
10
ناوی یه‌زدان قولله‌یه‌كی به‌هێزه‌،
كه‌سی ڕاستودروست بۆ ئه‌وێ ڕاده‌كات و په‌ناگیر ده‌بێت.
11
سامانی ده‌وڵه‌مه‌ند شاری قه‌ڵابه‌ندیه‌تی،
وه‌ك شوورایه‌كی بڵنده‌ به‌ خه‌یاڵی ئه‌و.
12
پێش شكستهێنان دڵی مرۆڤ به‌فیزه‌،
به‌ڵام پێش ڕێزلێنان بێفیزه‌.
13
ئه‌وه‌ی وه‌ڵامی شتێك بداته‌وه‌ پێش بیستنی
ده‌بێته‌ مایه‌ی گێلایه‌تی و شه‌رمه‌زاری بۆی.
14
ڕۆحی مرۆڤ به‌رگه‌ی نه‌خۆشی ده‌گرێت،
به‌ڵام ڕۆحی تێكشكاو كێ به‌رگه‌ی ده‌گرێت؟
15
دڵی پیاوی تێگه‌یشتوو زانیاری وه‌رده‌گرێت،
گوێی دانایانیش داوای زانینی لێ ده‌كات.
16
دیاری مرۆڤ ڕێگای خۆش ده‌كات و
به‌ره‌و ئاماده‌بوونی گه‌وره‌ پیاوانی ده‌بات.
17
ئه‌وه‌ی یه‌كه‌م جار سكاڵا بكات له‌وه‌ ده‌چێت ڕاست بێت،
هه‌تا نزیكه‌كه‌ی دێت و لێی ده‌كۆڵێته‌وه‌.
18
تیروپشك ناكۆكی ده‌بڕێنێته‌وه‌ و
به‌هێزه‌كان له‌ یه‌كتر جیا ده‌كاته‌وه‌.
19
خراپه‌ ده‌رهه‌ق به‌ برا، ئاشتكردنه‌وه‌ی له‌ شاری قه‌ڵابه‌ند سه‌ختتره‌،
ناكۆكیش وه‌ك شمشیره‌ی[a] قه‌ڵایه‌.
20
له‌ به‌روبوومی ده‌می مرۆڤ سكی تێرده‌بێت،
له‌ دروێنه‌ی لێوه‌كانی خۆی تێر ده‌خوات.
21
مردن و ژیان به‌ ده‌ست زمانه‌،
ئه‌وه‌ی حه‌زی لێی بێت به‌روبوومه‌كه‌ی ده‌خوات.
22
ئه‌وه‌ی ژنێكی ده‌ست بكه‌وێت خێرێكی ده‌ست ده‌كه‌وێت،
ڕه‌زامه‌ندی یه‌زدانیش به‌ده‌ستده‌هێنێت.
23
هه‌ژار بۆ به‌زه‌یی ده‌پاڕێته‌وه‌،
به‌ڵام ده‌وڵه‌مه‌ند به‌ ڕه‌قی وه‌ڵام ده‌داته‌وه‌.
24
پیاو براده‌ری زۆر بێت خۆی گرفتار ده‌كات،
به‌ڵام دۆستێك هه‌یه‌ له‌ برا نزیكتره‌.
  1. a. 18‏:19 شمشیر، پارچه‌ دارێك بووه‌ له‌ جیاتی قوفڵ له‌ دواوه‌ی ده‌رگا به‌ شێوه‌ی ئاسۆیی دانراوه‌ بۆ داخستنی ده‌رگا.