عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
نموونه‌ی ڕه‌زه‌وانه‌ كرێگرته‌كان 
1
ده‌ستی پێكرد به‌ نموونه‌ قسه‌یان بۆ بكات: «كابرایه‌ك ڕه‌زێكی چاند، ده‌وروپشته‌كه‌ی په‌رژین كرد، چاڵێكی بۆ ترێ گوشین هه‌ڵكه‌ند و قولله‌یه‌كی چاودێری بنیاد نا. به‌ ڕه‌زه‌وانانی سپارد و گه‌شتی كرد.
2
له‌ وه‌رزی خۆیدا خزمه‌تكارێكی بۆ ڕه‌زه‌وانه‌كان نارد، تاكو به‌رهه‌می ڕه‌زه‌كه‌ له‌ ڕه‌زه‌وانه‌كان وه‌ربگرێت.
3
به‌ڵام گرتییان و لێیاندا و به‌ ده‌ستی به‌تاڵ ناردییانه‌وه‌.
4
دیسان خزمه‌تكارێكی دیكه‌ی بۆ ناردن، سه‌ری ئه‌میشیان شكاند و سووكایه‌تییان پێ كرد.
5
یه‌كێكی دیكه‌شی نارد، ئه‌ویشیان كوشت. زۆر خزمه‌تكاری دیكه‌شی نارد، له‌ هه‌ندێكیان دا و هه‌ندێكیان كوشت.
6
«یه‌كێكی مابوو، كوڕه‌ خۆشه‌ویسته‌كه‌ی، له‌ كۆتاییدا ئه‌ویشی بۆ لایان نارد، گوتی: ”ڕێزی كوڕه‌كه‌م ده‌گرن.“
7
«به‌ڵام ئه‌و ڕه‌زه‌وانانه‌ به‌ یه‌كتریان گوت: ”ئه‌وه‌تا میراتگر، با بیكوژین، تاكو ببینه‌ میراتگر.“
8
ئینجا گرتیان و كوشتیان و فڕێیان دایه‌ ده‌ره‌وه‌ی ڕه‌زه‌كه‌.
9
«خاوه‌نی ڕه‌زه‌كه‌ چی ده‌كات؟ دێت و ڕه‌زه‌وانه‌كان له‌ناوده‌بات و ڕه‌زه‌كه‌ ده‌داته‌ خه‌ڵكی دیكه‌.
10
ئه‌م نووسراوه‌ پیرۆزه‌تان نه‌خوێندووه‌ته‌وه‌:
«{ئه‌و به‌رده‌ی وه‌ستاكان ڕه‌تیان كرده‌وه‌،
بوو به‌ گرنگترین به‌ردی بناغه‌[a] .
11
ئه‌مه‌ له‌لایه‌ن یه‌زدانه‌وه‌ بوو،
له‌به‌رچاومان سه‌یره‌}[b] ؟»
12
كاهینانی باڵا ده‌یانویست بیگرن، چونكه‌ زانییان نموونه‌كه‌ی له‌سه‌ر ئه‌وان فه‌رموو، به‌ڵام له‌ خه‌ڵكه‌كه‌ ترسان، ئیتر وازیان لێ هێنا و ڕۆیشتن.
سه‌رانه‌دان به‌ قه‌یسه‌ر 
13
كاهینانی باڵا هه‌ندێك له‌ فه‌ریسییه‌كان و هێرۆدسییه‌كانیان[c] نارده‌ لای عیسا، تاكو به‌ وشه‌یه‌كی تووشی بكه‌ن.
14
هاتن و پێیان گوت: «مامۆستا، ده‌زانین تۆ ڕاستگۆیت، گوێ به‌ كه‌س ناده‌یت، چونكه‌ ته‌ماشای ڕووی خه‌ڵك ناكه‌یت، به‌ڵكو به‌ ڕاستی ڕێگای خودا فێر ده‌كه‌یت. دروسته‌ سه‌رانه‌ بدرێته‌ قه‌یسه‌ر یان نا؟ بیده‌ین یان نا؟»
15
به‌ڵام عیسا به‌ دووڕوویی ئه‌وانی زانی و پێی فه‌رموون: «بۆچی تاقیم ده‌كه‌نه‌وه‌؟ دینارێكم بۆ بهێنن با بیبینم.»
16
هێنایان و پێی فه‌رموون: «ئه‌م وێنه‌ و نووسینه‌ هی كێیه‌؟» وه‌ڵامیان دایه‌وه‌: «قه‌یسه‌ر.»
17
عیساش پێی فه‌رموون: «هی قه‌یسه‌ر بده‌نه‌ قه‌یسه‌ر، هی خوداش بده‌نه‌ خودا.» ئینجا لێی سه‌رسام بوون.
زیندووبوونه‌وه‌ی مردووان 
18
سه‌دوقییه‌كان[d] ، ئه‌وانه‌ی كه‌ ده‌ڵێن هه‌ستانه‌وه‌ نییه‌، هاتنه‌ لای و پرسیاریان لێكرد:
19
«مامۆستا، موسا بۆی نووسیوین[e] ، ئه‌گه‌ر یه‌كێك براكه‌ی به‌ وه‌جاخكوێری مرد و ژنه‌كه‌ی له‌پاش خۆی به‌جێهێشت، ئه‌وا براژنه‌كه‌ی ده‌خوازێته‌وه‌ و وه‌چه‌ بۆ براكه‌ی ده‌خاته‌وه‌.
20
حه‌وت برا هه‌بوون، یه‌كه‌میان ژنی هێنا و به‌ وه‌جاخكوێری مرد.
21
دووه‌م خواستییه‌وه‌ و به‌ وه‌جاخكوێری مرد، سێیه‌میش ئاوا.
22
هه‌ر حه‌وته‌كه‌ وه‌جاخكوێر بوون، له‌دوای هه‌موویان ژنه‌كه‌ش مرد.
23
له‌ هه‌ستانه‌وه‌دا، ژنه‌كه‌ بۆ كامیان ده‌بێت؟ چونكه‌ ژنی هه‌ر حه‌وتیان بووه‌.»
24
عیساش پێی فه‌رموون: «ئایا ئێوه‌ هه‌ڵه‌ نین، چونكه‌ نه‌ له‌ نووسراوه‌ پیرۆزه‌كان ده‌زانن و نه‌ هێزی خودا؟
25
كاتێك له‌ مردن هه‌ڵده‌ستێنرێنه‌وه‌، نه‌ ژن ده‌هێنن و نه‌ مێرد ده‌كه‌ن، به‌ڵكو وه‌ك فریشته‌ له‌ ئاسمان ده‌بن.
26
به‌ڵام ده‌رباره‌ی مردووان كه‌ هه‌ڵده‌ستنه‌وه‌، ئایا له‌ په‌ڕتووكی موسادا نه‌تانخوێندووه‌ته‌وه‌، چۆن له‌ ده‌وه‌نه‌كه‌دا خودا پێی فه‌رموو: {من خودای ئیبراهیم و خودای ئیسحاق و خودای یاقوبم}؟[f]
27
ئه‌و خودای مردووان نییه‌، به‌ڵكو هی زیندووانه‌. زۆر به‌ هه‌ڵه‌دا چوونه‌!»
گه‌وره‌ترین ڕاسپارده‌ 
28
یه‌كێك له‌ مامۆستایانی ته‌ورات هات، گوێی لێیان بوو گفتوگۆیان ده‌كرد، بینی عیسا وه‌ڵامێكی باشی دانه‌وه‌، لێی پرسی: «چ ڕاسپارده‌یه‌ك له‌ هه‌موویان گرنگتره‌؟»
29
عیسا وه‌ڵامی دایه‌وه‌: «له‌ هه‌موویان گرنگتر ئه‌مه‌یه‌: {ئه‌ی ئیسرائیل گوێ بگرن، یه‌زدانی په‌روه‌ردگارمان یه‌ك یه‌زدانه‌،
30
جا به‌ هه‌موو دڵ و به‌ هه‌موو گیان و به‌ هه‌موو بیر و به‌ هه‌موو تواناتانه‌وه‌ یه‌زدانی په‌روه‌ردگارتان خۆشبوێ.}[g]
31
له‌دوای ئه‌ویش ئه‌مه‌یه‌، {نزیكه‌كه‌ت وه‌ك خۆت خۆشبوێت،}[h] هیچ ڕاسپارده‌یه‌ك له‌م دوو ڕاسپارده‌یه‌ گرنگتر نییه‌.»
32
مامۆستای ته‌وراته‌كه‌ش پێی گوت: «ڕاسته‌ مامۆستا، ڕاستت فه‌رموو كه‌ یه‌ك خودا هه‌یه‌ و بێجگه‌ له‌ ئه‌و هیچ خودایه‌كی دیكه‌ نییه‌.
33
خۆشویستنی ئه‌ویش به‌ هه‌موو دڵ و به‌ هه‌موو تێگه‌یشتن و به‌ هه‌موو تواناوه‌، هه‌روه‌ها خۆشویستنی نزیك وه‌ك خۆت، له‌ هه‌موو قوربانی سووتاندن و سه‌ربڕدراوه‌كان باشتره‌.»
34
عیسا بینی به‌ داناییه‌وه‌ وه‌ڵامی دایه‌وه‌، پێی فه‌رموو: «له‌ پاشایه‌تی خوداوه‌ دوور نیت.» ئیتر كه‌س نه‌یوێرا هیچ پرسیارێكی دیكه‌ی لێ بكات.
مه‌سیح و داود 
35
كاتێك عیسا له‌ حه‌وشه‌كانی په‌رستگا خه‌ڵكی فێر ده‌كرد فه‌رمووی: «مامۆستایانی ته‌ورات چۆن ده‌ڵێن: ”مه‌سیح كوڕی داوده‌“؟
36
داود خۆی به‌ ڕۆحی پیرۆزه‌وه‌ گوتی:
«{یه‌زدان به‌ خاوه‌ن شكۆی منی فه‌رموو:
”له‌ ده‌سته‌ڕاستم دابنیشه‌
هه‌تا دوژمنانت ده‌خه‌مه‌ ژێر پێت.“}[i]
37
داود خۆی پێی ده‌ڵێ ”خاوه‌ن شكۆ“، ئیتر چۆن ده‌بێته‌ كوڕی؟»
خه‌ڵكه‌كه‌ زۆر به‌ خۆشییه‌وه‌ گوێیان لێی ده‌گرت.
38
له‌ فێركردنه‌كه‌یدا ده‌یفه‌رموو: «ئاگاداری مامۆستایانی ته‌ورات بن، حه‌ز ده‌كه‌ن به‌ جلی شۆڕه‌وه‌ بگه‌ڕێن و پێیان خۆشه‌ له‌ بازاڕدا سڵاویان لێ بكرێت،
39
له‌ كه‌نیشته‌كان ڕیزی پێشه‌وه‌ بگرن و له‌ ڕیزی سه‌ره‌وه‌ی میوانداری بن.
40
ماڵی بێوه‌ژن هه‌ڵده‌لووشن و بۆ خۆده‌رخستن نوێژه‌كانیان درێژ ده‌كه‌نه‌وه‌. ئه‌مانه‌ سزایان گه‌وره‌تره‌.»
به‌خشینی بێوه‌ژن 
41
عیسا به‌رامبه‌ر گه‌نجینه‌ دانیشت و سه‌یری كرد چۆن خه‌ڵكی پاره‌یان ده‌خه‌نه‌ ناو گه‌نجینه‌كه‌وه‌، زۆرێك له‌ ده‌وڵه‌مه‌نده‌كان پاره‌ی زۆریان داده‌نا.
42
بێوه‌ژنێكی هه‌ژار هات و دوو فلسی دانا كه‌ نیو عانه‌یه‌[j] .
43
قوتابییه‌كانی بانگكرد و پێی فه‌رموون: «ڕاستیتان پێ ده‌ڵێم، ئه‌م بێوه‌ژنه‌ هه‌ژاره‌، له‌ هه‌موو ئه‌وانه‌ی دیكه‌ پاره‌ی زیاتر خسته‌ ناو گه‌نجینه‌كه‌،
44
چونكه‌ هه‌موو له‌ زیاده‌ی خۆیان به‌خشیان، به‌ڵام ئه‌م بێوه‌ژنه‌، سه‌ره‌ڕای هه‌ژارییه‌كه‌ی هه‌موو بژێوییه‌كه‌ی به‌خشی.»
  1. a. 12‏:10 به‌ردێكی گه‌وره‌یه‌ كه‌ له‌ گۆشه‌ی دیوار داده‌نرێت، له‌و به‌ردانه‌ به‌هێزتره‌ كه‌ له‌ دیواره‌كه‌ به‌كاردێت و ده‌بێته‌ هۆی به‌هێزكردنی دیواره‌كه‌.
  2. b. 12‏:11 \+xt زه‌بووره‌كان 118‏:22‏،23‏\+xt*‏.
  3. c. 12‏:13 بڕوانه‌\+xt مه‌تا 22‏:16.‏\+xt*‏
  4. d. 12‏:18 چینێكی جوله‌كه‌ بوون كه‌ زۆربه‌یان كاهین بوون، باوه‌ڕیان به‌ فریشته‌ و هه‌ستانه‌وه‌ نه‌بوو.
  5. e. 12‏:19 بڕوانه‌ دواوتار 25‏:5‏-10.
  6. f. 12‏:26 \+xt ده‌رچوون 3‏:6.‏\+xt*‏
  7. g. 12‏:30 دواوتار 6‏:4، 5.
  8. h. 12‏:31 \+xt لێڤییه‌كان 19‏:18.‏\+xt*‏
  9. i. 12‏:36 \+xt زه‌بووره‌كان 110‏:1.‏\+xt*‏
  10. j. 12‏:42 یۆنانی: كودرانتیس. یه‌ك له‌ 64 به‌شی دینارێك.