عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
شێوه‌ گۆڕانی عیسا 
1
دوای شه‌ش ڕۆژ عیسا په‌ترۆس و یاقوب و یۆحه‌نای برای برد و به‌ ته‌نها بۆ سه‌ر چیایه‌كی به‌رز ڕابه‌رایه‌تی كردن.
2
له‌پێشیان شێوه‌ی گۆڕا، ڕووی وه‌ك ڕۆژ ده‌دره‌وشایه‌وه‌ و جله‌كانی وه‌ك ڕووناكی سپی هه‌ڵگه‌ڕان.
3
له‌ناكاو موسا و ئه‌لیاسیان بۆ ده‌ركه‌وت و له‌گه‌ڵ عیسادا كه‌وتنه‌ گفتوگۆ.
4
ئینجا په‌ترۆس به‌ عیسای گوت: «گه‌وره‌م، پێمان باشه‌ لێره‌ بین. ئه‌گه‌ر حه‌ز بكه‌یت لێره‌ سێ كه‌پر دروستده‌كه‌م، یه‌كێك بۆ تۆ و یه‌كێك بۆ موسا و یه‌كێكیش بۆ ئه‌لیاس.»
5
كاتێك قسه‌ی ده‌كرد، هه‌ورێكی ڕۆشن باڵی به‌سه‌ریاندا كێشا و ده‌نگێك له‌ هه‌وره‌كه‌وه‌ فه‌رمووی: «ئه‌مه‌ كوڕی خۆشه‌ویستمه‌، ئه‌وه‌ی پێی دڵشادم. گوێی لێ بگرن!»
6
كاتێك قوتابییه‌كان گوێیان لێبوو، به‌ده‌مدا كه‌وتن، زۆر ترسان.
7
به‌ڵام عیسا هات، ده‌ستی لێدان و فه‌رمووی: «هه‌ستن، مه‌ترسن!»
8
ئینجا چاویان هه‌ڵبڕی و له‌ عیسا زیاتر كه‌سیان نه‌بینی.
9
كاتێك له‌ چیاكه‌ ده‌هاتنه‌ خواره‌وه‌، عیسا فه‌رمانی پێدان: «ئه‌مه‌ی بینیتان به‌ كه‌سی مه‌ڵێن، هه‌تا كوڕی مرۆڤ له‌ناو مردووان هه‌ڵده‌ستێنرێته‌وه‌.»
10
قوتابییه‌كانی لێیان پرسی: «باشه‌ بۆچی مامۆستایانی ته‌ورات ده‌ڵێن ده‌بێت یه‌كه‌م جار ئه‌لیاس بێت؟»
11
عیسا وه‌ڵامی دانه‌وه‌: «ڕاسته‌، ئه‌لیاس دێت و هه‌موو شتێك ڕێك ده‌خاته‌وه‌.
12
به‌ڵام پێتان ده‌ڵێم: ئه‌لیاس هات و نه‌یانناسی، چییان ویست پێیان كرد. هه‌روه‌ها كوڕی مرۆڤیش به‌ ده‌ستیانه‌وه‌ ئازار ده‌چێژێت.»
13
ئه‌وسا قوتابییه‌كان تێگه‌یشتن كه‌ باسی یه‌حیای له‌ئاوهه‌ڵكێشی بۆ كردن.
ده‌ركردنی ڕۆحی پیس 
14
كاتێك گه‌یشتنه‌ لای خه‌ڵكه‌كه‌، كابرایه‌ك هات و له‌به‌رده‌می چۆكی دادا و
15
گوتی: «گه‌وره‌م، به‌زه‌ییت به‌ كوڕه‌كه‌مدا بێته‌وه‌، فێداره‌ و ئازارێكی زۆر ده‌چێژێت. زۆر جار ده‌كه‌وێته‌ ناو ئاگر و زۆر جاریش ناو ئاوه‌وه‌.
16
هێنامه‌ لای قوتابییه‌كانت، به‌ڵام نه‌یانتوانی چاكی بكه‌نه‌وه‌.»
17
جا عیسا وه‌ڵامی دایه‌وه‌: «ئه‌ی نه‌وه‌ی بێباوه‌ڕ و خوار، هه‌تا كه‌ی له‌گه‌ڵتان بم؟ هه‌تا كه‌ی به‌رگه‌تان بگرم؟ بیهێننه‌ ئێره‌ بۆ لام.»
18
عیسا له‌ ڕۆحه‌ پیسه‌كه‌ی ڕاخوڕی و له‌ كوڕه‌كه‌ هاته‌ ده‌ره‌وه‌، له‌و كاته‌وه‌ كوڕه‌كه‌ چاك بووه‌وه‌.
19
پاشان قوتابییه‌كان به‌ ته‌نها هاتنه‌ لای عیسا و گوتیان: «بۆچی ئێمه‌ نه‌مانتوانی ده‌ریبكه‌ین؟»
20
ئه‌ویش پێی فه‌رموون: «له‌به‌ر كه‌می باوه‌ڕتان. ڕاستیتان پێ ده‌ڵێم: ئه‌گه‌ر ئه‌وه‌نده‌ی ده‌نكه‌ خه‌رده‌لێك باوه‌ڕتان هه‌بێ، به‌و كێوه‌ ده‌ڵێن ”له‌وێ بڕۆ،“ ده‌ڕوات و شتێك بۆتان مه‌حاڵ نابێت. ⌟
21
به‌ڵام ئه‌م جۆره‌ ڕۆحانه‌ ده‌رناكرێن، به‌ نوێژ و ڕۆژوو نه‌بێت.⌞»
دووه‌م باسی مردنی عیسا 
22
كاتێك قوتابییه‌كان له‌ جه‌لیل كۆبوونه‌وه‌، عیسا پێی فه‌رموون: «كوڕی مرۆڤ ده‌درێته‌ ده‌ست خه‌ڵك و
23
ده‌یكوژن، له‌ ڕۆژی سێیه‌م هه‌ڵده‌ستێنرێته‌وه‌.» ئه‌وانیش زۆر دڵگران بوون.
باجی په‌رستگا 
24
كاتێك عیسا و قوتابییه‌كانی گه‌یشتنه‌ كه‌فه‌رناحوم، باجگرانی دوو درهه‌مه‌كه‌[a] هاتنه‌ لای په‌ترۆس و گوتیان: «ئه‌رێ مامۆستاتان دوو درهه‌مه‌كه‌ نادات؟»
25
گوتی: «به‌ڵێ.»
كاتێك په‌ترۆس هاته‌ ماڵه‌وه‌، عیسا پێشی كه‌وت و فه‌رمووی: «ڕات چییه‌ شیمۆن؟ پاشایانی زه‌وی سه‌رانه‌ و باج له‌ كێ وه‌رده‌گرن؟ له‌ هاوڵاتییانی خۆیان یان له‌ خه‌ڵكی بیانی؟»
26
په‌ترۆس گوتی: «له‌ بیانی.»
عیساش پێی فه‌رموو: «كه‌واته‌ ڕۆڵه‌كان ئازادن.
27
به‌ڵام تاكو بۆیان نه‌بینه‌ كۆسپ، بڕۆ ده‌ریاچه‌كه‌ و قولاپ هه‌ڵبده‌، یه‌كه‌م ماسی كه‌ ده‌یگریت، ده‌می بكه‌ره‌وه‌، دراوێكی ستاتیر[b] ده‌بینیته‌وه‌، بیبه‌ و له‌ جیاتی خۆم و خۆت بیانده‌رێ.»
  1. a. 17‏:24 باجی تایبه‌ت بووه‌ به‌ په‌رستگا، ساڵانه‌ كۆده‌كرایه‌وه‌. بڕوانه‌ \+xt ده‌رچوون 30‏:13‏\+xt*‏.
  2. b. 17‏:27 ستاتیر جۆره‌ دراوێك بووه‌ كه‌ ده‌یكرده‌ چوار درهه‌م.