عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
ئه‌ركسپاردن به‌ هارون و كوڕه‌كانی 
1
هه‌روه‌ها یه‌زدان به‌ موسای فه‌رموو:
2
«هارون و كوڕه‌كانی ببه‌، له‌گه‌ڵ جله‌كان و زه‌یتی ده‌ستنیشانكردنه‌كه‌ و جوانه‌گاكه‌ی قوربانی گوناه و دوو به‌رانه‌كه‌ و سه‌به‌ته‌ نانه‌ فه‌تیره‌كه‌.
3
هه‌موو كۆمه‌ڵیش له‌لای ده‌روازه‌ی چادری چاوپێكه‌وتن كۆبكه‌ره‌وه‌.»
4
موساش وه‌ك یه‌زدان فه‌رمانی پێ كرد، ئاوای كرد، ئیتر كۆمه‌ڵه‌كه‌ له‌لای ده‌روازه‌ی چادری چاوپێكه‌وتن كۆبوونه‌وه‌.
5
موسا به‌ كۆمه‌ڵه‌كه‌ی گوت: «یه‌زدان فه‌رمانی داوه‌ ئه‌مه‌ بكرێت.»
6
ئینجا موسا هارون و كوڕه‌كانی هێنایه‌ پێشه‌وه‌ و به‌ ئاو شوشتنی.
7
كراسه‌كه‌ی له‌به‌ر هارون كرد و كه‌مه‌ربه‌نده‌كه‌ی بۆ به‌ست، كه‌واكه‌ی له‌به‌ری كرد، ئێفۆده‌كه‌ی خسته‌ سه‌ر و به‌ پشتبه‌ستی ئێفۆده‌كه‌ به‌ستی و توندی كرد.
8
به‌رسینه‌كه‌ی له‌به‌ری كرد و ئوریم و تومیمه‌كه‌ی[a] خسته‌ ناو به‌رسینه‌كه‌.
9
مێزه‌ره‌كه‌شی خسته‌ سه‌ر سه‌ری هارون. له‌سه‌ر مێزه‌ره‌كه‌ به‌لای پێشه‌وه‌ پلێته‌ زێڕه‌كه‌ی دانا كه‌ تاجه‌گوڵینه‌ی پیرۆزه‌، هه‌روه‌ك یه‌زدان فه‌رمانی به‌ موسا كرد.
10
ئینجا موسا زه‌یتی ده‌ستنیشانكردنه‌كه‌ی هێنا و چادره‌كه‌ی په‌رستن[b] و هه‌رچی تێیدا بوو ده‌ستنیشانی كرد و ته‌رخانی كرد.
11
حه‌وت جاریش به‌سه‌ر قوربانگاكه‌دا پرژاندی و قوربانگاكه‌ و هه‌موو قاپوقاچاغه‌كانی و حه‌وزه‌كه‌ و بنكه‌كه‌ی ده‌ستنیشان كرد بۆ ته‌رخانكردنیان.
12
هه‌ندێك له‌ زه‌یتی ده‌ستنیشانكردنه‌كه‌شی له‌ سه‌ری هارون دا و ده‌ستنیشانی كرد بۆ ته‌رخانكردنی.
13
موسا كوڕه‌كانی هارونی هێنایه‌ پێشه‌وه‌ و كراسی له‌به‌ركردن و كه‌مه‌ربه‌ندی بۆ به‌ستن و سه‌رپێچه‌كانی بۆ توند كردنه‌وه‌، هه‌روه‌ك یه‌زدان فه‌رمانی به‌ موسا كرد.
14
ئینجا جوانه‌گاكه‌ی قوربانی گوناهی هێنایه‌ پێشه‌وه‌ و هارون و كوڕه‌كانی ده‌ستیان له‌سه‌ر سه‌ری جوانه‌گاكه‌ی گوناه دانا.
15
موسا سه‌ری بڕی و هه‌ندێك له‌ خوێنه‌كه‌ی برد و به‌ په‌نجه‌ی خوێنه‌كه‌ی له‌ هه‌موو قۆچه‌كانی قوربانگاكه‌ دا و قوربانگاكه‌ی پاككرده‌وه‌. پاشماوه‌ی خوێنه‌كه‌ی ڕشته‌ بنكه‌ی قوربانگاكه‌ و ته‌رخانی كرد بۆ كه‌فاره‌تكردن بۆی.
16
موسا هه‌موو ئه‌و پیوه‌ی كه‌ هه‌ناوی داپۆشیوه‌ له‌گه‌ڵ ئه‌وه‌ی له‌سه‌ر جگه‌ر و گورچیله‌كانه‌ و هه‌ردوو گورچیله‌كه‌ی برد و له‌سه‌ر قوربانگاكه‌ سووتاندنی.
17
به‌ڵام جوانه‌گاكه‌ی به‌ پێست و كه‌له‌ش و ڕیخه‌كه‌یه‌وه‌، له‌ ده‌ره‌وه‌ی ئۆردوگاكه‌ به‌ ئاگر سووتاند، هه‌روه‌ك یه‌زدان فه‌رمانی به‌ موسا كرد.
18
ئینجا به‌رانه‌كه‌ی قوربانی سووتاندنی هێنایه‌ پێشه‌وه‌ و هارون و كوڕه‌كانی ده‌ستیان له‌سه‌ر سه‌ری به‌رانه‌كه‌ دانا.
19
دوای ئه‌وه‌ موسا سه‌ری بڕی و خوێنه‌كه‌ی به‌سه‌ر هه‌موو لایه‌كی قوربانگاكه‌دا پرژاند.
20
به‌رانه‌كه‌ی پارچه‌پارچه‌ كرد و موسا سه‌ره‌كه‌ و پارچه‌كان و پیوه‌كه‌ی سووتاند.
21
به‌ڵام هه‌ناو و قاچه‌كانی به‌ ئاو شوشت، موسا هه‌موو به‌رانه‌كه‌ی له‌سه‌ر قوربانگاكه‌دا سووتاند، وه‌ك قوربانی به‌ ئاگر، بۆنی خۆشی، قوربانی به‌ ئاگر بۆ یه‌زدان، هه‌روه‌ك یه‌زدان فه‌رمانی به‌ موسا كرد.
22
ئینجا به‌رانی دووه‌م، به‌رانی ئه‌رك پێ سپاردنه‌كه‌ی هێنایه‌ پێشه‌وه‌، هارون و كوڕه‌كانی ده‌ستیان له‌سه‌ر سه‌ری به‌رانه‌كه‌ دانا.
23
موسا سه‌ری بڕی و له‌ خوێنه‌كه‌ی برد و له‌ شلكه‌ی گوێی ڕاستی هارونی دا، هه‌روه‌ها له‌ په‌نجه‌ گه‌وره‌ی ده‌ستی ڕاست و په‌نجه‌ گه‌وره‌ی پێی ڕاستی.
24
هه‌روه‌ها كوڕه‌كانی هارونی هێنایه‌ پێشه‌وه‌ و له‌ خوێنه‌كه‌ی هه‌ڵگرت و له‌ شلكه‌ی گوێی ڕاستیان و په‌نجه‌ گه‌وره‌ی ده‌ستی ڕاستیان و په‌نجه‌ گه‌وره‌ی پێی ڕاستیانی دا، پاشان خوێنی به‌سه‌ر هه‌موو لایه‌كی قوربانگاكه‌دا پرژاند.
25
له‌دوای ئه‌وه‌ پیو و دوگ و هه‌موو پیوه‌كه‌ی هه‌ناوی و سه‌ر جگه‌ر و گورچیله‌كان و هه‌ردوو گورچیله‌ و ڕانی ڕاستی برد.
26
هه‌روه‌ها له‌ سه‌به‌ته‌ی فه‌تیره‌كه‌، ئه‌وه‌ی له‌به‌رده‌م یه‌زدانه‌، نانێك و كولێره‌یه‌ك له‌وه‌ی به‌ زه‌یته‌ و ناسكه‌ نانێكی[c] برد و له‌سه‌ر پیوه‌كه‌ و له‌سه‌ر ڕانه‌ ڕاسته‌كه‌ی دانا.
27
هه‌مووی خستنه‌ سه‌ر ده‌ستی هارون و كوڕه‌كانی و له‌به‌رده‌م یه‌زدان وه‌ك قوربانی به‌رزكردنه‌وه‌ به‌رزیان كرده‌وه‌.
28
ئینجا موسا له‌ ده‌ستیانی وه‌رگرت و له‌گه‌ڵ قوربانی سووتاندنه‌كه‌ له‌سه‌ر قوربانگاكه‌ سووتاندی، ئه‌وه‌ قوربانی ئه‌رك پێ سپاردنه‌، بۆنی خۆشییه‌، قوربانی به‌ ئاگره‌ بۆ یه‌زدان.
29
هه‌روه‌ها موسا سنگی به‌رانی ئه‌ركسپاردنه‌كه‌ی برد كه‌ به‌شی موسا بوو، وه‌ك قوربانی به‌رزكردنه‌وه‌[d] له‌به‌رده‌م یه‌زدانی به‌رزی كرده‌وه‌، هه‌روه‌ك یه‌زدان فه‌رمانی به‌ موسا كرد.
30
پاشان موسا له‌ زه‌یتی ده‌ستنیشانكردنه‌كه‌ و له‌ خوێنه‌كه‌ی سه‌ر قوربانگاكه‌ی برد و به‌سه‌ر هارون و جله‌كانی و به‌سه‌ر كوڕه‌كانی و جلی كوڕه‌كانی پرژاند. هارون و جله‌كانی و كوڕه‌كانی و جلی كوڕه‌كانی پێ ته‌رخان كردن.
31
ئینجا موسا به‌ هارون و كوڕه‌كانی گوت: «گۆشته‌كه‌ له‌به‌رده‌م ده‌روازه‌ی چادری چاوپێكه‌وتن لێبنێن و هه‌ر له‌وێش بیخۆن، له‌گه‌ڵ ئه‌و نانه‌ی ناو سه‌به‌ته‌كه‌ش، قوربانی ئه‌ركسپاردن، وه‌ك فه‌رمانم كرد و گوتم: ”هارون و كوڕه‌كانی بیخۆن.“
32
ئه‌وه‌ی له‌ گۆشت و نانه‌كه‌ش ده‌مێنێته‌وه‌ به‌ ئاگر بیسووتێنن،
33
له‌لای ده‌روازه‌ی چادری چاوپێكه‌وتنیش دوور نه‌كه‌ونه‌وه‌، حه‌وت ڕۆژ هه‌تا ته‌واوی ڕۆژه‌كانی ئه‌ركسپاردنتان، چونكه‌ حه‌وت ڕۆژ ئه‌ركتان پێ ده‌سپێردرێت.
34
هه‌روه‌ك له‌م ڕۆژه‌دا كرا، یه‌زدان فه‌رمانی داوه‌ كه‌ بكرێت بۆ كه‌فاره‌تكردن بۆتان.
35
حه‌وت شه‌و و حه‌وت ڕۆژ له‌لای ده‌روازه‌ی چادری چاوپێكه‌وتن ده‌مێننه‌وه‌ و وریابن بۆ پارێزگاری له‌ ئه‌ركه‌كانی یه‌زدان، ئیتر نامرن، چونكه‌ ئاوا فه‌رمانم پێكراوه‌.»
36
جا هارون و كوڕه‌كانی هه‌موو ئه‌و شتانه‌ی یه‌زدان له‌ ڕێگه‌ی موسا فه‌رمانی پێ كردبوو، كردیان.
  1. a. 8‏:8 دوو به‌ردی گرانبه‌ها بوون، له‌ كاتی بڕیاردان بۆ زانینی خواستی خودا به‌كارهێنراون، بڕوانه‌ \+xt ده‌رچوون 28‏:30 و یه‌كه‌م ساموئێل 23‏:9‏-12.‏\+xt*‏
  2. b. 8‏:10 چادری په‌رستن: په‌رستگایه‌كی گواستراوه‌ بووه‌ كه‌ گه‌لی ئیسرائیل له‌گه‌ڵ خۆیان ده‌یانگواسته‌وه‌؛ \+xt بڕوانه‌ ده‌رچوون 36‏:8‏-38.‏\+xt*‏
  3. c. 8‏:26 ناسكه‌ نان: ناوه‌شكێنه‌.
  4. d. 8‏:29 له‌م قوربانییه‌دا موسا چه‌ند جارێك قوربانییه‌كه‌ به‌رز ده‌كاته‌وه‌ كه‌ هێمایه‌كه‌ بۆ ته‌رخانكردن بۆ خودا.