عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
قوربانیدان بۆ تاوان 
1
«”ئه‌مانه‌ش ڕێنماییه‌كانن ده‌رباره‌ی قوربانی تاوان[a] . ئه‌مه‌ هه‌ره‌پیرۆزه‌.
2
له‌و شوێنه‌ی قوربانی سووتاندن سه‌رده‌بڕدرێت هه‌ر له‌وێ قوربانی تاوانیش سه‌رده‌بڕدرێت. خوێنه‌كه‌شی به‌سه‌ر هه‌موو لایه‌كی قوربانگاكه‌دا ده‌ڕژێنرێت.
3
هه‌موو پیوه‌كه‌شی پێشكه‌ش ده‌كرێت، دوگه‌كه‌ی و ئه‌و پیوه‌ی هه‌ناوی داپۆشیوه‌،
4
له‌گه‌ڵ دوو گورچیله‌كه‌ و ئه‌و پیوه‌ی له‌سه‌ریانه‌، ئه‌وه‌ی له‌سه‌ر ناوقه‌ده‌ و ئه‌و پیوه‌ی له‌سه‌ر جگه‌ر و گورچیله‌كانه‌ لێی ده‌كاته‌وه‌،
5
كاهینه‌كه‌ له‌سه‌ر قوربانگاكه‌ ده‌یانسووتێنێت. قوربانی به‌ ئاگره‌ بۆ یه‌زدان، ئه‌مه‌ قوربانی تاوانه‌.
6
هه‌موو نێرینه‌یه‌ك له‌ كاهینه‌كان لێی ده‌خوات، به‌ڵام له‌ شوێنێكی پیرۆز ده‌خورێت، ئه‌مه‌ هه‌ره‌پیرۆزه‌.
7
«”قوربانی تاوان وه‌ك قوربانی گوناهه‌، یه‌ك فێركردن هه‌یه‌ ده‌رباره‌یان، ئه‌و كاهینه‌ی كه‌فاره‌تیان پێ ده‌كات بۆ ئه‌و ده‌بێت،
8
ئه‌و كاهینه‌ش كه‌ قوربانییه‌كی سووتاندن بۆ كه‌سێك ده‌كات، ئه‌وا پێستی ئه‌و قوربانییه‌ی سووتاندن كه‌ ده‌یكات بۆ ئه‌و ده‌بێت.
9
هه‌موو پێشكه‌شكراوێكی دانه‌وێڵه‌ش به‌ ته‌نوور كرابێته‌ نان و هه‌موو ئه‌وه‌ی له‌ناو تاوه‌ دروستكرابێت یان له‌سه‌ر ساج بۆ ئه‌و كاهینه‌ ده‌بێت كه‌ پێشكه‌شی ده‌كات،
10
هه‌روه‌ها هه‌موو پێشكه‌شكراوێكی دانه‌وێڵه‌ی به‌ زه‌یت شێلراو یان وشك، بۆ هه‌موو كوڕانی هارون ده‌بێت، هه‌ریه‌كه‌ وه‌ك براكه‌ی.
قوربانی هاوبه‌شی 
11
«”ئه‌مانه‌ش ڕێنماییه‌كانن ده‌رباره‌ی قوربانی هاوبه‌شی[b] ، ئه‌وه‌ی كه‌سێك ده‌توانێت بۆ یه‌زدانی بهێنێت.
12
«”ئه‌گه‌ر بۆ سوپاسكردن هێنای، ئه‌وا بۆ قوربانی سوپاسگوزاری كولێره‌ی فه‌تیره‌ی به‌ زه‌یت شێلراو و ناسكه‌ نانی[c] فه‌تیره‌ی به‌ زه‌یت چه‌وركراو و باشترین ئاردی شێلراو، كرابێته‌ كولێره‌ی به‌ زه‌یت شێلراو.
13
له‌گه‌ڵ كولێره‌ی به‌ هه‌ویرترش، قوربانییه‌كه‌ی له‌سه‌ر قوربانی سوپاسگوزاری بۆ ژیانه‌ هاوبه‌شییه‌كه‌ی پێشكه‌ش ده‌كات.
14
له‌ هه‌ر جۆرێكیان یه‌كێك وه‌ك پێشكه‌شكراوێك ده‌هێنێت، وه‌ك به‌خشینێك بۆ یه‌زدان، بۆ ئه‌و كاهینه‌ ده‌بێت كه‌ خوێنی قوربانی هاوبه‌شی ده‌پرژێنێت.
15
گۆشتی قوربانی سوپاسگوزاری بۆ ژیانی هاوبه‌شییه‌كه‌ی له‌ ڕۆژی قوربانییه‌كه‌ی ده‌خورێت، هیچی لێ ناهێڵێته‌وه‌ بۆ به‌یانی.
16
«”ئه‌گه‌ر قوربانییه‌كه‌ی نه‌زر[d] بوو یان به‌ خواستی خۆی بوو، ئه‌وا ڕۆژی پێشكه‌شكردنی قوربانییه‌كه‌ ده‌خورێت و بۆ سبه‌ینێش ئه‌وه‌ی لێی ماوه‌ته‌وه‌ ده‌خورێت.
17
به‌ڵام به‌رماوه‌ی گۆشتی قوربانییه‌كه‌ له‌ ڕۆژی سێیه‌م ده‌سووتێنرێ.
18
ئه‌گه‌ر له‌ ڕۆژی سێیه‌م له‌ گۆشتی قوربانی هاوبه‌شییه‌كه‌ خواردرا، ئه‌وا قوربانییه‌كه‌ قبوڵ نییه‌، ئه‌وه‌ی پێشكه‌شی كرد به‌ چاك بۆی دانانرێت، چونكه‌ قوربانییه‌كه‌ گڵاو بووه‌. ئه‌وه‌ی لێی بخوات ئه‌وا تاوانی خۆی له‌ ئه‌ستۆ ده‌گرێت.
19
«”ئه‌و گۆشته‌ش كه‌ به‌ر شتێكی گڵاو بكه‌وێت ئه‌وا به‌پێی ڕێوڕه‌سم ناخورێت، به‌ ئاگر ده‌سووتێنرێت. گۆشته‌كه‌ هه‌موو كه‌سێكی پاك به‌پێی ڕێوڕه‌سم لێی ده‌خوات،
20
به‌ڵام ئه‌و كه‌سه‌ی گۆشتی قوربانی هاوبه‌شی یه‌زدان ده‌خوات، له‌ كاتێكدا پیسی به‌ خۆیه‌وه‌ بوو، ئه‌وا ئه‌و كه‌سه‌ له‌نێو گه‌له‌كه‌یدا ده‌بڕدرێته‌وه‌.
21
ئه‌گه‌ر هه‌ركه‌سێك ده‌ست له‌ شتێكی گڵاو بدات یان به‌ر شتێكی گڵاو بكه‌وێت، گڵاوی مرۆڤێك یان ئاژه‌ڵێكی گڵاو[e] یان هه‌ر شتێكی قێزه‌ونی گڵاو، ئینجا له‌ گۆشتی قوربانی هاوبه‌شی یه‌زدان بخوات، ئه‌وا ئه‌و كه‌سه‌ له‌نێو گه‌له‌كه‌یدا ده‌بڕدرێته‌وه‌.“»
خواردنی پیو و خوێن قه‌ده‌غه‌كراون 
22
هه‌روه‌ها یه‌زدان به‌ موسای فه‌رموو:
23
«له‌گه‌ڵ نه‌وه‌ی ئیسرائیل بدوێ و بڵێ: ”پیوی ئاژه‌ڵی مێگه‌ل و گاوگۆتاڵ مه‌خۆن.
24
پیوی ئاژه‌ڵی مرداربووه‌وه‌ و پیوی ئه‌و ئاژه‌ڵه‌ی بووه‌ به‌ نێچیر ئه‌وا بۆ هه‌موو كارێك به‌كاردێت، به‌ڵام ناخورێت.
25
هه‌ر یه‌كێك له‌ پیوی ئه‌و ئاژه‌ڵانه‌ی خوارد كه‌ بۆ یه‌زدان وه‌ك قوربانی به‌ ئاگر لێیان پێشكه‌ش ده‌كرێت، ئه‌و كه‌سه‌ له‌نێو گه‌له‌كه‌یدا ده‌بڕدرێته‌وه‌.
26
هیچ خوێنێكیش مه‌خۆن له‌ هه‌موو نشینگه‌كانتان، ئه‌گه‌ر هی باڵنده‌ بێت یان ئاژه‌ڵ.
27
هه‌ركه‌سێك خوێن بخوات، ئه‌و كه‌سه‌ له‌نێو گه‌له‌كه‌یدا ده‌بڕدرێته‌وه‌.“»
28
هه‌روه‌ها یه‌زدان به‌ موسای فه‌رموو:
29
«له‌گه‌ڵ نه‌وه‌ی ئیسرائیل بدوێ و بڵێ: ”ئه‌وه‌ی قوربانی هاوبه‌شی بۆ یه‌زدان پێشكه‌ش ده‌كات، له‌ قوربانی هاوبه‌شییه‌ پێشكه‌شكراوه‌كه‌ی بۆ یه‌زدان ده‌هێنێت.
30
كه‌سه‌كه‌ به‌ ده‌ستی خۆی قوربانییه‌ به‌ ئاگره‌كانی بۆ یه‌زدان ده‌هێنێت. پیوه‌كه‌ له‌گه‌ڵ سنگه‌كه‌ ده‌هێنێت. له‌به‌رده‌م یه‌زدان سنگه‌كه‌ وه‌ك قوربانی به‌رزكردنه‌وه‌[f] به‌رز ده‌كاته‌وه‌.
31
كاهینه‌كه‌ پیوه‌كه‌ له‌سه‌ر قوربانگاكه‌ ده‌سووتێنێت، به‌ڵام سنگه‌كه‌ بۆ هارون و كوڕه‌كانی ده‌بێت.
32
ڕانی ڕاسته‌ش له‌ قوربانییه‌كانی هاوبه‌شیتان وه‌ك پیتاك ده‌ده‌نه‌ كاهینه‌كه‌.
33
ئه‌وه‌ی خوێنی قوربانی هاوبه‌شی و پیوه‌كه‌ پێشكه‌ش ده‌كات له‌ كوڕانی هارون، ڕانه‌ ڕاسته‌كه‌ ده‌بێته‌ به‌شی ئه‌و،
34
چونكه‌ من له‌ قوربانییه‌كانی هاوبه‌شییان سنگی به‌رزكراوه‌ و ڕانه‌ پێشكه‌شكراوه‌كه‌م له‌ نه‌وه‌ی ئیسرائیل وه‌رگرتووه‌، به‌ هارونی كاهین و به‌ كوڕه‌كانیم داوه‌. به‌شێكی چه‌سپاوه‌ بۆ نه‌وه‌ی ئیسرائیل.“»
35
ئه‌وه‌ پشكی هارون و كوڕه‌كانییه‌تی له‌ قوربانییه‌ به‌ ئاگره‌كانی بۆ یه‌زدان، ڕۆژی پێشكه‌شكردنیان هه‌تا كاهینیێتی بۆ یه‌زدان بكه‌ن،
36
له‌و ڕۆژه‌ی ده‌ستنیشان كران[g] یه‌زدان فه‌رمانی به‌ نه‌وه‌ی ئیسرائیل دا بیانده‌نێ، وه‌ك به‌شێكی چه‌سپاو بۆ نه‌وه‌كانیان.
37
ئه‌وه‌ ڕێنماییه‌ بۆ قوربانی سووتاندن و پێشكه‌شكراوی دانه‌وێڵه‌ و قوربانی گوناه و قوربانی تاوان و قوربانی ئه‌رك پێ سپاردن و قوربانی هاوبه‌شی،
38
كه‌ یه‌زدان له‌ شاخی سینا دایه‌ موسا، بۆ ئه‌وه‌ی فه‌رمان به‌ نه‌وه‌ی ئیسرائیل بكات هه‌تا له‌ چۆڵه‌وانی سینا قوربانییه‌كانیان بۆ یه‌زدان پێشكه‌ش بكه‌ن.
  1. a. 7‏:1 قوربانی تاوان: بڕوانه‌\+xt لێڤییه‌كان 5‏:15 و ده‌رچوون 30‏:22‏-38.‏\+xt*‏
  2. b. 7‏:11 قوربانی هاوبه‌شی: \+xt بڕوانه‌ 3‏:1‏\+xt*.
  3. c. 7‏:12 ناسكه‌ نان: ناوه‌شكێنه‌.
  4. d. 7‏:16 نه‌زر: داوا له‌ خودا ده‌كرێت بۆ ئه‌نجامدانی كارێك و پابه‌ند ده‌كرێت به‌ مه‌رجێكه‌وه‌. ئه‌گه‌ر خودا ئه‌و كاره‌ بكات، ئه‌وا ده‌رئه‌نجام ئه‌میش ئه‌و كاره‌ ئه‌نجام ده‌دات كه‌ پێیه‌وه‌ پابه‌ندی كردووه‌. بڕوانه‌ \+xt سه‌رژمێری 21‏:2‏\+xt*‏.
  5. e. 7‏:21 بڕوانه‌ به‌شی 11.
  6. f. 7‏:30 قوربانی به‌رزكردنه‌وه‌: له‌م قوربانییه‌دا كه‌سه‌كه‌ چه‌ند جارێك قوربانییه‌كه‌ به‌رز ده‌كاته‌وه‌ كه‌ هێمایه‌كه‌ بۆ ته‌رخانكردن بۆ خودا.
  7. g. 7‏:36 شێوازی ئه‌م ده‌ستنیشانكردنه‌ بریتی بووه‌ له‌ زه‌یت پێداكردن به‌سه‌ر سه‌ری كاهینه‌كه‌. بڕوانه‌ \+xt ده‌رچوون 29‏:7‏\+xt*‏.