عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
شاره‌كانی په‌ناگا 
1
ئینجا یه‌زدان به‌ یه‌شوعی فه‌رموو:
2
«به‌ نه‌وه‌ی ئیسرائیل بڵێ: ”شاری په‌ناگا بۆ خۆتان دابنێن، هه‌روه‌ك له‌ ڕێگه‌ی موساوه‌ پێم فه‌رموون،
3
هه‌تا ئه‌و كه‌سه‌ی به‌بێ ئه‌نقه‌ست و به‌ ڕێككه‌وت كه‌سێكی دیكه‌ ده‌كوژێت بۆ ئه‌وێ هه‌ڵبێت، جا ده‌بێته‌ په‌ناگاتان له‌ ده‌ست خوێنگری تۆڵه‌سێنه‌ر.
4
«”با بۆ یه‌كێك له‌و شارانه‌ هه‌ڵبێت و له‌ ده‌روازه‌ی شاره‌كه‌دا بوه‌ستێت و كێشه‌كه‌ی بۆ پیرانی ئه‌و شاره‌ بگێڕێته‌وه‌ و ئه‌وانیش له‌ شاره‌كه‌دا ده‌یگرنه‌ خۆیان و شوێنێكی ده‌ده‌نێ، جا له‌نێویاندا نیشته‌جێ ده‌بێت.
5
ئه‌گه‌ر هاتوو خوێنگره‌كه‌ش[a] دوای كه‌وت، ئه‌وان تۆمه‌تباركراوه‌كه‌ ناده‌نه‌ ده‌ستیه‌وه‌، چونكه‌ به‌ ڕێككه‌وت نزیكه‌كه‌ی خۆی كوشتووه‌ و پێشتر ڕقی لێی نه‌بووه‌ته‌وه‌.
6
ئیتر له‌و شاره‌ نیشته‌جێ ده‌بێت، هه‌تا بۆ بڕیاردان له‌به‌رده‌م ئه‌نجومه‌ن ده‌وه‌ستێت، هه‌تا مردنی سه‌رۆكی كاهین له‌و سه‌رده‌مه‌دایه‌، ئینجا ئه‌و كه‌سه‌ ده‌توانێت بگه‌ڕێته‌وه‌ ماڵه‌كه‌ی خۆی، بۆ ئه‌و شارۆچكه‌یه‌ی لێی هه‌ڵاتبوو.“»
7
جا قه‌ده‌شیان له‌ جه‌لیل له‌ ناوچه‌ شاخاوییه‌كانی نه‌فتالی ته‌رخان كرد و شه‌خه‌میش له‌ ناوچه‌ شاخاوییه‌كانی ئه‌فرایم و قیریه‌ت ئه‌ربه‌ع كه‌ حه‌برۆنه‌ له‌ ناوچه‌ شاخاوییه‌كانی یه‌هودا.
8
هه‌روه‌ها له‌ به‌ری ڕۆژهه‌ڵاتی ڕووباری ئوردونیش له‌لای ئه‌ریحا، به‌چه‌ریان له‌ چۆڵه‌وانی له‌ ده‌شته‌ به‌رزه‌كه‌ی هۆزی ڕه‌ئوبێن نیشان كرد و ڕامۆت له‌ گلعاد له‌ هۆزی گاد و گۆلان له‌ باشان له‌ هۆزی مه‌نه‌شه‌.
9
ئه‌مانه‌ شاره‌كانی په‌ناگان بۆ هه‌موو نه‌وه‌ی ئیسرائیل و ئه‌و نامۆیه‌ی له‌نێویاندا ده‌ژیێت، هه‌تا ئه‌وه‌ی به‌بێ ئه‌نقه‌ست كه‌سێكی دیكه‌ی كوشت بۆ ئه‌وێ هه‌ڵبێت، جا به‌ ده‌ستی خوێنگره‌ تۆڵه‌سێنه‌ره‌كه‌ ناكوژرێت هه‌تا له‌به‌رده‌م ئه‌نجومه‌ن نه‌وه‌ستێت بۆ دادگاییكردنی.
  1. a. 20‏:5 ‏خوێنگر: خوێنخوا، نزیكترین پله‌ی كۆمه‌ڵایه‌تی كه‌ مافی هه‌یه‌ داوای تۆڵه‌ی خوێنی بكات. بڕوانه‌ پێشه‌كی په‌ڕتووكی ڕائووس.