عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پێدانی چه‌ند شارۆچكه‌یه‌ك به‌ لێڤییه‌كان 
1
ئه‌وه‌ بوو گه‌وره‌ی بنه‌ماڵه‌كانی لێڤییه‌كان هاتنه‌ لای ئه‌لعازاری كاهین و یه‌شوعی كوڕی نون و گه‌وره‌ی بنه‌ماڵه‌كانی هۆزه‌كانی دیكه‌ی نه‌وه‌ی ئیسرائیل،
2
له‌ شیلۆ له‌ خاكی كه‌نعان له‌گه‌ڵیاندا دوان و گوتیان: «یه‌زدان له‌ ڕێگه‌ی موساوه‌ فه‌رمانی داوه‌ كه‌ چه‌ند شارۆچكه‌یه‌كمان پێبدرێت بۆ نیشته‌جێبوون له‌گه‌ڵ له‌وه‌ڕگاكانیان بۆ ئاژه‌ڵی ماڵیمان.»
3
به‌پێی فه‌رمانی یه‌زدان نه‌وه‌ی ئیسرائیلیش له‌ میراته‌كه‌ی خۆیان ئه‌م شارۆچكانه‌ و له‌وه‌ڕگایانه‌یان دایه‌ لێڤییه‌كان:
4
جا تیروپشك بۆ خێڵه‌كانی قه‌هاتییه‌كان كرا، لێڤییه‌كان كه‌ له‌ نه‌وه‌ی هارونی كاهین بوون به‌ تیروپشك سێزده‌ شارۆچكه‌یان به‌ركه‌وت له‌ هۆزی یه‌هودا و هۆزی شیمۆن و هۆزی بنیامین.
5
بۆ پاشماوه‌ی نه‌وه‌ی قه‌هاتیش ده‌ شارۆچكه‌ به‌ تیروپشك له‌ خێڵه‌كانی هۆزی ئه‌فرایم و هۆزی دان و نیوه‌ی هۆزی مه‌نه‌شه‌یان به‌ركه‌وت.
6
بۆ نه‌وه‌ی گێرشۆنیش سێزده‌ شارۆچكه‌یان به‌ تیروپشك به‌ركه‌وت، له‌ خێڵه‌كانی هۆزی یه‌ساخار و هۆزی ئاشێر و هۆزی نه‌فتالی و نیوه‌ی هۆزی مه‌نه‌شه‌ له‌ باشان.
7
بۆ نه‌وه‌ی مه‌راریش به‌گوێره‌ی خێڵه‌كانیان دوازده‌ شارۆچكه‌یان به‌ركه‌وت، له‌ هۆزی ڕه‌ئوبێن و گاد و زه‌بولون.
8
جا نه‌وه‌ی ئیسرائیل به‌ تیروپشك ئه‌م شارۆچكه‌ و له‌وه‌ڕگایانه‌یان به‌ لێڤییه‌كان دا، هه‌روه‌ك یه‌زدان له‌ ڕێگه‌ی موساوه‌ فه‌رمانی دابوو.
9
له‌ هۆزی نه‌وه‌ی یه‌هودا و هۆزی نه‌وه‌ی شیمۆن ئه‌م شارۆچكانه‌یان دا كه‌ ئه‌مانه‌ ناوه‌كانیان بوون،
10
جا ئه‌م شارۆچكانه‌ بۆ نه‌وه‌ی هارون دیاری كرا له‌ خێڵه‌كانی قه‌هاتییه‌كان له‌ نه‌وه‌ی لێڤی، چونكه‌ تیروپشكی یه‌كه‌م بۆ ئه‌وان بوو:
11
قیریه‌ت ئه‌ربه‌ع باپیره‌ گه‌وره‌ی عه‌ناق كه‌ حه‌برۆنه‌ له‌ ناوچه‌ شاخاوییه‌كانی یه‌هودا له‌گه‌ڵ له‌وه‌ڕگاكانی ده‌وروبه‌ری،
12
به‌ڵام كێڵگه‌كان و گونده‌كانی ده‌وروبه‌ری شاره‌كه‌یان به‌ كالێبی كوڕی یه‌فونه‌ دا وه‌ك موڵكی خۆی.
13
به‌ نه‌وه‌ی هارونی كاهین حه‌برۆن و له‌وه‌ڕگاكانیان دا، كه‌ شارێكی په‌ناگای تۆمه‌تباركراوان به‌ كوشتن بوو، له‌گه‌ڵ لیڤنا،
14
یه‌تیر، ئه‌شته‌مۆع،
15
حۆلۆن، ده‌ڤیر،
16
عه‌ین، یوتا و بێت‌شه‌مه‌ش، نۆ شارۆچكه‌ به‌ له‌وه‌ڕگاكانیانه‌وه‌ له‌م دوو هۆزه‌[a] .
17
له‌ هۆزی بنیامینیش گبعۆن و گه‌ڤه‌ع و
18
عه‌ناتۆت و عه‌لمۆن، چوار شارۆچكه‌ به‌ له‌وه‌ڕگاكانیانه‌وه‌.
19
هه‌موو شارۆچكه‌كانی نه‌وه‌ی هارون كه‌ كاهینه‌كانن، سێزده‌ شارۆچكه‌ بوون به‌ له‌وه‌ڕگاكانیانه‌وه‌.
20
پاشماوه‌ی خێڵه‌كانی قه‌هات له‌ لێڤییه‌كان، به‌ تیروپشك ئه‌م شارۆچكانه‌یان له‌ هۆزی ئه‌فرایم به‌ركه‌وت:
21
له‌ ناوچه‌ شاخاوییه‌كانی ئه‌فرایم شارۆچكه‌ی شه‌خه‌میان پێدرا، كه‌ شارێكی په‌ناگای تۆمه‌تباركراوان بوو به‌ كوشتن، له‌گه‌ڵ گه‌زه‌ر و
22
قیڤچه‌یم و بێت‌حۆرۆن، چوار شارۆچكه‌ به‌ له‌وه‌ڕگاكانیانه‌وه‌.
23
له‌ هۆزی دانیش ئه‌مانه‌یان وه‌رگرت: ئه‌لته‌قێ و گیبه‌تۆن و
24
ئه‌یالۆن و گه‌ت ڕیمۆن، چوار شارۆچكه‌ به‌ له‌وه‌ڕگاكانیانه‌وه‌.
25
له‌ نیوه‌ی هۆزی مه‌نه‌شه‌ش ئه‌مانه‌یان وه‌رگرت: ته‌عنه‌ك و گه‌ت ڕیمۆن، دوو شارۆچكه‌ به‌ له‌وه‌ڕگاكانیانه‌وه‌.
26
هه‌موو شارۆچكه‌كان ده‌ بوون به‌ له‌وه‌ڕگاكانیانه‌وه‌ بۆ پاشماوه‌ی خێڵه‌كانی نه‌وه‌ی قه‌هات بوو.
27
بۆ نه‌وه‌ی گێرشۆنیش له‌ خێڵه‌كانی لێڤییه‌كان:
له‌ نیوه‌ی هۆزی مه‌نه‌شه‌وه‌:
گۆلان و له‌وه‌ڕگاكانی پێدرا له‌ باشان، كه‌ شارێكی په‌ناگای تۆمه‌تباركراوان به‌ كوشتن بوو، له‌گه‌ڵ به‌عه‌شته‌را و له‌وه‌ڕگاكانی، دوو شارۆچكه‌.
28
له‌ هۆزی نه‌وه‌ی یه‌ساخاریش ئه‌مانه‌یان وه‌رگرت:
قیشیۆن و داڤه‌ره‌ت و
29
یه‌رموت و كانی گه‌نیم، چوار شارۆچكه‌ به‌ له‌وه‌ڕگاكانیانه‌وه‌.
30
له‌ هۆزی نه‌وه‌ی ئاشێریش ئه‌مانه‌یان وه‌رگرت:
میشال و عه‌ڤدۆن و
31
حه‌لقه‌ت و ڕه‌حۆڤ، چوار شارۆچكه‌ به‌ له‌وه‌ڕگاكانیانه‌وه‌.
32
له‌ هۆزی نه‌فتالیش ئه‌مانه‌یان وه‌رگرت:
قه‌ده‌ش، شاری په‌ناگای تۆمه‌تباركراوان به‌ كوشتن، له‌ جه‌لیل، له‌گه‌ڵ حه‌مۆت دۆر و قه‌رتان، سێ شارۆچكه‌ به‌ له‌وه‌ڕگاكانیانه‌وه‌.
33
هه‌موو شارۆچكه‌كانی گێرشۆنییه‌كان به‌گوێره‌ی خێڵه‌كانیان، سێزده‌ شارۆچكه‌ بوون به‌ له‌وه‌ڕگاكانیانه‌وه‌.
34
بۆ خێڵه‌كانی نه‌وه‌ی مه‌راریش كه‌ پاشماوه‌ی لێڤییه‌كانن:
له‌ هۆزی زه‌بولون ئه‌مانه‌یان پێدان:
یۆقنه‌عام و قه‌رتا و
35
دیمنا و نه‌هه‌لال، چوار شارۆچكه‌ به‌ له‌وه‌ڕگاكانیانه‌وه‌.
36
له‌ هۆزی ڕه‌ئوبێنیش ئه‌مانه‌یان پێدان:
به‌چه‌ر و یه‌هه‌چ و
37
قه‌دێمۆت و مێفه‌عه‌ت، چوار شارۆچكه‌ به‌ له‌وه‌ڕگاكانیانه‌وه‌.
38
له‌ هۆزی گادیش ئه‌مانه‌یان وه‌رگرت:
ڕامۆت، شاری په‌ناگای تۆمه‌تباركراوان به‌ كوشتن، له‌ گلعاد، له‌گه‌ڵ مه‌حه‌نه‌یم و
39
حه‌شبۆن و یه‌عزێر، هه‌موو شارۆچكه‌كان به‌ له‌وه‌ڕگاكانیانه‌وه‌ چوار شارۆچكه‌ بوون.
40
جا هه‌موو ئه‌و شارۆچكانه‌ی بۆ نه‌وه‌ی مه‌راری بوون به‌گوێره‌ی خێڵه‌كانیان، ئه‌وانه‌ی له‌ خێڵه‌كانی لێڤییه‌كان مابوونه‌وه‌، تیروپشكه‌كه‌شیان دوازده‌ شارۆچكه‌ بوو.
41
هه‌موو شارۆچكه‌كانی لێڤییه‌كان له‌ناو ئه‌و موڵكه‌ی نه‌وه‌ی ئیسرائیل خاوه‌نی بوون، چل و هه‌شت شارۆچكه‌ بوون به‌ له‌وه‌ڕگاكانیانه‌وه‌.
42
ئه‌م شارۆچكانه‌ش شار به‌ شار بوون و له‌وه‌ڕگاكانیشیان به‌ چوارده‌وریاندا بوو، هه‌موو ئه‌م شارۆچكانه‌ وابوون.
43
جا یه‌زدان هه‌موو ئه‌و زه‌وییه‌ی دایه‌ نه‌وه‌ی ئیسرائیل كه‌ سوێندی خواردبوو بیداته‌ باوباپیرانیان، ئه‌وانیش ده‌ستیان به‌سه‌ردا گرت و تێیدا نیشته‌جێ بوون.
44
هه‌روه‌ها یه‌زدان له‌ ده‌وروبه‌ره‌كه‌یان ئاسووده‌ی كردن به‌پێی ئه‌و سوێنده‌ی بۆ باوباپیرانی ئه‌وانی خوارد، ته‌نها پیاوێكیش له‌ هه‌موو دوژمنه‌كانیان به‌رامبه‌ریان نه‌وه‌ستا، به‌ڵكو یه‌زدان هه‌موو دوژمنه‌كانی ئه‌وانی دایه‌ ده‌ستیان.
45
هیچ به‌ڵێنێك له‌ هه‌موو ئه‌و به‌ڵێنه‌ چاكانه‌ی یه‌زدان به‌ بنه‌ماڵه‌ی ئیسرائیلی فه‌رمووبوو نه‌شكاوه‌، به‌ڵكو هه‌مووی هاته‌ دی.
  1. a. 21‏:16 له‌م دوو هۆزه‌: واته‌ یه‌هودا و شیمۆن، بڕوانه‌ ئایه‌تی 9.