عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌شی هۆزی شیمۆن 
1
تیروپشكی دووه‌میش بۆ هۆزی شیمۆن به‌گوێره‌ی خێڵه‌كانیان كرا، میراته‌كه‌شیان كه‌وته‌ ناو میراته‌كه‌ی نه‌وه‌ی یه‌هوداوه‌.
2
جا له‌ میراته‌كه‌یان ئه‌مانه‌ بۆ ئه‌وان بوو:
بیری شابه‌ع كه‌ شابه‌عه‌، مۆلادا،
3
حه‌چه‌ر شوعال، بالا، عه‌چه‌م،
4
ئه‌لتۆله‌د، به‌تول، حۆرما،
5
چیقله‌گ، بێت‌مه‌ركاڤۆت، حه‌چه‌ر سوسا،
6
بێت‌له‌ڤائۆت، شاروحه‌ن، سێزده‌ شارۆچكه‌ به‌ گونده‌كانیانه‌وه‌؛
7
عه‌ین و ڕیمۆن و عه‌ته‌ر و عاشان، چوار شارۆچكه‌ به‌ گونده‌كانیانه‌وه‌؛
8
هه‌روه‌ها هه‌موو ئه‌و گوندانه‌ی به‌ چوارده‌وری ئه‌م شارۆچكانه‌دا بوون تاكو به‌عه‌له‌ت بئێر كه‌ ناسراوه‌ به‌ ڕامه‌ی نه‌قه‌ب.
ئه‌مه‌ میراتی هۆزی نه‌وه‌ی شیمۆن بوو به‌گوێره‌ی خێڵه‌كانیان.
9
میراته‌كه‌ی نه‌وه‌ی شیمۆن له‌ به‌شه‌كه‌ی نه‌وه‌ی یه‌هودا بوو، چونكه‌ به‌شه‌كه‌ی نه‌وه‌ی یه‌هودا زۆر بوو بۆیان، له‌به‌ر ئه‌وه‌ نه‌وه‌ی شیمۆن له‌ناو میراته‌كه‌ی یه‌هودا میراتیان به‌ركه‌وت.
به‌شی هۆزی زه‌بولون 
10
تیروپشكی سێیه‌میش به‌گوێره‌ی خێڵه‌كانیان بۆ نه‌وه‌ی زه‌بولون كرا:
سنووری میراته‌كه‌یان هه‌تا سارید بوو.
11
سنووره‌كه‌یان به‌ره‌و ڕۆژئاوا سه‌ركه‌وت بۆ مه‌رعه‌لا و گه‌یشته‌ ده‌باشه‌ت و گه‌یشته‌ شیوه‌كه‌ی نزیك به‌ یۆقنه‌عام.
12
ئینجا له‌ ساریده‌وه‌ به‌لای ڕۆژهه‌ڵات سووڕایه‌وه‌، ڕووه‌و خۆر هه‌ڵاتن به‌سه‌ر سنووری كیسلۆت تاڤۆر و به‌رده‌وام بوو بۆ داڤه‌ره‌ت و سه‌ركه‌وت بۆ یافیع.
13
له‌وێشه‌وه‌ به‌ره‌و ڕۆژهه‌ڵات په‌ڕییه‌وه‌، ڕووه‌و ڕۆژهه‌ڵات بۆ گه‌ت حێفه‌ر، عیتا قاچین و چوو بۆ ڕیمۆن و درێژ بووه‌وه‌ بۆ نێعا.
14
له‌وێشه‌وه‌ سنووره‌كه‌ به‌لای باكووردا سووڕایه‌وه‌ بۆ حه‌ناتۆن و كۆتاییه‌كه‌شی له‌لای دۆڵی یه‌فته‌ح ئێل بوو.
15
دوازده‌ شارۆچكه‌ بوون به‌ گونده‌كانیانه‌وه‌، له‌وانه‌ قه‌تات و نه‌هه‌لال و شیمرۆن و یه‌ده‌لا و بێت‌له‌حم[a] .
16
ئه‌م شارۆچكانه‌ له‌گه‌ڵ گونده‌كانیان میراتی نه‌وه‌ی زه‌بولون بوو به‌گوێره‌ی خێڵه‌كانیان.
به‌شی هۆزی یه‌ساخار 
17
تیروپشكی چواره‌میش بۆ یه‌ساخار بوو، بۆ نه‌وه‌ی یه‌ساخار به‌گوێره‌ی خێڵه‌كانیان.
18
سنووره‌كه‌شیان ئه‌مانه‌ بوو:
یه‌زره‌عیل و كه‌سولۆت و شونێم و
19
حه‌فاره‌یم و شیئۆن و ئه‌ناحه‌ره‌ت و
20
ڕه‌بیت و قیشیۆن و ئه‌ڤه‌چ و
21
ڕه‌مه‌ت و كانی گه‌نیم و كانی حه‌دا و بێت‌په‌چێچ بوو،
22
هه‌روه‌ها سنووره‌كه‌ گه‌یشته‌ تاڤۆر و شه‌حه‌چوما و بێت‌شه‌مه‌ش و كۆتایی سنووره‌كه‌یان له‌لای ڕووباری ئوردون بوو، شازده‌ شارۆچكه‌ بوون به‌ گونده‌كانیانه‌وه‌.
23
ئه‌مه‌ میراتی هۆزی نه‌وه‌ی یه‌ساخاره‌ به‌گوێره‌ی خێڵه‌كانیان، ئه‌م شارۆچكانه‌ له‌گه‌ڵ گونده‌كانیان.
به‌شی هۆزی ئاشێر 
24
تیروپشكی پێنجه‌میش بۆ هۆزی نه‌وه‌ی ئاشێر بوو به‌گوێره‌ی خێڵه‌كانیان،
25
سنووره‌كه‌شیان ئه‌مانه‌ بوو:
حه‌لقه‌ت و حه‌لی و به‌ته‌ن و ئه‌كشاف و
26
ئه‌له‌مه‌له‌خ و عه‌معاد و میشال و له‌لای ڕۆژئاواشه‌وه‌ گه‌یشته‌ كارمه‌ل و شیحۆر لیڤنات.
27
ئینجا به‌لای ڕۆژهه‌ڵات گه‌ڕایه‌وه‌ بۆ بێت‌داگۆن و گه‌یشته‌ زه‌بولون و دۆڵی ییفته‌ح ئێل له‌ باكووری بێت‌عێمه‌ق و نه‌عیێل و ئینجا به‌لای چه‌پی كاڤولدا تێپه‌ڕی
28
بۆ عه‌ڤدۆن و ڕه‌حۆڤ و حه‌مۆن و قانا و هه‌تا سه‌یدائی مه‌زن.
29
ئینجا سنووره‌كه‌ گه‌ڕایه‌وه‌ به‌ره‌و ڕامه‌ و بۆ شاری سوری قه‌ڵابه‌ند، له‌وێشه‌وه‌ سنووره‌كه‌ گه‌ڕایه‌وه‌ بۆ حۆسا و كۆتاییه‌كه‌شی له‌لای ده‌ریای سپی ناوه‌ڕاست[b] بوو له‌ ناوچه‌ی ئه‌كزیڤ،
30
عوما و ئه‌فێق و ڕه‌حۆڤ، بیست و دوو شارۆچكه‌ بوون به‌ گونده‌كانیانه‌وه‌.
31
ئه‌م شارۆچكانه‌ له‌گه‌ڵ گونده‌كانیان میراتی هۆزی نه‌وه‌ی ئاشێر بوو به‌گوێره‌ی خێڵه‌كانیان.
به‌شی هۆزی نه‌فتالی 
32
تیروپشكی شه‌شه‌میش بۆ نه‌وه‌ی نه‌فتالی بوو به‌گوێره‌ی خێڵه‌كانیان.
33
سنووره‌كه‌شیان له‌ حێله‌فه‌وه‌ له‌ دار به‌ڕووه‌كه‌وه‌ بوو له‌لای چه‌عه‌نه‌نیم و ئه‌دامی نه‌قه‌ڤ و یه‌ڤنئێل و تاكو له‌قووم و كۆتاییه‌كه‌شی له‌لای ڕووباری ئوردون بوو.
34
ئینجا سنووره‌كه‌ به‌ره‌و خۆرئاوا گه‌ڕایه‌وه‌ بۆ ئه‌زنۆت تاڤۆر و له‌وێشه‌وه‌ چوو بۆ حوقۆق و گه‌یشته‌ زه‌بولون له‌لای باشووره‌وه‌ و گه‌یشته‌ ئاشێر له‌لای ڕۆژئاواوه‌ و له‌ ڕۆژهه‌ڵاتیشه‌وه‌ بۆ یه‌هودای ڕووباری ئوردون.
35
شاره‌ قه‌ڵابه‌نده‌كانیش، چیدیم و چێر و حه‌ممه‌ت و ڕه‌قه‌ت و كینارێت و
36
ئه‌دامه‌ و ڕامه‌ و حاچۆر و
37
قه‌ده‌ش و ئه‌دره‌عی و كانی حاچۆر و
38
یه‌رئۆن و میگده‌ل ئێل و حۆرێم و بێت‌عه‌نات و بێت‌شه‌مه‌ش، نۆزده‌ شارۆچكه‌ بوون به‌ گونده‌كانیانه‌وه‌.
39
ئه‌م شارۆچكانه‌ له‌گه‌ڵ گونده‌كانیان میراتی هۆزی نه‌وه‌ی نه‌فتالی بوو به‌گوێره‌ی خێڵه‌كانیان.
به‌شی هۆزی دان 
40
تیروپشكی حه‌وته‌میش بۆ هۆزی نه‌وه‌ی دان به‌گوێره‌ی خێڵه‌كانیان كرا،
41
جا هه‌رێمه‌كانی میراتیان ئه‌مه‌ بوو:
چۆرعا و ئه‌شتائۆل و عیر شه‌مه‌ش و
42
شه‌عه‌له‌بین و ئه‌یالۆن و یه‌تلا و
43
ئێلۆن و تیمنا و عه‌قرۆن و
44
ئه‌لته‌قێ و گیبه‌تۆن و به‌عه‌لات و
45
یه‌هودییه‌ و به‌نێ‌ڤه‌ره‌ق و گه‌ت ڕیمۆن و
46
ئاوه‌كانی یه‌رقۆن و ڕه‌قۆن له‌گه‌ڵ ئه‌و سنوورانه‌ی به‌رامبه‌ر به‌ یافا بوو.
47
پاش ئه‌وه‌ی نه‌وه‌ی دان سنووره‌كه‌یان له‌ ده‌ست چوو، جا نه‌وه‌ی دان سه‌ركه‌وتن و له‌ دژی له‌شه‌م جه‌نگان و گرتیان و دایانه‌ به‌ر زه‌بری شمشێر و داگیریان كرد و تێیدا نیشته‌جێ بوون، ئینجا له‌شه‌میان ناونا دان، له‌سه‌ر ناوی دانی باوباپیرانیان.
48
ئه‌م شارۆچكانه‌ له‌گه‌ڵ گونده‌كانیان میراتی هۆزی نه‌وه‌ی دان بوو به‌گوێره‌ی خێڵه‌كانیان.
به‌شی یه‌شوع 
49
پاش ئه‌وه‌ی له‌ دابه‌شكردنی خاكه‌كه‌ بوونه‌وه‌ به‌پێی سنووره‌كانی، نه‌وه‌ی ئیسرائیل له‌نێو خۆیاندا میراتێكیان به‌ یه‌شوعی كوڕی نون دا.
50
به‌پێی فه‌رمایشتی یه‌زدان، ئه‌و شارۆچكه‌یه‌یان پێیدا كه‌ داوای كرد، تیمنه‌ت سه‌ره‌ح[c] له‌ ناوچه‌ شاخاوییه‌كانی ئه‌فرایم، جا شارۆچكه‌كه‌ی بنیاد نایه‌وه‌ و تێیدا نیشته‌جێ بوو.
51
ئه‌مه‌ میراته‌كانه‌ كه‌ ئه‌لعازاری كاهین و یه‌شوعی كوڕی نون و سه‌رۆكه‌كانی باوكانی هۆزه‌كانی نه‌وه‌ی ئیسرائیل له‌ شیلۆدا له‌به‌رده‌م یه‌زدان له‌لای ده‌روازه‌ی چادری چاوپێكه‌وتندا به‌ تیروپشك دابه‌شیان كرد و ئینجا له‌ دابه‌شكردنی خاكه‌كه‌ بوونه‌وه‌.
  1. a. 19‏:15 ئه‌م شوێنه‌ جیاوازه‌ له‌گه‌ڵ بێت‌له‌حمی یه‌هودا كه‌ دواتر داود و عیسا تێیدا له‌دایك بوون.
  2. b. 19‏:29 له‌لای ده‌ریای سپی ناوه‌ڕاست: عیبری: له‌لای ده‌ریاوه‌، لێره‌ و له‌ ئایه‌تی 8.
  3. c. 19‏:50 تیمنه‌ت سه‌ره‌ح: هه‌روه‌ها به‌ (تیمنه‌ت حه‌ره‌س) ناسراوه‌. بڕوانه‌ \+xt ڕابه‌ران 2‏:9‏\+xt*‏.