عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
به‌ڵام عیسا چوو بۆ كێوی زه‌یتوون.
ژنێكی داوێنپیس 
2
عیسا له‌ به‌ره‌به‌یاندا گه‌ڕایه‌وه‌ حه‌وشه‌كانی په‌رستگا، هه‌موو خه‌ڵك هاتنه‌ لای و ئه‌ویش دانیشت و فێری ده‌كردن.
3
مامۆستایانی ته‌ورات[a] و فه‌ریسییه‌كان ژنێكیان هێنا كه‌ له‌ كاتی داوێنپیسیدا گیرابوو، له‌ ناوه‌ڕاستی خه‌ڵكه‌كه‌ ڕایانگرت،
4
پێیان گوت: «مامۆستا، ئه‌م ژنه‌ له‌ كاتی ئه‌نجامدانی داوێنپیسیدا گیراوه‌.
5
موساش له‌ ته‌وراتدا فه‌رمانی پێ كردووین ژنی ئاوا به‌ردباران بكرێت. تۆ چی ده‌ڵێی؟»
6
ئه‌مه‌یان بۆ تاقیكردنه‌وه‌ی عیسا گوت، تاكو شتێكیان هه‌بێت سكاڵای لێ بكه‌ن.
به‌ڵام عیسا خۆی چه‌مانده‌وه‌ و به‌ په‌نجه‌ له‌سه‌ر زه‌وی ده‌ینووسی.
7
كاتێك ئه‌وان به‌رده‌وام بوون له‌ پرسیاركردن، عیسا هه‌ستایه‌وه‌ و پێی فه‌رموون: «كامه‌تان بێ گوناهه‌ با یه‌كه‌م بێت به‌ردێكی تێبگرێ.»
8
دیسان خۆی چه‌مانده‌وه‌ و له‌سه‌ر زه‌وی ده‌ینووسی.
9
ئه‌وانه‌ی گوێیان لێبوو، یه‌ك له‌دوای یه‌ك ڕۆیشتن، ده‌ستپێك له‌ پیرانه‌وه‌. ئه‌وسا عیسا به‌ ته‌نها مایه‌وه‌، ژنه‌كه‌ش له‌وێ ڕاوه‌ستابوو.
10
عیسا ڕاستبووه‌وه‌ و پێی فه‌رموو: «خانم، ئه‌وانه‌ چییان لێهات؟ كه‌س تاوانباری نه‌كردیت؟»
11
گوتی: «نه‌خێر گه‌وره‌م.»
عیسا فه‌رمووی: «منیش تاوانبارت ناكه‌م. بڕۆ ئیتر گوناه مه‌كه‌.»⌞
من ڕووناكی جیهانم 
12
دیسان عیسا قسه‌ی بۆ كردن و فه‌رمووی: «منم ڕووناكی جیهان. ئه‌وه‌ی دوام بكه‌وێت هه‌رگیز به‌ تاریكیدا ناڕوات، به‌ڵكو ڕووناكی ژیانی ده‌بێت.»
13
ئینجا فه‌ریسییه‌كان پێیان گوت: «تۆ شایه‌تی بۆ خۆت ده‌ده‌یت. شایه‌تییه‌كه‌ت ڕاست نییه‌.»
14
عیساش پێی فه‌رموون: «ته‌نانه‌ت ئه‌گه‌ر من شایه‌تی بۆ خۆم بده‌م، شایه‌تییه‌كه‌م ڕاسته‌، چونكه‌ ده‌زانم له‌كوێوه‌ هاتووم و بۆ كوێ ده‌ڕۆم. به‌ڵام ئێوه‌ نازانن من له‌كوێوه‌ هاتووم یان بۆ كوێ ده‌ڕۆم.
15
ئێوه‌ به‌گوێره‌ی پێوانه‌كانی مرۆڤ حوكم ده‌ده‌ن، به‌ڵام من كه‌س حوكم ناده‌م.
16
ئه‌گه‌ر حوكمیش بده‌م حوكمدانه‌كه‌م ڕاسته‌، چونكه‌ به‌ ته‌نها نیم، به‌ڵكو من و باوكین، ئه‌وه‌ی ناردوومی.
17
له‌ ته‌وراتی ئێوه‌شدا نووسراوه‌ كه‌ شایه‌تی دوو كه‌س ڕاسته‌.
18
منم شایه‌تی بۆ خۆم ده‌ده‌م، ئه‌و باوكه‌ش كه‌ منی ناردووه‌ شایه‌تیم بۆ ده‌دات.»
19
ئه‌وسا لێیان پرسی: «باوكت له‌كوێیه‌؟»
عیسا وه‌ڵامی دایه‌وه‌: «نه‌ من ده‌ناسن و نه‌ باوكیشم. ئه‌گه‌ر منتان بناسیایه‌ باوكی منیشتان ده‌ناسی.»
20
ئه‌و قسانه‌ی له‌ كاتێكدا فه‌رموو كه‌ له‌ناو حه‌وشه‌كانی په‌رستگا له‌ نزیك گه‌نجینه‌كه‌[b] خه‌ڵكی فێرده‌كرد، به‌ڵام كه‌س نه‌یگرت، چونكه‌ هێشتا كاتی نه‌هاتبوو.
21
دیسان عیسا پێی فه‌رموون: «من ده‌ڕۆم و ئێوه‌ به‌دوامدا ده‌گه‌ڕێن، به‌ڵام له‌ناو گوناهه‌كانتان ده‌مرن. ئێوه‌ ناتوانن بێنه‌ ئه‌و شوێنه‌ی من بۆی ده‌چم.»
22
جوله‌كه‌كان ده‌یانگوت: «ئایا خۆی ده‌كوژێت؟ چونكه‌ ده‌ڵێ: ”ئێوه‌ ناتوانن بێنه‌ ئه‌و شوێنه‌ی من بۆی ده‌چم.“»
23
ئیتر عیسا پێی فه‌رموون: «ئێوه‌ هی خواره‌وه‌ن، من هی سه‌ره‌وه‌م. ئێوه‌ هی ئه‌م جیهانه‌ن، به‌ڵام من هی ئه‌م جیهانه‌ نیم.
24
له‌به‌ر ئه‌وه‌ پێم گوتن: له‌ناو گوناهه‌كانتان ده‌مرن، چونكه‌ ئه‌گه‌ر باوه‌ڕ نه‌هێنن كه‌ من ئه‌وم، ئه‌وا له‌ناو گوناهه‌كانتان ده‌مرن.»
25
لێیان پرسی: «تۆ كێیت؟»
عیسا پێی فه‌رموون: «من هه‌ر ئه‌وه‌م كه‌ له‌ سه‌ره‌تاوه‌ پێم گوتن.
26
زۆر شتم هه‌یه‌ له‌سه‌رتان كه‌ بیڵێم و ئێوه‌ی پێ حوكم بده‌م. به‌ڵام ئه‌وه‌ی ناردوومی جێی متمانه‌یه‌، هه‌رچیم له‌و بیستووه‌ به‌ جیهانی ده‌ڵێم.»
27
ئه‌وان تێنه‌گه‌یشتن كه‌ باسی باوكی ده‌كات.
28
له‌به‌ر ئه‌وه‌ عیسا پێی فه‌رموون: «كاتێك كوڕی مرۆڤتان به‌رزكرده‌وه‌،[c] ئه‌وسا ده‌زانن كه‌ من ئه‌وم و له‌ خۆمه‌وه‌ هیچ ناكه‌م، به‌ڵكو وه‌ك باوك فێری كردووم قسه‌ ده‌كه‌م.
29
ئه‌وه‌ی ناردوومی له‌گه‌ڵمدایه‌ و به‌ ته‌نها به‌جێی نه‌هێشتووم، چونكه‌ هه‌میشه‌ ئه‌وه‌ ده‌كه‌م كه‌ جێی ڕه‌زامه‌ندی ئه‌وه‌.»
30
كاتێك ئه‌م قسانه‌ی ده‌كرد، زۆر كه‌س باوه‌ڕیان پێی هێنا.
ڕاستی ئازادتان ده‌كات 
31
عیسا به‌و جوله‌كانه‌ی فه‌رموو كه‌ باوه‌ڕیان پێی هێنابوو: «ئه‌گه‌ر له‌سه‌ر فێركردنه‌كانم بمێننه‌وه‌، ئه‌وا به‌ڕاستی قوتابی منن و
32
ڕاستی ده‌ناسن، ڕاستیش ئازادتان ده‌كات.»
33
وه‌ڵامیان دایه‌وه‌: «ئێمه‌ نه‌وه‌ی ئیبراهیمین، هه‌رگیز كۆیله‌ی كه‌س نه‌بووین. ئیتر چۆن ده‌فه‌رمووی: ”ئێوه‌ ئازاد ده‌بن“؟»
34
عیسا وه‌ڵامی دانه‌وه‌: «ڕاستی ڕاستیتان پێ ده‌ڵێم، هه‌ركه‌سێك گوناه بكات كۆیله‌ی گوناهه‌.
35
كۆیله‌ هه‌تاهه‌تایه‌ له‌ ماڵ نامێنێته‌وه‌، به‌ڵام كوڕ هه‌تاهه‌تایه‌ ده‌مێنێته‌وه‌.
36
ئه‌گه‌ر كوڕه‌كه‌ ئازادی كردن، ئه‌وا به‌ ڕاستی ئازاد ده‌بن.
37
ده‌زانم له‌ نه‌وه‌ی ئیبراهیمن. به‌ڵام هه‌وڵی كوشتنم ده‌ده‌ن، چونكه‌ په‌یامه‌كه‌م له‌ دڵی ئێوه‌دا جێگای نییه‌.
38
چیم له‌لای باوكم بینیوه‌ ده‌یڵێم، ئێوه‌ش چیتان له‌ باوكتانه‌وه‌ بیستووه‌ ده‌یكه‌ن.»
39
وه‌ڵامیان دایه‌وه‌: «باوكمان ئیبراهیمه‌.»
عیساش پێی فه‌رموون: «ئه‌گه‌ر ڕۆڵه‌ی ئیبراهیم بوونایه‌، كرداره‌كانی ئیبراهیمتان ده‌كرد.
40
به‌ڵام ئێستا هه‌وڵی كوشتنم ده‌ده‌ن، چونكه‌ من ئه‌و كه‌سه‌م ئه‌و ڕاستییه‌ی له‌ خوداوه‌ بیستم پێم گوتن. ئه‌مه‌ش ئیبراهیم نه‌یكردووه‌.
41
ئێوه‌ كرداره‌كانی باوكتان ده‌كه‌ن.»
جا پێیان گوت: «به‌ زۆڵی له‌دایك نه‌بووین. یه‌ك باوكمان هه‌یه‌ كه‌ خودایه‌.»
باوكی درۆ 
42
عیسا پێی فه‌رموون: «ئه‌گه‌ر خودا باوكتان بووایه‌، منتان خۆشده‌ویست، چونكه‌ له‌ خوداوه‌ ده‌رچووم و هاتووم. له‌ خۆمه‌وه‌ نه‌هاتووم، به‌ڵكو ئه‌و ناردوومی.
43
بۆچی له‌ قسه‌كانم تێناگه‌ن؟ چونكه‌ ئێوه‌ ناتوانن گوێ له‌ وشه‌كانم بگرن.
44
ئێوه‌ له‌ ئیبلیسی باوكتانن، ده‌تانه‌وێت به‌ ئاره‌زووه‌كانی باوكتان بكه‌ن. ئه‌و له‌ سه‌ره‌تاوه‌ بكوژ بووه‌، له‌ ڕاستیدا نه‌چه‌سپاوه‌، چونكه‌ ڕاستی له‌ ئه‌ودا نییه‌. كاتێك درۆ ده‌كات، به‌ زمانی خۆی قسه‌ ده‌كات، چونكه‌ درۆزنه‌ و باوكی درۆیه‌.
45
هه‌ر بۆیه‌، كاتێك من ڕاستی ده‌ڵێم ئێوه‌ باوه‌ڕم پێ ناكه‌ن!
46
كامه‌تان ده‌توانێت گوناهێكم له‌سه‌ر بسه‌لمێنێ؟ جا ئه‌گه‌ر ڕاستی ده‌ڵێم، بۆچی باوه‌ڕم پێ ناكه‌ن؟
47
ئه‌وه‌ی له‌ خوداوه‌یه‌، گوێ له‌ په‌یامی خودا ده‌گرێت. بۆیه‌ ئێوه‌ گوێ ناگرن، چونكه‌ له‌ خوداوه‌ نین.»
48
جوله‌كه‌كان وه‌ڵامیان دایه‌وه‌: «ئایا ئێمه‌ ڕاست ناڵێین كه‌ تۆ سامیره‌ییت و ڕۆحی پیست تێدایه‌؟»
به‌ر له‌ ئیبراهیم من هه‌م 
49
عیسا وه‌ڵامی دانه‌وه‌: «من ڕۆحی پیسم تێدا نییه‌، به‌ڵام ڕێزی باوكم ده‌گرم و ئێوه‌ش سووكایه‌تیم پێ ده‌كه‌ن.
50
داوای شكۆ بۆ خۆم ناكه‌م، به‌ڵام یه‌كێك هه‌یه‌ كه‌ بۆم داوا ده‌كات و حوكم ده‌دات.
51
ڕاستی ڕاستیتان پێ ده‌ڵێم: ئه‌گه‌ر یه‌كێك گوێڕایه‌ڵی وشه‌كانم بێت هه‌رگیز مردن نابینێت.»
52
پاشان جوله‌كه‌كان پێیان گوت: «ئێستا زانیمان ڕۆحی پیست تێدایه‌. ئیبراهیم و پێغه‌مبه‌ران مردن، كه‌چی تۆ ده‌ڵێی: ”ئه‌وه‌ی گوێڕایه‌ڵی وشه‌كانم بێت هه‌رگیز تامی مردن ناكات.“
53
ئایا تۆ له‌ ئیبراهیمی باوكمان گه‌وره‌تری كه‌ مرد؟ پێغه‌مبه‌رانیش مردن. خۆت به‌ چی داده‌نێیت؟»
54
عیسا وه‌ڵامی دانه‌وه‌: «ئه‌گه‌ر من خۆم شكۆدار بكه‌م، ئه‌وا شكۆمه‌ندییه‌كه‌م هیچ نییه‌، ئه‌وه‌ باوكمه‌ كه‌ شكۆدارم ده‌كات، ئه‌وه‌ی ئێوه‌ ده‌ڵێن خودامانه‌.
55
هه‌رچه‌نده‌ ئێوه‌ نایناسن، به‌ڵام من ده‌یناسم. ئه‌گه‌ر بڵێم نایناسم، وه‌ك ئێوه‌ ده‌بمه‌ درۆزن. به‌ڵام ده‌یناسم و گوێڕایه‌ڵی وشه‌كانی ده‌بم.
56
ئیبراهیمی باوكتان دڵشاد بوو كه‌ ڕۆژی هاتنی من ببینێت، جا ئه‌و ڕۆژه‌ی بینی و دڵخۆش بوو.»
57
جوله‌كه‌كان پێیان گوت: «تۆ جارێ ته‌مه‌نت نه‌بووه‌ به‌ په‌نجا ساڵ، ئیتر چۆن ده‌ڵێیت كه‌ ئیبراهیمت بینیوه‌؟»
58
عیسا پێی فه‌رموون: «ڕاستی ڕاستیتان پێ ده‌ڵێم، پێش ئه‌وه‌ی ئیبراهیم له‌دایك ببێت، من هه‌م.»
59
ئه‌وسا به‌ردیان هه‌ڵگرت تاكو به‌ردبارانی بكه‌ن، به‌ڵام عیسا خۆی شارده‌وه‌ و حه‌وشه‌كانی په‌رستگای به‌جێهێشت.
  1. a. 8‏:3 مالم.
  2. b. 8‏:20 شوێنێك بوو له‌ناو په‌رستگا، بۆ كۆكردنه‌وه‌ی به‌خشین.
  3. c. 8‏:28 لێره‌دا مه‌به‌ستی له‌ به‌رزكردنه‌وه‌یه‌تی بۆ سه‌ر خاچ. بڕوانه‌ \+xt یۆحه‌نا 14‏:3‏\+xt*‏ له‌گه‌ڵ \+xt سه‌رژمێری 21‏:8‏-9.‏\+xt*‏