عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
به‌ جیاوازی هه‌ڵسوكه‌وت مه‌كه‌ن 
1
ئه‌ی خوشكان و برایانم، ئێمه‌ی باوه‌ڕداران به‌ عیسای مه‌سیحی خاوه‌ن شكۆمان، نابێت جیاكاری له‌نێوان خه‌ڵكی بكه‌ین.
2
ئه‌گه‌ر پیاوێك هاته‌ ناو كۆڕه‌كه‌تان، ئه‌نگوستیله‌ی زێڕی له‌ په‌نجه‌ بوو و به‌رگی نایاب بوو، هه‌روه‌ها هه‌ژارێكیش به‌ به‌رگی پیس،
3
ته‌ماشای به‌رگه‌ نایابه‌كه‌تان كرد و گوتتان: «لێره‌ دانیشه‌ باشه‌،» به‌ هه‌ژاره‌كه‌ش بڵێن: «له‌وێ ڕابوه‌سته‌» یان «له‌به‌رپێم دانیشه‌،»
4
ئایا له‌نێوان خۆتاندا جیاكاری ناكه‌ن و به‌ بیری خراپ حوكم به‌سه‌ر یه‌كدا ناده‌ن؟
5
خوشك و برا خۆشه‌ویسته‌كانم، گوێ بگرن: ئایا خودا هه‌ژارانی ئه‌م جیهانه‌ی هه‌ڵنه‌بژاردووه‌ له‌ باوه‌ڕ ده‌وڵه‌مه‌ند بن و میراتگری شانشین بن كه‌ به‌ڵێنی داوه‌ بیدات به‌وانه‌ی خۆشیان ده‌وێت؟
6
به‌ڵام ئێوه‌ سووكایه‌تیتان به‌ هه‌ژاره‌كه‌ كرد. ئایا ده‌وڵه‌مه‌نده‌كان نین خۆیان به‌سه‌رتاندا ده‌سه‌پێنن و ڕاپێچی دادگاكانتان ده‌كه‌ن؟
7
ئایا ئه‌وان نین كفر به‌و ناوه‌ چاكه‌ ده‌كه‌ن كه‌ پێی بانگكراون؟
8
ئه‌گه‌ر به‌ڕاستی شه‌ریعه‌تی شاهانه‌تان هێناوه‌ته‌ دی كه‌ به‌گوێره‌ی نووسراوه‌ پیرۆزه‌كه‌ ده‌ڵێ: {نزیكه‌كه‌ت وه‌ك خۆت خۆشبوێت،}[a] چاك ده‌كه‌ن.
9
به‌ڵام ئه‌گه‌ر جیاكاری بكه‌ن، ئه‌وا گوناه ده‌كه‌ن و وه‌ك سه‌رپێچیكار له‌لایه‌ن شه‌ریعه‌ته‌وه‌ سه‌رزه‌نشت ده‌كرێن،
10
چونكه‌ ئه‌وه‌ی هه‌موو شه‌ریعه‌ت به‌جێبهێنێت، به‌ڵام ته‌نها به‌ندێكی بشكێنێت، ئه‌وا له‌ هه‌مووی تاوانباره‌.
11
ئه‌وه‌ی فه‌رموویه‌تی: {داوێنپیسی مه‌كه‌،}[b] هه‌روه‌ها فه‌رمووشیه‌تی: {مه‌كوژه‌.}[c] ئه‌گه‌ر داوێنپیسیت نه‌كرد به‌ڵام یه‌كێكت كوشت، ئه‌وا سه‌رپێچی شه‌ریعه‌تت كردووه‌.
12
ئاوا بدوێن و ئاوا كار بكه‌ن، وه‌ك به‌ شه‌ریعه‌تی ئازادی حوكم بدرێن،
13
چونكه‌ حوكمدان بێ به‌زه‌ییانه‌یه‌ بۆ ئه‌و كه‌سه‌ی كه‌ بێ به‌زه‌یی بووه‌، به‌ڵام به‌زه‌یی به‌سه‌ر حوكمداندا سه‌رده‌كه‌وێت.
باوه‌ڕ و كردار 
14
خوشكان و برایانم، چ سوودێكی هه‌یه‌ ئه‌گه‌ر یه‌كێك بڵێت باوه‌ڕم هه‌یه‌، به‌ڵام كرداری نه‌بێت؟ ئایا ئه‌م جۆره‌ باوه‌ڕه‌ ده‌توانێت ڕزگاری بكات؟
15
ئه‌گه‌ر خوشك یان برایه‌ك پێویستی به‌ جلوبه‌رگ و خواردنی ڕۆژانه‌ هه‌بوو،
16
یه‌كێكتان پێتان گوتن: «به‌خێر بچن، جلی گه‌رم له‌به‌ر بكه‌ن، تێر بخۆن،» و پێداویستییه‌كانی ژیانیان نه‌ده‌نێ، چ سوودێكی هه‌یه‌؟
17
به‌م شێوه‌یه‌ش، باوه‌ڕ ئه‌گه‌ر كرداری نه‌بێت، له‌ خۆیدا مردووه‌.
18
له‌وانه‌یه‌ كه‌سێك بڵێ: «تۆ باوه‌ڕت هه‌یه‌ و من ‏كردار.» نیشانم بده‌ باوه‌ڕت چۆن بێ كردار ده‌بێت، ئه‌وسا منیش به‌ كرداره‌كانم نیشانت ده‌ده‌م باوه‌ڕم چۆنه‌‏.
19
تۆ باوه‌ڕت هه‌یه‌ كه‌ یه‌ك خودا هه‌یه‌، چاك ده‌كه‌یت. ته‌نانه‌ت ڕۆحه‌ پیسه‌كانیش باوه‌ڕ ده‌كه‌ن و ده‌له‌رزن.
20
ئه‌ی مرۆڤی گێل، ده‌ته‌وێت بزانیت كه‌ باوه‌ڕ بێ كردار نه‌زۆكه‌؟
21
ئایا ئیبراهیمی باوكمان به‌ كردار بێتاوان نه‌كرا، كاتێك له‌سه‌ر قوربانگا ئیسحاقی كوڕی پێشكه‌ش كرد؟
22
ده‌بینیت باوه‌ڕ به‌ كرداره‌كه‌ی له‌ كاردا بوو، باوه‌ڕه‌كه‌ش به‌ كردار ته‌واو بوو.
23
نووسراوه‌ پیرۆزه‌كه‌ش هاته‌ دی كه‌ ده‌فه‌رموێ: {ئیبراهیم باوه‌ڕی به‌ خودا هێنا، ئه‌مه‌شی به‌ ڕاستودروستی بۆ دانرا،}[d] هه‌روه‌ها ناوی لێنرا دۆستی خودا.
24
ده‌بینن كه‌ مرۆڤ به‌ كردار بێتاوان ده‌بێت نه‌ك ته‌نها به‌ باوه‌ڕ.
25
به‌م شێوه‌یه‌ ڕاحابی له‌شفرۆش، ئایا به‌ كردار بێتاوان نه‌بوو، كه‌ پێشوازی له‌ سیخوڕه‌كان[e] كرد و به‌ ڕێگایه‌كی دیكه‌دا به‌ڕێی كردن؟[f]
26
هه‌روه‌ك چۆن جه‌سته‌ بێ ڕۆح مردووه‌، باوه‌ڕیش بێ كردار مردووه‌.
  1. a. 2‏:8 \+xt لێڤییه‌كان 19‏:18‏\+xt*‏
  2. b. 2‏:11 \+xt ده‌رچوون 20‏:14 و دواوتار 5‏:18‏\+xt*‏
  3. c. 2‏:11 \+xt ده‌رچوون 20‏:13 و دواوتار 5‏:17‏\+xt*‏
  4. d. 2‏:23 \+xt په‌یدابوون 15‏:6‏\+xt*‏
  5. e. 2‏:25 یۆنانی: نێردراوه‌كان.
  6. f. 2‏:25 بڕوانه‌\+xt یه‌شوع 2‏:4‏-15.‏\+xt*‏