عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
پاراستنی په‌یمانی كۆن 
1
ئیتر په‌یمانه‌ یه‌كه‌مه‌كه‌ ڕێوڕه‌سمی خزمه‌ت و پیرۆزگای زه‌مینییه‌.
2
چادری په‌رستن هه‌ڵدرا، له‌ ژووری یه‌كه‌م چرادان و مێز و نانی ته‌رخانكراوی تێدابوو كه‌ پێی ده‌گوترا شوێنی پیرۆز.
3
پشتی په‌رده‌ی دووه‌م، ژوورێك هه‌بوو پێی ده‌گوترا شوێنی هه‌ره‌پیرۆز،
4
بخووردانێكی زێڕین و سندوقی په‌یمانی تێدا بوو كه‌ له‌ هه‌موو لایه‌كانی به‌ زێڕ ڕووپۆش كرابوو. له‌ناو ئه‌مه‌ش گۆزه‌یه‌كی زێڕین هه‌بوو مه‌نی[a] تێدابوو، له‌گه‌ڵ گۆچانه‌كه‌ی هارون كه‌ گه‌ڵای سه‌وزی كردبوو، هه‌روه‌ها دوو ته‌خته‌ به‌رده‌كه‌ی په‌یمان.
5
له‌سه‌ریشی كه‌ڕوبه‌كانی[b] شكۆ سێبه‌ریان كردبووه‌ سه‌ر قه‌پاغی كه‌فاره‌ت[c] . لێره‌دا به‌ وردی ناتوانین باسی ئه‌مانه‌ بكه‌ین.
6
كاتێك شته‌كان ئاوا ڕێكخرابوون، كاهینان هه‌موو كاتێك ده‌چنه‌ ژووری یه‌كه‌م بۆ جێبه‌جێكردنی خزمه‌ت.
7
به‌ڵام بۆ ژووری دووه‌م ته‌نها سه‌رۆك كاهین ساڵی جارێك ده‌چێت، ئه‌ویش بێ خوێن نابێت، خوێنه‌كه‌ پێشكه‌ش ده‌كات له‌ پێناوی خۆی و گوناهه‌كانی گه‌ل كه‌ به‌ نه‌زانی كردوویانه‌.
8
به‌مه‌ش ڕۆحی پیرۆز ئاماژه‌ ده‌كات كه‌ هه‌تا چادری په‌رستن له‌سه‌ر زه‌وی بێت، ڕێگای شوێنی هه‌ره‌پیرۆز له‌ ئاسمان ئاشكرا ناكرێت.
9
ئه‌مه‌ش هێمایه‌ بۆ ئه‌م سه‌رده‌مه‌، كه‌ تێیدا دیاری و قوربانی پێشكه‌ش ده‌كرێت، ناتوانێت ئاسووده‌یی به‌ ویژدانی ئه‌وانه‌ ببه‌خشێت كه‌ خودا ده‌په‌رستن.
10
ئه‌مانه‌ ته‌نها ڕێوڕه‌سمی ڕواڵه‌تیانه‌ن كه‌ چڕده‌بێته‌وه‌ له‌سه‌ر خواردن و خواردنه‌وه‌ و شێوازه‌كانی شوشتن، هه‌تا كاتی داڕشتنه‌وه‌ی نوێ.
خوێنی مه‌سیح 
11
به‌ڵام كاتێك مه‌سیح هات وه‌ك سه‌رۆك كاهین بۆ شته‌ باشه‌كانی داهاتوو، چووه‌ ناو ئه‌و چادره‌ی كه‌ گه‌وره‌تر و ته‌واوتره‌ و هه‌روه‌ها ده‌ستكرد نییه‌، واته‌ هی به‌دیهێنراو نییه‌.
12
به‌ خوێنی بزن و گوێره‌كه‌ نه‌چوو، به‌ڵكو به‌ خوێنی خۆی یه‌ك جار چووه‌ ناو شوێنی هه‌ره‌پیرۆز و كڕینه‌وه‌ی هه‌تاهه‌تایی ده‌ستكه‌وت،
13
چونكه‌ ئه‌گه‌ر خوێنی بزن و گا و خۆڵه‌مێشی گوێره‌كه‌ كه‌ به‌سه‌ر گڵاوه‌كاندا ده‌پرژێنرێت،[d] پیرۆز بكات بۆ پاككردنه‌وه‌ی جه‌سته‌،
14
ئیتر خوێنی مه‌سیح چه‌ند زیاتره‌، ئه‌وه‌ی به‌ ڕۆحی پیرۆزی هه‌تاهه‌تایی بێ كه‌موكوڕی خۆی پێشكه‌شی خودا كرد، ئه‌وه‌ی ویژدانمان له‌و كارانه‌ پاك ده‌كاته‌وه‌ كه‌ ده‌بنه‌ هۆی مردن، تاكو خزمه‌تی خودای زیندوو بكه‌ین.
15
له‌به‌ر ئه‌مه‌ مه‌سیح ڕێكخه‌ری په‌یمانی نوێیه‌، تاكو بانگكراوان به‌ڵێنی میراتی هه‌تاهه‌تایی وه‌ربگرن، چونكه‌ مردنه‌كه‌ به‌های خوێنه‌ بۆ ئازادكردن له‌و گوناهانه‌ی كه‌ له‌ په‌یمانی یه‌كه‌مدا كردوویانه‌.
16
ئه‌گه‌ر وه‌سیه‌تنامه‌[e] هه‌بێ، پێویسته‌ مردنی وه‌سیه‌تكار بسه‌لمێنرێ،
17
چونكه‌ وه‌سیه‌تنامه‌ كاتێك كاری پێ ده‌كرێ‌ كه‌ خاوه‌نه‌كه‌ی مردبێت‌، به‌ڵام ئه‌گه‌ر زیندوو بێت هیچ كاری پێ ناكرێت.
18
بۆیه‌ په‌یمانه‌كه‌ی یه‌كه‌میش بێ خوێن به‌جێنه‌گه‌یه‌نرا،
19
چونكه‌ موسا، دوای ئه‌وه‌ی هه‌موو ڕاسپارده‌كانی به‌گوێره‌ی ته‌ورات به‌ هه‌موو گه‌ل ڕاگه‌یاند، خوێنی گوێره‌كه‌ی هێنا له‌گه‌ڵ ئاو و خوری سوور و زوفا، به‌سه‌ر ته‌ورات و هه‌موو گه‌لدا پرژاندی.
20
فه‌رمووی: {ئه‌مه‌ خوێنی ئه‌و په‌یمانه‌یه‌ كه‌ خودا فه‌رمانی پێ كردن.}[f]
21
هه‌روه‌ها خوێنه‌كه‌ی پرژانده‌ سه‌ر چادری په‌رستن و هه‌موو كه‌لوپه‌له‌كانی خزمه‌تكردن.
22
به‌گوێره‌ی ته‌ورات نزیكه‌ی هه‌موو شتێك به‌ خوێن پاك ده‌بێته‌وه‌، لێخۆشبوونی گوناهیش بێ خوێنڕشتن نابێت.
مه‌سیح گه‌وره‌ترین قوربانییه‌ 
23
پاككردنه‌وه‌ی وێنه‌ی شته‌ ئاسمانییه‌كان ده‌بووایه‌ ئاوا بكرێت، به‌ڵام خودی شته‌ ئاسمانییه‌كان به‌ قوربانی باشتر له‌مانه‌ پاك ده‌بنه‌وه‌،
24
چونكه‌ مه‌سیح نه‌چووه‌ پیرۆزگای ده‌ستكرد كه‌ له‌به‌رگیراوه‌ی شته‌ ڕاسته‌قینه‌كه‌یه‌، به‌ڵكو خودی ئاسمان، ئێستاش له‌وێ له‌به‌رده‌م خودا بۆ ئێمه‌ ده‌رده‌كه‌وێت.
25
نه‌ك تاكو چه‌ند جارێك خۆی پێشكه‌ش بكات، وه‌ك سه‌رۆك كاهین ساڵی جارێك به‌ خوێنێك كه‌ خوێنی خۆی نییه‌ ده‌چێته‌ شوێنی هه‌ره‌پیرۆز.
26
ئه‌گینا ده‌بووایه‌ مه‌سیح له‌ دامه‌زراندنی جیهانه‌وه‌ چه‌ندین جار ئازاری بچێژتبووایه‌. به‌ڵام ئێستا له‌ كۆتایی زه‌مان ته‌نها جارێك ده‌ركه‌وت تاكو گوناه بسڕێته‌وه‌، به‌وه‌ی خۆی كرده‌ قوربانی.
27
وه‌ك بۆ مرۆڤ دانراوه‌ جارێك بمرێت، دواتر لێپرسینه‌وه‌یه‌،
28
‏مه‌سیحیش، جارێك خۆی كرد به‌‏قوربانی تاكو گوناهی خه‌ڵكێكی زۆر لاببات. به‌ڵام هاتنه‌وه‌ی عیسا بۆ جاری دووه‌م بۆ لابردنی گوناه نییه‌، به‌ڵكو بۆ ڕزگاركردنی ئه‌وانه‌یه‌ كه‌ به‌ په‌رۆشه‌وه‌ چاوه‌ڕێی ده‌كه‌ن.
  1. a. 9‏:4 گه‌لی خودا كاتێك له‌ بیابان بوون، خودا مه‌ن و سوێسكه‌ی بۆ ناردن هه‌تا بیخۆن، گۆزه‌یه‌ك له‌و مه‌نه‌یان هه‌ڵگرتبوو بۆ یادكردنه‌وه‌ی ئه‌و ڕۆژانه‌. بڕوانه‌ ده‌رچوون 16.
  2. b. 9‏:5 جووتێك په‌یكه‌ری بوونه‌وه‌رێكی ئاسمانی باڵداره‌ له‌ شێوه‌ی ئاژه‌ڵ و مرۆڤ بۆ پارێزگاریكردن له‌ سندوقی په‌یمان دانرابوو، بڕوانه‌ \+xt ده‌رچوون 25‏:18‏\+xt*‏.
  3. c. 9‏:5 به‌ واتای شوێنی لێخۆشبوونی گوناه. قه‌پاغێكه‌ بۆ داپۆشینی سندوقی په‌یمان، له‌ ڕۆژی كه‌فاره‌ت خوێنی قوربانی له‌سه‌ر ڕژاوه‌ بۆ لێخوشبوونی گوناه. بڕوانه‌ \+xt ده‌رچوون 25‏:17‏\+xt*‏.
  4. d. 9‏:13 بڕوانه‌ \+xt ده‌رچوون 24‏:6‏\+xt*‏.
  5. e. 9‏:16 یۆنانی: هه‌مان وشه‌ی په‌یمان.
  6. f. 9‏:20 \+xt ده‌رچوون 24‏:8‏\+xt*‏