عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
پەرستگەها ئەردی و پەرستگەها ئەسمانی 
1
د پەیمانا پێشین دا رێورەسمێن پەرستنێ و پیرۆزگەها ئەردی هەبوون.
2
خیڤەت هاتبوو ڤەدان، د پشكا ئێكێ ڤە كو دگۆتنێ «پیرۆزگەه» چرادانك و مێز و نانێ پێشكێشیێ هەبوون.
3
ل پشت پەردەی، ئانكو ل پشكا دوویێ كو دگۆتنێ «جهێ هەری پیرۆز»،
4
تێڤە قوربانگەها زێڕین یا بخویرێ و سندوقا پەیمانێ، كو ژ هەمی لایان ڤە ب زێڕی یا داپووشی بوو هەبوون، د وێ سندوقێ دا ئامانێ زێڕی، ئەوێ مەننا[a] تێدا هەبوو، ل گەل گۆپالێ هارونی كو بشكۆژ دابوون، هەروەسا تەختەبەرێن پەیمانێ.
5
ل سەر سندوقێ ژی خەڕۆبێن[b] مەزناهیا خودانی هەبوون سیبەر ل قەپاغا كەفارەتێ[c] دكر. ل ڤێرێ نەشێین ب هویری بەحسێ ڤان تشتان بكەین.[d]
6
پشتی ئەڤ تشتە ب ڤی شێوەی هاتینە رێكخستن، كاهن هەمی دەمان دچنە د پشكا ئێكێ ڤە و ب رێورەسمێن پەرستنێ رادبن.
7
لێ یا دوویێ ب تنێ سەرۆككاهن ساڵێ جارەكێ دچیتە د ژۆرڤە و بێ خوین ناچیت، كو بۆ خۆ و بۆ گونەهێن خەلكی ژ نەزانین كرین، پێشكێش دكەت.[e]
8
ب ڤێ چەندێ گیانێ پیرۆز ئاماژەی ددەت، كو رێكا جهێ هەری پیرۆز هێشتا نەهاتیە ڤەكرن، هندی پەرستگەها ئێكێ هێشتا مابیت.
9
ئەڤە ژی هێمایەكە بۆ وی سەردەمی، ئەوێ تێدا پێشكێشی و قوربان دهێنە پێشكێشكرن، ئەوێن كو نەشێن وژدانا وی كەسی پاقژ بكەن یێ پەرستنێ دكەت.
10
ئەڤە ب تنێ گرێدای خوارن و ڤەخوارن و شویشتنێن جودا جودانە، رێورەسمێن لەشكانینە، هاتینە دانان تاكو دەمێ چاكسازیێ بهێت.
11
لێ نوكە مەسیح یێ هاتی وەكو سەرۆككاهنێ تشتێن باش یێن پاشەڕۆژێ. ئەو چوو د خیڤەتا مەزنتر و كاملتر ڤە، ئەوا نە ب دەستان هاتیە چێكرن، ئانكو ئەوا نە ژ ڤێ جیهانێ.
12
ئەو نە ب خوینا نێری و جانەگایان، لێ ب خوینا خۆ، جارەكێ و بۆ هەروهەر چوو د جهێ هەری پیرۆز ڤە و رزگاركرنا هەتا هەتایی ب دەست ڤە ئینا.
13
ئەگەر خوینا نێری و گایان و خولیا نێهگۆنكەكێ[f] كو ب سەر هەڕمیان دا درەشینن، وان بۆ پاقژكرنا لەشی پیرۆز دكەت،
14
پا چەند پتر خوینا مەسیحی، ئەوێ خۆ بێكێماسی ب گیانێ هەروهەر بۆ خودێ پێشكێش كری، دێ وژدانا مە ژ كریارێن مرنێ دئینن پاقژ كەت، دا پەرستنا خودایێ زیندی بكەین.
15
ژ بەر ڤێ چەندێ ئەو ناڤگینێ پەیمانەكا نویە، داكو یێن گازیكری میراتێ هەتا هەتایی یێ سۆز پێ هاتیە دان وەرگرن، چنكو مرنەكێ روی دا، ئەو ژ گونەهێن د پەیمانا پێشین دا هاتینە كرن رزگار كرن.
16
ئەگەر وەسیەت[g] هەبیت، پێدڤیە مرنا وەسیەتكەری بهێتە پشتڕاستكرن،
17
چنكو وەسیەت ل گەل مرنێ دكەڤیتە كاری، وێ چ هێز ژی نینە هندی وەسیەتكەر یێ ساخ بیت.
18
ژ بەر ڤێ ئەگەرێ پەیمانا پێشین ژی بێ خوین نە ئێخستیە كاری.
19
چنكو مووسای، پشتی كو هەر فەرمانەكا ل گۆر دەستووری بۆ هەمی گەلی راگەهاندی، خوینا جانەگا و نێریان ئینا ل گەل ئاڤێ و هریا سۆر و زوفایێ[h] ب سەر پەرتووك و هەمی گەلی دا رەشاند.
20
گۆت: «ئەڤە خوینا وێ پەیمانێیە[i] یا كو خودێ فەرمان پێ كری.»[j]
21
هەروەسا ئەو خوین ب سەر خیڤەتێ و هەمی ئامانێن بۆ پەرستنێ دهاتنە ب كار ئینان رەشاند.
22
ل گۆر دەستووری پڕانیا تشتان ب خوینێ پاقژ دبن و لێبورینا گونەهێ ژی بێی رشتنا خوینێ نابیت.[k]
خۆگۆریكرنا مەسیحی گونەهان رادكەت 
23
لەوما دڤیا لبەرچێكریێن تشتێن ئەسمانی ب ڤان رێورەسمان بهێتە پاقژكرن، لێ تشتێن ئەسمانی ب خۆ ب قوربانیێن باشتر ژ ڤان رێورەسمان بهێنە پاقژكرن.
24
چنكو مەسیح نەچوویە پیرۆزگەها دەستكرد كو ل بەر یا رەسەن هاتیە چێكرن، لێ چوویە د ئەسمانی ب خۆ دا، دا نوكە ژ پێخەمەت مە ل بەرامبەری خودێ ئامادە بیت.
25
نە چنكو ئەو دێ چەندین جاران خۆ پێشكێش كەت، هەروەكو سەرۆككاهن هەر ساڵ جارەكێ ب خوینەكێ كو نە یا ویە دچیتە د جهێ هەری پیرۆز ڤە.
26
ئەگەر وەسا با، پێدڤی بوو مەسیحی هەر ژ دامەزراندنا جیهانێ گەلەك جاران ئازار كێشابان. لێ نوكە ل دویماهیا سەردەمان ئەو جارەكێ و بۆ هەروهەر دیار بوو، دا ب خۆگۆریكرنا خۆ گونەهێ راكەت.
27
كا چەوا بۆ مرۆڤان هاتیە دانان كو ب تنێ جارەكێ بمرن و پشتی هنگی دادكرنە،
28
وەسا مەسیح ژی ژ بەر راكرنا گونەهێن گەلەكان ب تنێ جارەكێ هاتە پێشكێش كرن. ئەو دێ بۆ جارا دوویێ دیار بیت، نە ژ بەر راكرنا گونەهان، لێ ژ بەر قورتالكرنا وان یێن چاڤەڕێیا وی دكەن.
  1. a. 9‏:4 q مەننا ل فەرهەنگۆكێ بنێڕە.
  2. b. 9‏:5 خەڕۆب: جۆرەكێ فریشتەیانە. ل فەرهەنگۆكێ بنێڕە.
  3. c. 9‏:5 قەپاغا كەفارەتێ: بانێ سندوقا پەیمانێ بوو. ل فەرهەنگۆكێ بنێڕە.
  4. d. 9‏:1‏-5 بنێڕە دەركەفتن 25‏:10 تاكو 27‏:19
  5. e. 9‏:7 پەرستن و پیرۆزی 16‏:1‏-34
  6. f. 9‏:13 q نێهگۆنك: گۆلكا مێ. ل فەرهەنگۆكێ بنێڕە \k نێهگۆنكا سۆر\k*.
  7. g. 9‏:16 q وەسیەت ب یونانی هەمان پەیڤ بۆ ‹وەسیەت› و ‹پەیمان›ێ دهێتە بكارئینان.
  8. h. 9‏:19 q زوفا ب یونانی دبێژنێ هوسسۆپ. ل فەرهەنگۆكێ ل \k هوسسۆپ\k* بنێڕە.
  9. i. 9‏:20 q خوینا وێ پەیمانێیە ئانكو ئەو خوینا پەیمان ب رێكا وێ دهێتە پەسەندكرن.
  10. j. 9‏:19‏-20 دەركەفتن 24‏:3‏-8
  11. k. 9‏:22 پەرستن و پیرۆزی 17‏:11