عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
دوو ته‌خته‌ وه‌ك ئه‌وانه‌ی یه‌كه‌م جار 
1
له‌و كاته‌دا یه‌زدان پێی فه‌رمووم: «دوو ته‌خته‌ به‌ردی وه‌ك ئه‌وانه‌ی یه‌كه‌م بۆ خۆت بتاشه‌ و سه‌ربكه‌وه‌ سه‌ر كێوه‌كه‌ بۆ لای من، سندوقێكیش له‌ دار بۆ خۆت دروستبكه‌،
2
جا له‌سه‌ر دوو ته‌خته‌كه‌ ئه‌و وشانه‌ ده‌نووسمه‌وه‌ كه‌ له‌سه‌ر دوو ته‌خته‌كه‌ی یه‌كه‌م جار بوون و تۆ شكاندت و بیانخه‌ ناو سندوقه‌كه‌.»
3
منیش سندوقێكم له‌ داری ئه‌كاسیا[a] دروستكرد، دوو ته‌خته‌ به‌ردی وه‌ك ئه‌وانه‌ی یه‌كه‌م جارم تاشی و بۆ شاخه‌كه‌ سه‌ركه‌وتم و دوو ته‌خته‌كه‌شم له‌ ده‌ست بوو.
4
ئه‌ویش له‌سه‌ر دوو ته‌خته‌كه‌ وه‌ك نووسراوی یه‌كه‌م جاری نووسییه‌وه‌، ده‌ ڕاسپارده‌كه‌ كه‌ یه‌زدان له‌گه‌ڵتاندا پێی دوا له‌ كێوه‌كه‌ له‌ناو ئاگره‌وه‌ له‌ ڕۆژی كۆبوونه‌وه‌كه‌ و ئینجا پێیدام.
5
ئیتر گه‌ڕامه‌وه‌ و له‌ كێوه‌كه‌ هاتمه‌ خواره‌وه‌ و دوو ته‌خته‌ به‌رده‌كه‌م له‌ناو سندوقه‌كه‌ دانا كه‌ دروستم كردبوو، جا هێشتا له‌وێن وه‌ك یه‌زدان فه‌رمانی پێ كردم.
6
نه‌وه‌ی ئیسرائیلیش له‌ بیره‌كانی نه‌وه‌ی یه‌عقانه‌وه‌ كۆچیان كرد بۆ مۆسێره‌. له‌وێ هارون مرد و هه‌ر له‌وێش نێژرا. ئیتر ئه‌لعازاری كوڕی له‌ جێی ئه‌و بوو به‌ كاهین.
7
له‌وێشه‌وه‌ كۆچیان كرد بۆ گودگۆده‌، له‌ گودگۆده‌شه‌وه‌ بۆ یۆتباته‌ كه‌ خاكی جۆگه‌ ئاوه‌كانه‌.
8
له‌و كاته‌دا یه‌زدان هۆزی نه‌وه‌ی لێڤی جیا كرده‌وه‌[b] بۆ ئه‌وه‌ی سندوقی په‌یمانی یه‌زدان هه‌ڵبگرن و له‌به‌رده‌م یه‌زدان بوه‌ستن بۆ ئه‌وه‌ی خزمه‌تی بكه‌ن و به‌ ناوی ئه‌وه‌وه‌ داوای به‌ره‌كه‌ت بكه‌ن هه‌تا ئه‌مڕۆ،
9
له‌به‌ر ئه‌وه‌ لێڤییه‌كان له‌گه‌ڵ براكانیان به‌ش و میراتیان نه‌بوو، یه‌زدان میراتی ئه‌وانه‌، هه‌روه‌ك یه‌زدانی په‌روه‌ردگارتان له‌گه‌ڵیاندا دوا.
10
منیش وه‌ك ڕۆژانی یه‌كه‌م جار چل شه‌و و چل ڕۆژ له‌ كێوه‌كه‌ مامه‌وه‌ و یه‌زدان ئه‌و جاره‌ش گوێی لێ گرتم و یه‌زدان نه‌یویست له‌ناوتان ببات.
11
دواتر یه‌زدان پێی فه‌رمووم، «هه‌سته‌ بڕۆ پێشڕه‌وی گه‌ل بكه‌، جا ده‌چنه‌ ناو ئه‌و خاكه‌ی ده‌ست به‌سه‌ریدا ده‌گرن كه‌ سوێندم بۆ باوباپیرانیان خوارد بیانده‌مێ.»
له‌ یه‌زدان بترسه‌ 
12
ئێستاش ئه‌ی ئیسرائیل یه‌زدانی په‌روه‌ردگارتان چی لێتان ده‌وێت، ته‌نها ئه‌وه‌نده‌ كه‌ له‌ یه‌زدانی په‌روه‌ردگارتان بترسن تاكو هه‌موو ڕێگاكانی بگرنه‌به‌ر و خۆشتان بووێ، پڕ به‌ دڵ و له‌ ناخه‌وه‌ یه‌زدانی په‌روه‌ردگارتان بپه‌رستن،
13
فه‌رمانه‌كانی یه‌زدان و فه‌رزه‌كانی به‌جێبهێنن كه‌ من ئه‌مڕۆ بۆ باشی خۆتان فه‌رمانتان پێ ده‌كه‌م.
14
ئه‌وه‌تا ئاسمان و ئاسمانی ئاسمان و زه‌وی و هه‌رچی تێیدایه‌ بۆ یه‌زدانی په‌روه‌ردگارتانه‌،
15
له‌گه‌ڵ ئه‌وه‌شدا یه‌زدان دڵی به‌ باوباپیرانتانه‌وه‌ به‌ند بوو و خۆشی ویستن، جا له‌پاش خۆیان نه‌وه‌كه‌ی ئه‌وانی هه‌ڵبژارد كه‌ ئێوه‌ن، له‌ سه‌رووی هه‌موو گه‌لانه‌وه‌ وه‌ك ئه‌مڕۆ.
16
كه‌واته‌ دڵتان خه‌ته‌نه‌ بكه‌ن و ئیتر كه‌لله‌ڕه‌ق مه‌بن،
17
چونكه‌ یه‌زدانی په‌روه‌ردگارتان خۆی خودای خودایانه‌ و گه‌وره‌ی گه‌وره‌یانه‌، ئه‌و خودا مه‌زنه‌ به‌ توانا به‌ سامه‌ی لایه‌نگری ناكات و به‌رتیل وه‌رناگرێت،
18
دادپه‌روه‌ری هه‌تیو و بێوه‌ژن ده‌كات و دۆستی نامۆیه‌ هه‌تا خۆراك و به‌رگی بداتێ.
19
جا نامۆتان خۆشبوێت، چونكه‌ له‌ خاكی میسردا نامۆ بوون.
20
له‌ یه‌زدانی په‌روه‌ردگارتان ده‌ترسن، ئه‌و ده‌په‌رستن و ده‌ست به‌وه‌وه‌ ده‌گرن و به‌ ناوی ئه‌وه‌وه‌ سوێند ده‌خۆن،
21
ئه‌و ستایشتانه‌ و ئه‌و خوداتانه‌ كه‌ ئه‌و هه‌موو كاره‌ مه‌زن و ترسناكه‌ی بۆ كردن كه‌ چاوه‌كانتان بینییان.
22
باوباپیرانتان حه‌فتا كه‌س بوون كه‌ چوونه‌ میسر و ئێستاش یه‌زدانی په‌روه‌ردگارتان له‌ زۆریدا وه‌ك ئه‌ستێره‌ی ئاسمانی لێكردوون.
  1. a. 10‏:3 داری شه‌تیم.
  2. b. 10‏:8 جیا كرده‌وه‌: بڕوانه‌\+xt سه‌رژمێری 3‏:5‏-13.‏\+xt*‏