عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
شێوه‌ی كولله‌ و ئاگر و شاووڵێك 
1
یه‌زدانی باڵاده‌ست ئاوای پیشان دام، له‌ سه‌ره‌تای سه‌رهه‌ڵدانی گژوگیا شێوه‌ی كولله‌ی ده‌كێشا، گژوگیاكه‌ پاش دروێنه‌ی به‌شه‌كه‌ی پاشایه‌.
2
پاش ئه‌وه‌ی له‌ خواردنی گژوگیای خاكه‌كه‌ بووه‌وه‌، گوتم: «ئه‌ی یه‌زدانی باڵاده‌ست، تكایه‌ ببه‌خشه‌! یاقوب چۆن هه‌ستێته‌وه‌، چونكه‌ بچووكه‌!»
3
یه‌زدان له‌مه‌ پاشگه‌ز بووه‌وه‌ و فه‌رمووی: «ئه‌مه‌ ڕوونادات.»
4
یه‌زدانی باڵاده‌ست ئاوای پیشان دام: ئه‌وه‌تا یه‌زدانی باڵاده‌ست بۆ دادگاییكردن به‌ ئاگر بانگه‌شه‌ی كرد، ئاگره‌كه‌ ده‌ریا گه‌وره‌كه‌ی ژێر زه‌وی[a] لووشدا، خاكه‌كه‌شی خوارد.
5
ئینجا گوتم: «یه‌زدانی باڵاده‌ست، تكایه‌ با به‌س بێت! یاقوب چۆن هه‌ستێته‌وه‌، چونكه‌ بچووكه‌!»
6
یه‌زدان له‌مه‌ پاشگه‌ز بووه‌وه‌.
یه‌زدانی باڵاده‌ست فه‌رمووی: «هه‌روه‌ها ئه‌مه‌ش ڕوونادات.»
7
ئاوای پیشان دام: په‌روه‌ردگار له‌سه‌ر دیوارێكی دروستكراو ڕاوه‌ستاوه‌ و شاووڵێكی له‌ده‌ست بوو.
8
یه‌زدان پێی فه‌رمووم: «ئامۆس تۆ چی ده‌بینیت؟»
منیش گوتم: «شاووڵ.»
ئینجا په‌روه‌ردگار فه‌رمووی: «ئه‌وه‌تا من شاووڵێك له‌ناوه‌ڕاستی ئیسرائیلی گه‌لمدا داده‌نێم، پاش ئه‌مه‌ چیتر ده‌ستی لێ ناپارێزم!
9
«نزرگه‌كانی ئیسحاق له‌سه‌ر به‌رزاییه‌كان چۆڵ ده‌بن و
پیرۆزگاكانی ئیسرائیل وێران ده‌بن،
به‌ شمشێره‌وه‌ هه‌ڵده‌كوتمه‌ سه‌ر ماڵی یارۆڤعام.»
ئامۆس و ئه‌مه‌سیا 
10
جا ئه‌مه‌سیای كاهینی بێت‌ئێل په‌یامی بۆ یارۆڤعامی پاشای ئیسرائیل نارد و گوتی: «ئامۆس له‌ناوه‌ڕاستی ماڵی ئیسرائیلدا پیلانی له‌ دژت گێڕاوه‌، خاكه‌كه‌ ناتوانێت به‌رگه‌ی هه‌موو قسه‌كانی بگرێت.»
11
چونكه‌ ئامۆس وای گوتووه‌:
«”یارۆڤعام به‌ شمشێر ده‌كوژرێت،
ئیسرائیل له‌ خاكه‌كه‌ی خۆی
بێگومان ڕاپێچ ده‌كرێت.“»
12
ئینجا ئه‌مه‌سیا به‌ ئامۆسی گوت: «ئه‌ی پێشبینیكه‌ر، بڕۆ ڕابكه‌ بۆ خاكی یه‌هودا، له‌وێ نان بخۆ و له‌وێ پێشبینی بكه‌.
13
به‌ڵام چیتر له‌ بێت‌ئێل پێشبینی مه‌كه‌، چونكه‌ پیرۆزگای پاشایه‌ و په‌رستگای پاشایه‌تییه‌.»
14
ئامۆسیش وه‌ڵامی دایه‌وه‌ و به‌ ئه‌مه‌سیای گوت: «من پێغه‌مبه‌ر نه‌بووم و كوڕی پێغه‌مبه‌ریش نیم، به‌ڵكو من گاوانم و باخه‌وانی دار هه‌نجیری كێویم.
15
به‌ڵام یه‌زدان له‌سه‌ر مێگه‌له‌كه‌وه‌ هه‌ڵیگرتم، یه‌زدان پێی فه‌رمووم: ”بڕۆ پێشبینی بۆ ئیسرائیلی گه‌لی من بكه‌.“
16
ئێستاش گوێ له‌ فه‌رمایشتی یه‌زدان بگره‌، تۆ ده‌ڵێیت:
«”پێشبینی له‌سه‌ر ئیسرائیل مه‌كه‌،
لێدووان له‌ دژی بنه‌ماڵه‌ی ئیسحاق مه‌ده‌.“
17
«له‌به‌ر ئه‌وه‌ یه‌زدان ئه‌مه‌ ده‌فه‌رموێت:
«”ژنه‌كه‌ت له‌ شاردا له‌شفرۆشی ده‌كات،
كوڕ و كچه‌كانت به‌ شمشێر ده‌كوژرێن،
زه‌وییه‌كه‌ت به‌ گوریس دابه‌ش ده‌كرێت،
خۆشت له‌سه‌ر خاكێكی گڵاودا ده‌مریت،
ئیسرائیلیش له‌ خاكه‌كه‌ی خۆی
به‌ دیلی ڕاپێچ ده‌كرێت.“»
  1. a. 7‏:4 به‌پێی بیروباوه‌ڕی خه‌ڵكی ڕۆژهه‌ڵاتی كۆن (ده‌ریای ژێر زه‌وی) هه‌بوو كه‌ سه‌رچاوه‌ی كانیاو و ڕووباره‌كان بوو.