عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
چه‌وسانه‌وه‌ی باوه‌ڕداران 
1
شاول به‌ كوشتنی ستیفانۆس ڕازی بوو.
هه‌ر له‌و ڕۆژه‌دا كڵێسا له‌ ئۆرشه‌لیم تووشی چه‌وسانه‌وه‌یه‌كی توند هات. هه‌موو به‌ ناوچه‌كانی یه‌هودیا و سامیره‌دا په‌رشوبڵاو بوونه‌وه‌، نێردراوان نه‌بێت.
2
هه‌ندێك پیاوی له‌خواترس ستیفانۆسیان ناشت و پرسه‌یه‌كی باشیان بۆ دانا.
3
به‌ڵام شاول كڵێسای له‌ناوده‌برد، ماڵ به‌ ماڵ ژن و پیاوی ڕاده‌كێشا و فڕێیده‌دانه‌ زیندان.
مزگێنیده‌ری له‌ سامیره‌ 
4
ئه‌وانه‌ی په‌رشوبڵاو ببوونه‌وه‌ ده‌گه‌ڕان و مزگێنی وشه‌ی خودایان بڵاوده‌كرده‌وه‌.
5
فیلیپۆس به‌ره‌و شاری سامیره‌ چووه‌ خواره‌وه‌ و له‌وێ مزگێنی مه‌سیحی به‌ خه‌ڵكه‌كه‌ ڕاگه‌یاند.
6
خه‌ڵكه‌كه‌ به‌ یه‌ك دڵ گوێیان له‌وه‌ ده‌گرت كه‌ فیلیپۆس ده‌یگوت، كاتێك ئه‌و نیشانانه‌یان ده‌بیست و ده‌بینی كه‌ ده‌یكرد.
7
ڕۆحی پیسیش له‌ زۆر كه‌س له‌وانه‌ی تێیاندا بوو به‌ ده‌نگی به‌رز هاواریان ده‌كرد و ده‌رده‌چوون، زۆر گۆج و شه‌لیش چاكبوونه‌وه‌.
8
جا خۆشییه‌كی گه‌وره‌ ئه‌و شاره‌ی گرته‌وه‌.
9
پێشتر له‌ شاره‌كه‌ پیاوێك هه‌بوو ناوی شیمۆن بوو، جادووی ده‌كرد و خه‌ڵكی سامیره‌ی سه‌رسام كردبوو، ده‌یگوت: «پیاوێكی پایه‌به‌رزم!»
10
گه‌وره‌ و بچووك هه‌موو گوێیان لێ ده‌گرت و ده‌یانگوت: «ئه‌مه‌یه‌ هێزی خودا كه‌ پێی ده‌گوترێ گه‌وره‌.»
11
ئه‌وان گوێیان بۆ ده‌گرت، چونكه‌ له‌مێژ بوو به‌ جادووه‌كه‌ی سه‌رسامی كردبوون.
12
به‌ڵام كاتێك فیلیپۆس مزگێنی پاشایه‌تی خودا و ناوی عیسای مه‌سیحه‌وه‌ پێدان، باوه‌ڕیان كرد، ژن و پیاویش له‌ ئاو هه‌ڵكێشران.
13
شیمۆنیش باوه‌ڕی هێنا، كاتێك له‌ ئاو هه‌ڵكێشرا دوای فیلیپۆس كه‌وت، نیشانه‌ و په‌رجووی گه‌وره‌ی ده‌بینی ده‌كرا، سه‌رسام بوو.
14
كاتێك نێردراوان له‌ ئۆرشه‌لیم بیستیان سامیره‌ په‌یامی خودای قبوڵ كردووه‌، په‌ترۆس و یۆحه‌نایان بۆ ناردن.
15
كاتێك هاتن، نوێژیان بۆ كردن تاكو ڕۆحی پیرۆز وه‌ربگرن،
16
چونكه‌ هێشتا ڕۆحی پیرۆز نه‌هاتبووه‌ سه‌ر كه‌سیان، ته‌نها به‌ ناوی عیسای خاوه‌ن شكۆ له‌ ئاو هه‌ڵكێشرابوون.
17
جا په‌ترۆس و یۆحه‌نا ده‌ستیان له‌سه‌ر دانان و ڕۆحی پیرۆزیان وه‌رگرت.
18
شیمۆن بینی كه‌ نێردراوان ده‌ستیان له‌سه‌ر خه‌ڵك داده‌نێن ڕۆحی پیرۆز ده‌درێت، پاره‌ی بۆ هێنان و
19
گوتی: «ئه‌و ده‌سه‌ڵاته‌ به‌ منیش بده‌ن، تاكو ده‌ست له‌سه‌ر هه‌ركه‌سێك دابنێم ڕۆحی پیرۆز وه‌ربگرێت.»
20
په‌ترۆس پێی گوت: «با زیوه‌كه‌ت له‌گه‌ڵ خۆت له‌ناوبچێت! چونكه‌ واتزانی به‌هره‌ی خودا به‌ پاره‌ ده‌بێت!
21
له‌م شته‌دا نه‌ به‌شت هه‌یه‌ و نه‌ پشك، چونكه‌ دڵت به‌رامبه‌ر خودا ڕاست نییه‌.
22
له‌م خراپه‌یه‌ت تۆبه‌ بكه‌ و له‌ مه‌سیحی خاوه‌ن شكۆ بپاڕێوه‌ به‌ڵكو له‌ مه‌به‌ستی دڵت خۆش بێت،
23
چونكه‌ ده‌تبینم كه‌ پڕیت له‌ تاڵی و له‌ به‌ندی گوناهیت.»
24
شیمۆن گوتی: «ئێوه‌ له‌ پێناوی من داوا له‌ مه‌سیحی خاوه‌ن شكۆ بكه‌ن، تاكو هیچ شتێك له‌وه‌ی باستان كرد به‌ سه‌رمدا نه‌یه‌ت.»
25
دوای ئه‌وه‌ی په‌ترۆس و یۆحه‌نا له‌باره‌ی عیساوه‌ شایه‌تییان دا و په‌یامی مه‌سیحی خاوه‌ن شكۆیان ڕاگه‌یاند، گه‌ڕانه‌وه‌ ئۆرشه‌لیم و مزگێنییان دایه‌ زۆر گوندی سامیره‌یی.
فیلیپۆس و وه‌زیری حه‌به‌شه‌ 
26
فریشته‌یه‌كی یه‌زدان به‌ فیلیپۆس گوت: «هه‌سته‌ و به‌ره‌و خواروو بڕۆ، له‌سه‌ر ئه‌و ڕێگایه‌ی له‌ ئۆرشه‌لیمه‌وه‌ بۆ غه‌زه‌ شۆڕ ده‌بێته‌وه‌، كه‌ چۆڵه‌وانییه‌.»
27
ئه‌ویش هه‌ستا و ڕۆیشت، پیاوێكی خه‌ساوی حه‌به‌شی، وه‌زیری كاروباری دارایی كنداكه‌ی[a] شاژنی حه‌به‌شه‌ بوو، بۆ په‌رستن هاتبووه‌ ئۆرشه‌لیم.
28
له‌ گه‌ڕانه‌وه‌دا بوو، له‌ناو گالیسكه‌كه‌ی دانیشتبوو، په‌ڕتووكی ئیشایا پێغه‌مبه‌ری ده‌خوێنده‌وه‌.
29
ڕۆحی پیرۆز به‌ فیلیپۆسی فه‌رموو: «بڕۆ پێش و ده‌گه‌ڵ ئه‌و گالیسكه‌یه‌ بكه‌وه‌.»
30
ئیتر فیلیپۆس په‌له‌ی كرد و گوێی لێبوو په‌ڕتووكی ئیشایا پێغه‌مبه‌ر ده‌خوێنێته‌وه‌. گوتی: «ئایا ئه‌وه‌ی ده‌یخوێنیته‌وه‌ تێیده‌گه‌یت؟»
31
گوتی: «چۆن بتوانم ئه‌گه‌ر یه‌كێك ڕێنماییم نه‌كات؟» جا فیلیپۆسی بانگكرد سه‌ربكه‌وێت و له‌گه‌ڵی دابنیشێت.
32
ئه‌و بڕگه‌یه‌ی نووسراوه‌ پیرۆزه‌كان كه‌ ده‌یخوێنده‌وه‌ ئه‌مه‌ بوو:
{ئه‌و وه‌ك مه‌ڕ بۆ سه‌ربڕین بردرا،
وه‌ك چۆن به‌رخ له‌به‌رده‌ستی ئه‌وه‌ی خورییه‌كه‌ی ده‌بڕێته‌وه‌ بێده‌نگه‌،
ئه‌و ده‌می نه‌كرده‌وه‌.
33
له‌ كاتی سووكایه‌تی پێكردنیدا له‌ دادپه‌روه‌ری بێ به‌شكرا.
ئیتر كێ باسی نه‌وه‌كانی ده‌كات؟
چونكه‌ ژیانی له‌سه‌ر زه‌وی هه‌ڵگیرا.}[b]
34
خه‌ساوه‌كه‌ پرسیاری له‌ فیلیپۆس كرد: «پرسیارێكم هه‌یه‌: ئه‌م پێغه‌مبه‌ره‌ باسی كێ ده‌كات؟ باسی خۆی یان یه‌كێكی دیكه‌؟»
35
ئینجا فیلیپۆس له‌م نووسراوه‌ پیرۆزه‌وه‌ ده‌ستی كرد به‌ ڕوونكردنه‌وه‌ی ده‌قه‌كه‌ و مزگێنیی عیسای دایێ.
36
كاتێك به‌ ڕێگاوه‌ بوون، گه‌یشتنه‌ سه‌ر ئاوێك، خه‌ساوه‌كه‌ گوتی: «ئه‌وه‌ ئاوه‌، چی ڕێم لێ ده‌گرێت له‌ ئاو هه‌ڵبكێشرێم؟»
37
⌟فیلیپۆس گوتی: «ده‌بێت، ئه‌گه‌ر به‌ هه‌موو دڵته‌وه‌ باوه‌ڕ بهێنیت.» وه‌ڵامی دایه‌وه‌: «باوه‌ڕ ده‌كه‌م عیسای مه‌سیح كوڕی خودایه‌.»⌞
38
ئینجا فه‌رمانی دا گالیسكه‌كه‌ ڕاوه‌ستێ، ئه‌وسا پێكه‌وه‌ چوونه‌ ناو ئاوه‌كه‌ و فیلیپۆس خه‌ساوه‌كه‌ی له‌ ئاو هه‌ڵكێشا.
39
كاتێك له‌ ئاوه‌كه‌ هاتنه‌ ده‌ره‌وه‌، ڕۆحی یه‌زدان فیلیپۆسی ڕفاند و ئیتر خه‌ساوه‌كه‌ نه‌یبینییه‌وه‌، به‌ڵام به‌ خۆشییه‌وه‌ به‌ ڕێگای خۆیدا ڕۆیشت.
40
فیلیپۆسیش له‌ ئه‌شدۆد بینرایه‌وه‌، دواتر به‌ هه‌موو شاره‌كاندا ده‌گه‌ڕا و مزگێنی ده‌دا هه‌تا گه‌یشته‌ قه‌یسه‌رییه‌.
  1. a. 8‏:27 ئافره‌تێكه‌ پاشای حه‌به‌شه‌ بووه‌.
  2. b. 8‏:33 \+xt ئیشایا 53‏:7،‏\+xt*‏ 8‏