عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
مه‌سیح شاول ده‌گۆڕێت 
1
شاول هێشتا هه‌ڕه‌شه‌ی له‌ قوتابییه‌كانی عیسای خاوه‌ن شكۆ ده‌كرد و هه‌وڵی كوشتنی ده‌دان. چوو بۆ لای سه‌رۆكی كاهینان،
2
داوای نامه‌ی لێكرد بۆ كه‌نیشته‌كانی دیمه‌شق، تاكو ئه‌گه‌ر یه‌كێك ببینێت و سه‌ر به‌ ڕێگاكه‌[a] بێت، چ ژن و چ پیاو، به‌ به‌ندكراوی بۆ ئۆرشه‌لیمیان ببات.
3
كه‌ ده‌ڕۆیشت و له‌ دیمه‌شق نزیك بووه‌وه‌، له‌پڕ ڕووناكییه‌ك له‌ ئاسمانه‌وه‌ له‌ ده‌وروبه‌ری بریسكه‌ی دایه‌وه‌،
4
كه‌وته‌ سه‌ر زه‌وی و گوێی له‌ ده‌نگێك بوو، پێی فه‌رموو: «شاول! شاول! بۆچی ده‌مچه‌وسێنیته‌وه‌؟»
5
شاول پرسیاری كرد: «گه‌وره‌م، تۆ كێیت؟»
فه‌رمووی: «من عیسام، ئه‌وه‌ی تۆ ده‌یچه‌وسێنیته‌وه‌. ⌟بۆت زه‌حمه‌ته‌ لوشكه‌ له‌ نه‌قیزه‌ی من باوێی.⌞
6
به‌ڵام هه‌سته‌، بڕۆ ناو شار، له‌وێ پێت ده‌گوترێ ده‌بێ چی بكه‌یت.»
7
پیاوانی گه‌شتیار كه‌ له‌گه‌ڵی بوون به‌ بێده‌نگی وه‌ستان، ده‌نگه‌كه‌یان بیست به‌ڵام كه‌سیان نه‌بینی.
8
شاول له‌سه‌ر زه‌وییه‌كه‌ هه‌ستایه‌وه‌، چاوی كرابووه‌وه‌ و هیچی نه‌ده‌بینی، ده‌ستیان گرت و هێنایانه‌ ناو دیمه‌شق.
9
سێ ڕۆژان هیچی نه‌بینی، هیچی نه‌خوارد و هیچی نه‌خوارده‌وه‌.
10
له‌ دیمه‌شق قوتابییه‌ك هه‌بوو ناوی حه‌نانیا بوو، مه‌سیحی خاوه‌ن شكۆ له‌ بینیندا پێی فه‌رموو: «حه‌نانیا!»
گوتی: «ئه‌وه‌تام گه‌وره‌م!»
11
مه‌سیح پێی فه‌رموو: «هه‌سته‌ و بڕۆ ئه‌و شه‌قامه‌ی پێی ده‌گوترێ ڕاست، له‌ ماڵی یه‌هوزا پرسیار له‌ پیاوێكی ته‌رسۆسی بكه‌ ناوی شاوله‌، وا نوێژ ده‌كات.
12
له‌ بینیندا پیاوێكی بۆ ده‌ركه‌وت به‌ ناوی حه‌نانیا كه‌ دێته‌ لای و ده‌ستی له‌ سه‌ری داده‌نێت تاكو بینایی بۆ بگه‌ڕێته‌وه‌.»
13
حه‌نانیا وه‌ڵامی دایه‌وه‌: «گه‌وره‌م، له‌ زۆر كه‌س ئه‌و خراپانه‌م بیستووه‌ته‌وه‌ كه‌ ئه‌م پیاوه‌ له‌ ئۆرشه‌لیم به‌ گه‌له‌ پیرۆزه‌كه‌ی تۆی كردووه‌.
14
ئه‌وه‌تا لێره‌ له‌ كاهینانی باڵاوه‌ ده‌سه‌ڵاتی هه‌یه‌، هه‌موو ئه‌وانه‌ بگرێت كه‌ به‌ ناوی تۆ ده‌پاڕێنه‌وه‌.»
15
به‌ڵام مه‌سیح پێی فه‌رموو: «بڕۆ! ئه‌م پیاوه‌ بۆ من ئامێرێكی هه‌ڵبژێردراوه‌ بۆ هه‌ڵگرتنی ناوی من له‌به‌رده‌م نه‌ته‌وه‌كان و پاشایان و نه‌وه‌ی ئیسرائیل.
16
پیشانی ده‌ده‌م ده‌بێت له‌به‌ر ناوی من چه‌ند ئازار بچێژێت.»
17
حه‌نانیاش ڕۆیشت و چووه‌ ماڵه‌كه‌، ده‌ستی له‌سه‌ری دانا و گوتی: «برام شاول، عیسای خاوه‌ن شكۆ منی ناردووه‌، ئه‌وه‌ی له‌و ڕێگایه‌ی پێیدا هاتی بۆت ده‌ركه‌وت، تاكو دیسان ببینیت و پڕبیت له‌ ڕۆحی پیرۆز.»
18
ده‌ستبه‌جێ شتێكی وه‌ك توێكڵ له‌ چاوه‌كانی كه‌وته‌ خواره‌وه‌، ئینجا بینی، هه‌ستا و له‌ ئاو هه‌ڵكێشرا.
19
نانی خوارد، هێزی هاته‌وه‌ به‌ر و بۆ چه‌ند ڕۆژێك له‌ دیمه‌شق له‌گه‌ڵ قوتابییه‌كان بوو.
مژده‌دانی شاول له‌ دیمه‌شق 
20
یه‌كسه‌ر له‌ كه‌نیشته‌كاندا عیسای ڕاده‌گه‌یاند، كه‌ كوڕی خودایه‌.
21
هه‌موو ئه‌وانه‌ی گوێیان ده‌گرت سه‌رسام ببوون و ده‌یانگوت: «ئه‌مه‌ ئه‌وه‌ نییه‌ ئه‌وانه‌ی له‌ناوده‌برد كه‌ له‌ ئۆرشه‌لیم به‌م ناوه‌ ده‌پاڕانه‌وه‌؟ بۆ ئه‌مه‌ش نه‌هاته‌ ئێره‌، تاكو به‌ به‌ندكراوی بۆ كاهینانی باڵا بیانبات؟»
22
به‌ڵام شاول توانادارتر ده‌بوو، جوله‌كه‌ی دانیشتووی دیمه‌شقی ده‌مكوت ده‌كرد و ده‌ریده‌خست كه‌ عیسا مه‌سیحه‌.
23
پاش ماوه‌یه‌كی زۆر، جوله‌كه‌ پیلانیان دانا بیكوژن،
24
به‌ڵام شاول به‌ پیلانه‌كه‌یانی زانی. ئه‌وان شه‌و و ڕۆژ چاودێری ده‌روازه‌كانیان ده‌كرد تاكو بیكوژن.
25
بۆیه‌ قوتابییه‌كان به‌ شه‌و بردییان و له‌ناو سه‌به‌ته‌یه‌كدا له‌ شووراكه‌وه‌ شۆڕیان كرده‌وه‌.
شاول له‌ ئۆرشه‌لیم 
26
كاتێك گه‌یشته‌ ئۆرشه‌لیم، هه‌وڵی دا بچێته‌ پاڵ قوتابییه‌كان، به‌ڵام هه‌موو لێی ترسان و باوه‌ڕیان نه‌ده‌كرد كه‌ قوتابییه‌.
27
به‌ڵام به‌رناباس بردی و هێنایه‌ لای نێردراوان، بۆی گێڕانه‌وه‌ چۆن له‌ ڕێگادا عیسای خاوه‌ن شكۆی بینیوه‌ و قسه‌ی له‌گه‌ڵ كردووه‌، هه‌روه‌ها چۆن له‌ دیمه‌شق ئازایانه‌ به‌ ناوی عیساوه‌ مزگێنیی ڕاگه‌یاندووه‌.
28
ئیتر له‌گه‌ڵیان له‌ ئۆرشه‌لیم ده‌هات و ده‌چوو، به‌ چاونه‌ترسییه‌وه‌ به‌ ناوی عیسای خاوه‌ن شكۆوه‌ مزگێنیی ڕاده‌گه‌یاند.
29
هه‌روه‌ها قسه‌ و مشتومڕی له‌گه‌ڵ جوله‌كه‌ یۆنانییه‌كان ده‌كرد، ئه‌وانیش هه‌وڵیان دا بیكوژن.
30
كاتێك باوه‌ڕداران به‌مه‌یان زانی بردییانه‌ قه‌یسه‌رییه‌ و بۆ ته‌رسۆسیان نارد.
31
كڵێساش له‌ هه‌موو یه‌هودیا و جه‌لیل و سامیره‌دا له‌ ئارامیدا بوو، بنیاد ده‌نرا و له‌ سایه‌ی ترسی مه‌سیحی خاوه‌ن شكۆ و دڵنه‌وایی ڕۆحی پیرۆزدا له‌ زیادبووندا بوو.
په‌ترۆس له‌ شاری لوده‌ و یافا 
32
ئه‌وه‌ بوو كه‌ په‌ترۆس به‌ هه‌موو ناوچه‌كاندا تێده‌په‌ڕی، بۆ لای گه‌لی پیرۆزی خودا له‌ شاری لوده‌ دابه‌زی.
33
له‌وێ پیاوێكی بینی ناوی ئینیاس بوو، هه‌شت ساڵ له‌ناو جێگا كه‌وتبوو، ئیفلیج بوو.
34
په‌ترۆس پێی گوت: «ئینیاس، عیسای مه‌سیح چاكت ده‌كاته‌وه‌. هه‌سته‌ جێگاكه‌ت ڕابخه‌!» ده‌ستبه‌جێ هه‌ستا.
35
هه‌موو ئه‌وانه‌ی له‌ لوده‌ و شارون داده‌نیشتن بینییان، ئیتر به‌ره‌و لای مه‌سیحی خاوه‌ن شكۆ گه‌ڕانه‌وه‌.
36
قوتابییه‌ك له‌ یافا هه‌بوو ناوی تابیسا بوو، واته‌ ئاسك[b] ، پڕبوو له‌ چاكه‌كاری و خێركردن.
37
ئه‌وه‌ بوو له‌و ڕۆژانه‌دا نه‌خۆش كه‌وت و مرد، جا شوشتیان و له‌ ژوورێكی سه‌ره‌وه‌ دایاننا.
38
لوده‌ش له‌ یافا نزیك بوو، قوتابییه‌كان بیستیان په‌ترۆس له‌وێیه‌، دوو پیاویان بۆ نارد و تكایان لێكرد: «له‌ هاتن بۆ لامان دوامه‌كه‌وه‌.»
39
په‌ترۆس هه‌ستا و له‌گه‌ڵیان ڕۆیشت، كاتێك گه‌یشت، بردییانه‌ ژووری سه‌ره‌وه‌، هه‌موو بێوه‌ژنه‌كان له‌لای وه‌ستان، ده‌گریان و ئه‌و كراس و جلانه‌یان پیشانی ده‌دا كه‌ ئاسكه‌ كاتێك له‌گه‌ڵیان بوو كردبووی.
40
په‌ترۆس هه‌موویانی نارده‌ ده‌ره‌وه‌، كه‌وته‌ سه‌ر چۆك و نوێژی كرد، ئینجا ڕووی كرده‌ ته‌رمه‌كه‌ و گوتی: «تابیسا، هه‌سته‌!» ئه‌ویش چاوی كرده‌وه‌ و كاتێك په‌ترۆسی بینی دانیشت.
41
ئیتر ده‌ستی بۆ ڕاكێشا و هه‌ڵیستانده‌وه‌، ئینجا باوه‌ڕداران و بێوه‌ژنانی بانگكرد و به‌ زیندوویی ڕاده‌ستی كردنه‌وه‌.
42
ئه‌مه‌ له‌ هه‌موو یافا زانرا و زۆریش باوه‌ڕیان به‌ مه‌سیح هێنا.
43
ڕۆژانێكی زۆریش په‌ترۆس له‌ یافا له‌لای پێسته‌خۆشكه‌رێك مایه‌وه‌، ناوی شیمۆن بوو.
  1. a. 9‏:2 ڕێگای پاشایه‌تی عیسا، بڕوانه‌ \+xt كردار 24‏:14‏\+xt*‏.
  2. b. 9‏:36 یۆنانی: \+tl دۆركه‌س\+tl*: ئاسك