عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
باوه‌ڕهێنان به‌ مه‌سیح 
1
هه‌ركه‌سێك باوه‌ڕی به‌وه‌ هه‌بێت كه‌ عیسا مه‌سیحه‌، ئه‌وه‌ له‌ خوداوه‌ له‌دایك بووه‌. هه‌ركه‌سێك باوكی خۆشبوێ، ئه‌وه‌شی خۆشده‌وێت كه‌ لێی له‌دایك بووه‌.
2
به‌م شێوه‌یه‌ ده‌زانین ڕۆڵه‌كانی خودامان خۆشده‌وێت: كه‌ خودامان خۆشبوێت و ڕاسپارده‌كانی به‌جێبگه‌یه‌نین.
3
ئه‌مه‌ خۆشه‌ویستی خودایه‌، ڕاسپارده‌كانی به‌جێبگه‌یه‌نن، ڕاسپارده‌كانیشی قورس نین،
4
چونكه‌ هه‌ركه‌سێك له‌ خوداوه‌ له‌دایك بووبێت جیهان ده‌به‌زێنێت، ئه‌مه‌ش ئه‌و سه‌ركه‌وتنه‌یه‌ كه‌ جیهان ده‌به‌زێنێت، باوه‌ڕمانه‌.
5
كێیه‌ جیهان ده‌به‌زێنێت؟ ته‌نها ئه‌و كه‌سه‌ی باوه‌ڕی هه‌یه‌ كه‌ عیسا كوڕی خودایه‌.
6
ئه‌مه‌ ئه‌وه‌یه‌ كه‌ به‌ ئاو و خوێن هاتووه‌، عیسای مه‌سیح، نه‌ك ته‌نها به‌ ئاو، به‌ڵكو به‌ ئاو و به‌ خوێن. ڕۆحی پیرۆزیش شایه‌تی ده‌دات، چونكه‌ ڕۆحه‌كه‌ ڕاستییه‌.
7
ئه‌وانه‌ی شایه‌تی ده‌ده‌ن سێیانن:
8
ڕۆح و ئاو و خوێن، ئه‌م سێ شایه‌ته‌ هه‌مان شایه‌تی ده‌ده‌ن.
9
ئه‌گه‌ر ئێمه‌ شایه‌تی مرۆڤ له‌لامان قبوڵ بێت، شایه‌تی خودا گه‌وره‌تره‌، چونكه‌ ئه‌مه‌ شایه‌تی خودایه‌ سه‌باره‌ت به‌ كوڕه‌كه‌ی داویه‌تی.
10
ئه‌وه‌ی باوه‌ڕ به‌ كوڕی خودا بهێنێت ئه‌م شایه‌تییه‌ له‌ خۆیدا هه‌یه‌. ئه‌وه‌ی باوه‌ڕ به‌ خودا نه‌كات خودا به‌ درۆزن داده‌نێت، چونكه‌ باوه‌ڕ به‌و شایه‌تییه‌ ناكات كه‌ خودا سه‌باره‌ت به‌ كوڕه‌كه‌ی داویه‌تی.
11
ئه‌مه‌ش شایه‌تییه‌كه‌یه‌: خودا ژیانی هه‌تاهه‌تایی پێداوین و ئه‌و ژیانه‌ش له‌ كوڕه‌كه‌یدایه‌.
12
ئه‌وه‌ی كوڕه‌كه‌ی هه‌بێت ژیانی هه‌یه‌، ئه‌وه‌ی كوڕی خودای نه‌بێت، ژیانیشی نابێت.
دڵنیایی ژیانی هه‌تاهه‌تایی 
13
ئه‌مانه‌م بۆ ئێوه‌ نووسی كه‌ باوه‌ڕتان به‌ ناوی كوڕی خودا هه‌یه‌، تاكو بزانن ژیانی هه‌تاهه‌تاییتان هه‌یه‌.
14
ئه‌مه‌ش ئه‌و متمانه‌یه‌ كه‌ به‌ومان هه‌یه‌، ئه‌گه‌ر به‌گوێره‌ی ویستی خۆی داوای شتێك بكه‌ین، گوێمان لێ ده‌گرێت.
15
ئه‌گه‌ر بزانین گوێمان لێ ده‌گرێت، هه‌رچییه‌ك داوا بكه‌ین ده‌زانین ئه‌وه‌ی له‌ ئه‌ومان داوا كردووه‌ هه‌مانه‌.
16
ئه‌گه‌ر كه‌سێك خوشك یان برایه‌كی له‌ كاتی ئه‌نجامدانی گوناهێكدا بینی كه‌ به‌ره‌و مردنی نه‌بات[a] ، پێویسته‌ له‌سه‌ری له‌ خودا بۆی بپاڕێته‌وه‌، خوداش ژیانی ده‌داتێ. مه‌به‌ستم ئه‌وانه‌ی گوناه ده‌كه‌ن به‌ره‌و مردن نییه‌. گوناه هه‌یه‌ به‌ره‌و مردنه‌،[b] بۆ ئه‌مه‌ ناڵێم داوا بكرێت.[c]
17
هه‌موو ناڕه‌واییه‌ك گوناهه‌ به‌ڵام گوناهیش هه‌یه‌ به‌ره‌و مردن نییه‌.
18
ده‌زانین هه‌ركه‌سێك له‌ خوداوه‌ له‌دایك بووبێت به‌رده‌وام نابێت له‌ گوناه كردن، به‌ڵكو ئه‌وه‌ی له‌ خوداوه‌ له‌دایك بووه‌ خۆی ده‌پارێزێت و شه‌یتان ده‌ستی لێ نادات.
19
ده‌زانین له‌ خوداوه‌ین و هه‌موو جیهان له‌ژێر ده‌ستی شه‌یتاندا دانراوه‌.
20
هه‌روه‌ها ده‌زانین كه‌ كوڕی خودا هات و چاوی كردینه‌وه‌ تاكو ئه‌و بناسین كه‌ ڕاستییه‌. ئێمه‌ش به‌ یه‌كبوون له‌گه‌ڵ ڕاستیداین، ئه‌ویش عیسای مه‌سیحی كوڕی خۆیه‌وه‌. ئه‌و خودای ڕاسته‌قینه‌ و ژیانی هه‌تاهه‌تاییه‌.
21
ڕۆڵه‌ خۆشه‌ویسته‌كان، خۆتان له‌ بت بپارێزن.
  1. a. 5‏:16 ئه‌و گوناهه‌ی كه‌ مرۆڤ له‌ ژیانی هه‌تاهه‌تایی داده‌بڕێت، بڕوانه‌\+xt مه‌تا 12‏:32‏\+xt*‏
  2. b. 5‏:16 هه‌ندێك گوناه كه‌ به‌ ئه‌نقه‌ست ده‌كرێن مرۆڤ به‌ره‌و گومڕایی و مردنی ڕۆحییانه‌ ده‌بات.
  3. c. 5‏:16 بڕوانه‌\+xt مه‌تا 12‏:31‏،32‏\+xt*‏.