عیسا فەرمووی:
ئاسمان و زەوی بەسەر دەچن ، بەڵام وشەکانم ھەرگیز بەسەرناچن .

عیسا وه‌ڵامیدایه‌وه‌: (....، بۆ ئه‌مه‌ له‌دایكبووم و بۆ ئه‌مه‌ش هاتوومه‌ته‌ جیهان،
تاكو شایه‌تی بۆ راستی بده‌م. هه‌ركه‌سێك له‌ راستییه‌وه‌ بێت گوێ له‌ ده‌نگم ده‌گرێت.)

کتێبی پیرۆز
1
له‌ پیره‌كه‌وه‌[a] ،
بۆ خانمی هه‌ڵبژێردراو و بۆ منداڵانیشی كه‌ له‌ ڕاستیدا خۆشمده‌وێن، نه‌ك ته‌نها من، به‌ڵكو هه‌موو ئه‌وانه‌ی ڕاستی ده‌ناسن،
2
له‌به‌ر ئه‌و ڕاستییه‌ی تیاماندا نیشته‌جێ ده‌بێت و هه‌تاهه‌تایه‌ له‌گه‌ڵمان ده‌بێت:
3
با نیعمه‌ت[b] و به‌زه‌یی و ئاشتیمان له‌گه‌ڵه‌ له‌ خودای باوك و عیسای مه‌سیحی كوڕی باوكه‌وه‌، به‌ ڕاستی و خۆشه‌ویستییه‌وه‌.
ڕاستی و خۆشه‌ویستی 
4
زۆر دڵخۆش بووم كه‌ بینیم هه‌ندێك له‌ منداڵه‌كانت به‌گوێره‌ی ڕاستی ده‌ڕۆن، وه‌ك باوك ڕایسپاردین.
5
ئێستاش ئه‌ی خانم، ڕاسپارده‌یه‌كی نوێت بۆ نانووسم، به‌ڵكو ئه‌وه‌ی له‌ سه‌ره‌تاوه‌ هه‌مانبووه‌: داوات لێ ده‌كه‌م، با یه‌كتریمان خۆشبوێ.
6
خۆشه‌ویستی ئه‌مه‌یه‌: به‌گوێره‌ی ڕاسپارده‌كانی خودا بڕۆین. هه‌روه‌ك له‌ سه‌ره‌تادا گوێتان لێی بووه‌، ڕاسپارده‌كه‌ ئه‌مه‌یه‌، كه‌ به‌ خۆشه‌ویستی هه‌ڵسوكه‌وت بكه‌ن.
ئاگاداری گومڕاییكاران بن 
7
چه‌واشه‌كاری زۆر به‌ جیهاندا بڵاوبوونه‌ته‌وه‌ و دان به‌وه‌دا نانێن كه‌ عیسای مه‌سیح به‌ جه‌سته‌ هاتووه‌. ئه‌مانه‌ چه‌واشه‌كار و دژه‌ مه‌سیحن.
8
ئاگاداری خۆتان بن، نه‌وه‌ك ئه‌وه‌ له‌ده‌ستبده‌ن كه‌ كارمان بۆ كردووه‌، به‌ڵكو پاداشتی ته‌واو وه‌ربگرن.
9
هه‌ركه‌سێك پێش بكه‌وێت و له‌ فێركردنی مه‌سیح به‌رده‌وام نه‌بێت، بێبه‌رییه‌ له‌ خودا. ئه‌وه‌ی له‌ فێركردنه‌كه‌ به‌رده‌وام بێت، هه‌م باوكی ئاسمانی و هه‌م كوڕه‌كه‌ی هه‌یه‌.
10
ئه‌گه‌ر یه‌كێك هاته‌ لاتان و ئه‌و فێركردنه‌ی نه‌هێنا، له‌ ماڵه‌كه‌تان وه‌ریمه‌گرنه‌وه‌ و سڵاوی لێ مه‌كه‌ن،
11
چونكه‌ ئه‌وه‌ی سڵاوی لێ بكات، له‌ به‌دكارییه‌كانیدا به‌شدار ده‌بێت.
كۆتایی 
12
زۆر شتم هه‌یه‌ بۆتانی بنووسم، به‌ڵام نامه‌وێت به‌ مه‌ره‌كه‌ب و كاغه‌ز بێت، به‌ڵكو ئومێده‌وارم له‌گه‌ڵتان بم و ڕووبه‌ڕوو بدوێین، تاكو ته‌واو دڵخۆش بین.
13
منداڵانی خوشكه‌ هه‌ڵبژێردراوه‌كه‌ت[c] سڵاوت لێده‌كه‌ن.
  1. a. 1‏:1 مه‌به‌ست له‌ یۆحه‌نایه‌.
  2. b. 1‏:3 خودا نیعمه‌ت به‌ مرۆڤ ده‌به‌خشێت، به‌ واتای به‌خشینێكی خودایه‌ كه‌ به‌بێ ئه‌وه‌ی شایسته‌ی بین خودا پێمان ده‌به‌خشێت.
  3. c. 1‏:13 مه‌به‌ست له‌ باوه‌ڕدارانی كڵێسای ئه‌فه‌سۆسه‌. بڕوانه‌ پێشه‌كی په‌ڕتووكه‌كه‌ و ئایه‌تی یه‌ك.