عیسای گوت
ئەرد و ئەسمان دێ پویچ بن، بەلێ چ جاران پەیڤا من پویچ نابیت.

عیسای بەرسڤا وی دا:
«.... ژ بەر هندێ ئەزێ ژ دایك بوویم، و ژ بەر ڤێ ئەزێ هاتیمە جیهانێ داكو شاهدەیێ
بۆ راستیێ بدەم.هەر كەسێ ژ راستیێ بیت دێ گوهێ خۆ دەتە دەنگێ من.»

په‌رتوکا پیرۆز
هەمی باوەردار ب مەسیحی ئێكن 
‏11‏-12 لەوما بیرا خۆ بینن كو دەمەكی هوین یێن ژ بنیاتێ خۆ نەجوهی د بێ مەسیح بوون. هوین ئەون یێن ب «سونەتنەكری» دهێنە بناڤكرن ژ لایێ وان ڤە یێن ب «سونەتكری» دهێنە بناڤكرن، ئەوێن ب كارێ دەستی د لەشی دا هاتینە سونەتكرن. وی دەمی هوین ژ هەڤوەڵاتینیا گەلێ ئیسرائیل د ڤەدەر بوون و ژ پەیمانێن[a] ل سەر سۆزا خودێ هاتینە دامەزراندن دبیانی بوون. هەوە هیڤی نەبوو و د جیهانێ دا د بێ خودێ بوون.
دەربازبوون ژ مرنێ بۆ ژیانێ 
1
هوین ژی ژ بەر سەرپێچی و گونەهێن خۆ د مری بوون،[b]
2
دەمێ هوین ل دویڤ چەرخا ڤێ جیهانێ دژیان، ل دویڤ سەروەرێ دەستهەلاتا بەرگەبای[c] ، ئەو گیانێ نوكە د ناڤ مرۆڤێن نەگوهدار دا كار دكەت.
3
دەمەكی مە هەمیان ژی د ناڤ وان دا ب ئارەزوویێن لەشێ خۆ دكر و حەزێن لەش و هزرێن خۆ ب جهـ دئینان. ئەم ژی وەكو یێن دی، ب سرۆشتێ خۆ د هەژی تۆڕەبوونا خودێ[d] بووین.
4
لێ خودایێ كو ب دلۆڤانیێ دەولەمەند، ژ پێخەمەت حەزژێكرنا خۆ یا مەزن، ئەوا پێ حەز ژ مە كری،
5
دەمێ ئەم ژ بەر گونەهێن خۆ هێشتا د مری بووین، ئەم ل گەل مەسیحی ڤەژاندین. ب كەرەمێیە كو هوین قورتال بووین.
6
ژ بەر ئێكبوونا مە ل گەل مەسیح عیسای، خودێ ئەم ل گەل وی ژ مرنێ راكرین و ل گەل وی ل جهێن ئەسمانی روینشتاندین.
7
خودێ ئەڤە كر، دا د سەردەمێن بهێن دا، دەولەمەندیا كەرەما خۆ یا بێ سنوور دیار بكەت، ب رێكا وێ قەنجیا وی، د ئێكبوونا مە ل گەل مەسیح عیسای دا، ل گەل مە كری.
8
چنكو هوین ب كەرەما خودێ قورتال بوون، ئەو ژی ب رێكا باوەریێ بوو و ئەڤ چەندە نە ژ هەوەیە، لێ دیاریا خودێیە.
9
ئەڤە نە ئەنجامێ كریارێن هەوەیە، دا چ كەس شانازیێ ب خۆ نەبەت.
10
چنكو ئەم چێكریێن خودێینە، د ئێكبوونا ل گەل مەسیح عیسای دا هاتینە ئافراندن، دا ئەم د ڤان كریارێن باش دا، یێن خودێ پێشوەخت ئامادە كرین، بڕێڤە بچین.
13
لێ نوكە د ئێكبوونا ل گەل مەسیح عیسای دا، هوین یێن كو ل دەمەكی ددویر بوون، ب رێكا خوینا مەسیحی هاتنە نێزیك كرن.
14
چنكو مەسیح ب خۆ ئاشتیا مەیە. وی هەردوو[e] كرنە ئێك و ب لەشێ خۆ دیوارێ ناڤبڕێ، ئانكو دوژمناتی، هەلوەشاند.
15
وی دەستوور ب فەرمان و رێسایێن وی ڤە ژ كار ئێخست، دا ب ئێكبوونا[f] ل گەل خۆ، ژ هەردوویان مرۆڤەكێ نوی بئافرینیت و ب ڤی شێوەی ئاشتیێ چێبكەت[g]
16
و ب خاچا خۆ هەردوویان د لەشەكی دا ل گەل خودێ ئاشت بكەت، هۆسا وی دوژمناتی كوشت.[h]
17
ئەو هات و مزگینیا ئاشتیێ بۆ هەوە یێن دویر و یێن نێزیك ژی ئینا.[i]
18
چنكو ب رێكا مەسیحی، مە هەردوویان دەستویریا هەی، ب ئێك گیان[j] خۆ نێزیكی بابی بكەین.
19
ئەڤجا ئێدی هوین نە خەلك و بیانینە، لێ هوین ل گەل پیرۆزكریان هەڤوەڵاتینە و ئەندامێن مالا خودێنە.
20
هوین ل سەر بنیاتێ هنارتی و پێغەمبەران دئاڤاكرینە و مەسیح عیسا ب خۆ بەرێ بنیاتیە.
21
ب وی هەمی ئاڤاهی خۆ پێكڤە دگریت و مەزن دبیت، دا بۆ خودانی ببیتە پەرستگەهەكا پیرۆز.
22
ب وی هوین ژی پێكڤە دهێنە ئاڤاكرن، دا ببنە خانیەك بۆ خودێ ب گیانێ پیرۆز.
  1. a. 2‏:11‏-12 ئەو پەیمانن یێن خودێ ل گەل ئیبراهیم و پاشی ل گەل مللەتێ ئیسرائیل گرێ داین. ل فەرهەنگۆكێ بنێڕە: \k ئیبراهیم\k* و \k پەیمان\k*.
  2. b. ‏2‏:1 كۆلۆسی ‏2‏:13
  3. c. ‏2‏:2 ئانكو ئەسمانێ نێزیكی ئەردی، ئەوێ با لێ هەی. (الغلاف الجوي)
  4. d. ‏2‏:3 دەقێ یونانی دبێژیت ‹زاڕۆكێن تۆڕەبوونێ بووین›.
  5. e. ‏2‏:14 ئانكو جوهی و نەجوهی
  6. f. ‏2‏:15 ئانكو ئێكبوونا جوهیان و نەجوهیان ل گەل وی
  7. g. ‏2‏:15 كۆلۆسی ‏2‏:14
  8. h. ‏2‏:16 كۆلۆسی ‏1‏:20
  9. i. ‏2‏:17 ئیشایا ‏57‏:19
  10. j. ‏2‏:18 مەبەست پێ گیانێ پیرۆزە